السلام عليكم
إيه يا جماعة الموضوع قلب بصراع طبقي بين السيارات ليه ؟!
دلوقتي
الفيات برافو :
هاتشباك ( و محدش يقول ان الهوندا عائلية و الفيات مش عائلية القيات عائلية برضه )
تصميم هجومي جرئ
شنطة معقولة حدا جدا
داخلي فيها حلو و الخامات كويسة
محرك 1400 تيربو 150 حصان و اكثر من 200 نيوتن*متر عزم و دة شئ جميل جدا
مانيوال ( سواقته اكثر متعة من الاوتو 9
عربية فريدة في الشارع
عيوبها بنزين 95
الهوندا
سيدان
شنطة في نفس مستوى البرافو ( لأن قاعدة العجلات كبيرة على حساب سعة الشنطة )
تصميم رياضي هجومي
صالون واسع
محرك غير متاكد من موضوع ال 140 حصان اللي فيه *
اوتوماتيك طبعا
عربية موجودة بكثرة في الشارع
بالنسبة لموضوع المحركات اللي تم التطرق اليها
التيربو دة ميزة في العربية و وظيفته انه يدخل كمية هواء اكثر و بالتالي حرق كمية بنزين اكثر
يعني مثلا محرك البرافو 1400 بس ممكن تكون كمية الهواء اللي داحلة المحرك تعادل كمية هواء محرك 1600 او 1800 و علشان كدة في بعض السيارات الالمانية زي المرسيدس و بي ام ( بعضها ) بيكون حرف الفئة و جنبه رقم سعة المحرك بالرغم من ان سعة المحرك اقل بس لوجود كومبريسور فبيشحن هواء يعادل محرك ذو السعة المكتوبة
حضرتك الكمال لله وحده فالتربو ميزه و عيب فعمره الافتراضي اقل من المحرك و صيانته و التعامل معه يكون بحسسيه اكثر من المحركات العاديه للحفاظ عليه
انا فعلا سمعت عن موضوع ان لما مثلا موتور 1.4 اتحط عليه تربو ممكن تقول 1.6 لانه بيحرق نفس وقود ال1.6 اي سعه لتريه واحده
لكن الموضوع ده في رئيي الشخصي محدش يقدر يقوله الا الشركه المصنعه فقد لما تنزل موتور تربو او سوبر كدا لكن العادي يمفعشي يقول الكلام ده لان اولا معندهوش اجهزه ولا خبره كافيه لقياس السعه اللتريه و ثانيا لما بنسأل عن سعه محرك فالكلمه بتقصد المحرك استوك ثم تقول و عليه تربو بيوزد كام حصان مش بالسعه اللتريه لانك اصلا صعب جدا تعرف هو بيزود السعه لكام
دي وجهة نظري في الموضوع
التيربو كأي ماكينة اخرى له عمر إفتراضي بيقل بعدها كفائته زيه زي المحرك برضه له عمر إفتراضي
اوك لكن عمرها الافتراضي اقل من عمر المحرك بكثير علي حد علمي و هي مكينه حساسه ايضا
اي ضرر اخر بيكون من استخدام الشخص للماكينة يعني لو المحرك مصمم على اساس اداء 100 يتم تصميمه ليتحمل 120 كمعامل امان اما بقى لو محرك ضرب من حد فدة يبقى لأنه استخدامه زاد على مدى تصميم المحرك
بالنسبة للتيربو عدوه الاول الرمل و ذرات الغبار
بالنسبة للعضو الاخ اللي كان قال على محركات الطائرات اللي فيها تيربو فكان يقصد المحركات اللي فيها pistons اللي زي محركات السيارات مش كان يقصد المحركات النفاثة
بالنسبة للمرسيدس مين قال انها مش بتستخدم تيربو هي بتستخدم سوبر تشارجر و دة هو الوجه الاخر للتيربو
هي مش وجه اخر للتربو دي حاجه و دي حاجه لكنهم هما الاثنين يصبون في مصب واحد بس عندك حق فعلا كانت ضيعه مني دي ان مرسيدس في بعض عربيتها بتستخدم السوبر لكن بردو عربيات قليله الي بتستخدم فيها السوبر 80% من عربيتها استوك
اخر حاجة احب اكد عليها اللي ذكرتها في الاول ان علشان البرافو هاتشباك يبقى متبقاش سيارة عائلية لا دي عائلية و دة للأسف أن عندنا في مصر ثقافة الهاتشباك في الحضيض و اي حد يجيب هاتشباك يبقى على طول شاب لا الكلام دة غلط في غلط نفس النظام بالنسبة للبيك اب زي الرام اهبي يقولوا لي هتشتري عربية نص نقل
اعذروني انا المشاركات كنت فاكرها من دماغي فمش متذكر أسماء الاخوة اللي شاركوا