السلام عليكم ورحمة الله...

انهارده ياخوانا وانا راجع من الساحل على طريق العالمين الساعة 8 المغرب عديت من جنب Cerato على 130 عادي جدا..

المهم ببص في المراية لقيته قام منور الأنوار العالية والفوجات وجاي بيجري عليَّ.
فـبقول لصاحبي ده شكله عايز يشد, قام قايلي آه يلا خيطه بقى...بيني وبينكم أنا كنت متردد وقلت معرفش العربية هتعمل ايه مع السيراتو لإن المعروف إن السيراتو أعلى في الهورس باور بتاعها.

المهم قررت اجرب, و وهو جاي عليَّ ابتديت أدوس البنزين حبة لحد 160...لقت المسافة مابينا بعد مكانت بتقرب بقت ثابتة...شوية بقت 170 بقت بتبعد تدريجيا...190 لقيت المسافة بتزيييييد قوي.

المهم بعدت عنه بتاع نص كيلو كده وبعدين هديت تاني ل 120 تقريبا...لقيته جاي يعدي من جمبي وبعدين لقيته بيهدي عاليمين شوية...تقريبا مستنيني أطلع منه تاني..قمت معدي من جمبه بالراحة كده على 130.

بعد ما فرقت عنه شوية لقيته جاي بيجري جامد وعدى من جمبي تاني...قمت دايس تاني وجبت 180 لقيته بقى وراية تاني... شوية بقت 190 وبتاع 10 دقائق كده مشفتوش عالطريق تاني لحد ماوصلت.

اللي اكتشفته من الشدة ده إن ثبات السيراتو بيقل قوي بعد 160 والله أعلم وبالتالي الراجل ماكانش بيقدر يكمل معايا بعدها.

ايه رأيكم في الكلام ده...حد ساء سيراتو قبل كده وجرب ثباتها ؟ تفتكره العيب من صاحب السيراتو ولا هي العربية فعلا ما بتسيدش في السرعات العالية ؟

تحياتي.