الموضوع: جين 2 vs سيراتو على طريق العالمين...

[OVERLINE]انا معايا الاتنين و سافرت بالاتنين و شديت بالاتنين و قرصت على الاتنين و كنت سايق يوم الاتنين كمان

العيب عيب سواق السيراتو
العربيتن ما شاء الله بس الجين تو اثبت شوية من السيراتو
و ماتورالسيراتو مبيعلاش ولا حاجة العادى زى اى عربية بتقرص عليها و ثابتة برضه جدا بس نقرة تقيلة شوية او حفرة او ملف على سرعة قول على نفسك يا رحمن يا رحيم
انما الجين لاااااااااااااااااااااااا اا
و ماتور السيراتو رهيييييييييييب و العربية تمام تمام تمام جدا و السيراتو سيراتو و الجين جين برضه
بس كدا و فى التأنى السلامة و فى العجلة الندامة و ربنا يكفيك شر الطريييييييييييييييييييق [/OVERLINE]

المشاركة الأصلية كتبت بواسطة ramyar

السيراتو موتورها جامد جدا وخصوصا ان انتا لو بتشد معاه من الثبات مش هتشوفه قدامك لحد ال 120 انتا هتحصله وهتعديه مستريح كمان بعد ال 150 السيراتو صوتها بيعلي وبعدين الفئه التانيه من السيراتو عفشتها الخلفيه ناشفه شويه وكمان بار واحد مش مقصات زي الي عندنا وده الي بيخلي الي سايق يحس ان العربيه مش ثابته من الخلف لاكن موتور وفتيس السيراتو يكسب عن تجربه واولا واخيرا الشد والجري بيعتمد علي قلب السواق يعني ممكن واحد يخاف يحرق علي الغيارات وواحد تاني متمرس عادي ما بيخافش

تمام يا أستاذ رامي بس أنا كنت باشد معاه فوق ال 120 أكيد وهو كان اخره معايا 160.

وتمام كلامك على نظام التعليق الخلفي أكيد.

المشاركة الأصلية كتبت بواسطة mo7hamedemad

اولا صباح الفل يا حودة
ثانيا هوة اية حكاية الطريق دة برضو انا لما سفرت علية اكتشفت حجات كتير فى العربية تقريبا الطريق دة معمول للى عايز يعرف مين هى بروتون
ثالثا انا مقدرش افيدك فى موضوع السيراتو لانى الصراحة مسقتهاش قبل كدة انا كبيرى اعدت جنب واحد صاحبها
بس كل الى اقدر اقولهولك ان بروتون فعلا اثبتت جدارتها على الطرق السريعة

صباح الفل يا محمد.

فعلا عندك حق, الطريق ده فعلا حلو قوي بس يعيبه إنه كله مطالع ومنازل, يعني مش طول الطريق ماشي مستقيم.

أنا شايف طريق السخنة أحسن بصراحة, بس ده برده ميمنعش إن طريق العالمين جامد.

و بروتون طبعا لا تعليق على الثبات.

المشاركة الأصلية كتبت بواسطة Tarek Gen 2

[OVERLINE]انا معايا الاتنين و سافرت بالاتنين و شديت بالاتنين و قرصت على الاتنين و كنت سايق يوم الاتنين كمان

العيب عيب سواق السيراتو
العربيتن ما شاء الله بس الجين تو اثبت شوية من السيراتو
و ماتورالسيراتو مبيعلاش ولا حاجة العادى زى اى عربية بتقرص عليها و ثابتة برضه جدا بس نقرة تقيلة شوية او حفرة او ملف على سرعة قول على نفسك يا رحمن يا رحيم
انما الجين لاااااااااااااااااااااااا اا
و ماتور السيراتو رهيييييييييييب و العربية تمام تمام تمام جدا و السيراتو سيراتو و الجين جين برضه
بس كدا و فى التأنى السلامة و فى العجلة الندامة و ربنا يكفيك شر الطريييييييييييييييييييق [/OVERLINE]

تمام يا طارق أنا كنت مستني ردك بصراحة, بس برده مقلتش السيراتو ايه اخبارها بعد ال 160 ؟

المشاركة الأصلية كتبت بواسطة momopersona

ده موضوعى بعد تجربة السيراتو الجميله
http://www.nilemotors.net/Nile/154984-a.html
وانا رأيى ان الموضوع فرق سواق
لان محرك السيراتو فعلا مشكله

تمام يا محمد بس إنت بتتكلم لحد 160, وأنا بأسأل بعد ال 160 ايه النظام.

المشاركة الأصلية كتبت بواسطة أبومريم

أنا جربت السيراتو مسافات طويلة على طريق سريع وفي وسط البلد وفي الحالتين عفشة السيراتو أنشف من الجين 2 و حتى عربية تانية جنط 16 مش 17 برضو العفشة انشف ورغم كدا الثبات أقل بس ثبات السيراتو مش بيبان إنه أقل إلا على السرعات العالية بعد 140 مثلا ويمكن هو دا سبب إن بتاع السيراتو مكنش بيجري معاك على السرعات العالية
بخصوص موتور السيراتو وسحبتها أنا العربية اللي جربتها كانت لسة بتلين فمقدرش أحكم عليها بس كانت طلعتها تقيلة جدا بشكل سخيف وسحبها مش بيتحسن غير بعد 60كم بس على الطريق عادة بطلع من السيراتو معرفش دا عيب سواق في كل مرة ولا أيه

تمام يا أبومريم, شكرا لنقل التجربة.

بالنسبه لى انا مش بتاع شد ... يمكن جرى على سرعات فى الطوالى وطريق فاضى نوعا ما .... هحكيلكم بعض المواقف اللى حصلت معايا
1- طالع انا وسيفيك من بعد مطب كنا مهديين فيه جامد اوى ..... الأستاذ داس على البنزين ماشوفتهوش وحتى ماحولتش اجيبه علشان حسيت ان منظرى هيبقى وحش اوى
2- طريق القطاميه .. ماشى على 140 جت جنمبى سيفيك شدينا مع بعض لحد 200 كم ماشيين راس براس بعد كده استهديت بالله وسيبته يروح لعياله
3- عربيه غريبه اوى بيجو 406 كوبيه شكلها رياضى اوى ... على مصر اسكندريه ..... من 120 حتى 190 شوفته وهو بيبعد منى فى المرايه لحد ما أختفى من الأفق

بيتهيألى ان اداء الجين 2 بعد 140 كم بيبقى حاجه تانيه .. بس بصراحه محتاج تفسير