هى من ناحية افضل من سكوربيو ولاند روك فهى فعلا افضل منهم ودى حقيقة منقدر ننكرها.
لكن كل اصحابى اللى جربوها زعلاننين جدا عارف يا باشا استهلاك بنزين 130 الى 140 كيلو فى الصفيحة يعنى خراب بيوت.
بخلاف بقى مشاكل الفتيس والاكس اللى بتكسر دايما والدبة الجامدة اللى فى العفشة والفرش الداخلى اللى بيتفك بسرعة. يا باشا دا احنا ركبين العربية كل مطب بيوقع الستارة الخلفية.
وبعدين تعرفوا ان المنيوال بقت بــ 145 الف جنية ليه يعنى .. مش لما تثبت وجودها يبقوا يغلوها.
طبعا مش هتكلم عن الضريبة الـ 2% من ثمنها يعنى حوالى 3000 جنية فى السنة (حرام والله)
على فكرة انا اتريت التيجو وانا متردد لكن بصراحة العربية هايلة انا عملت بيها 2000 كيلو ومشاء الله عليها وبـ 95 الف يعنى الفارق كبير جدا يجيب عربية تانية.