انا مش عارف ده سوء حظ منى و لا غباء من الاخرين

**matrix_rashed_8** · 23-02-2008 04:19 AM

دى حكايتى مع الكورسا السيدان السياره القويه الشبابيه الفقريه
من اول ما جيبت العربيه دى و البلاوى بتتحدف عليا من كل حته
فى الاول العربيه كانت حلوه اوى كان فيها مشكله بس
انى لما باجى افرمل بلاقى الركسيون بيترجرج جامد
المهم روحت التوكيل قالولى ده عيب فى البلى اللى قدام حنغير
بلى عجل +ديسكات+تيل على الضمان
لكن ما ادهشنى هو سعر هذه القطع حيث بلغ ما يقرب من 4000 جنيه
المهم العربيه مشيت كويس فتره ثم ظهر عيب غريب جدا
ان العربيه كانت بتدوس بنزين لوحدها يعنى الصبح تلاقى الار بى ام
قاعد يعلى و يوطى او لما ابقى فى اشاره و ماشى على السلانسيه الاقى العربيه مره واحده
فركت و بتجرى طبعا كل ما اروح التوكيل يقولولى ما فيهاش حاجه
و فى الاخر عمله ريسيت للكمبيوتر و العربيه اتظبطط
و بعدين عشان ما اطولش عليكم عداد البنزين علق و العربيه احتاجت عوامه
ثم كانت الفاجعه العربيه بتترجرج مع الطالعه و سحبحها ضايع و فى هزه فى دواسه الدبرياج
و العداد 8000 كيلوو فقط طبعا رحلات للتوكيل و كل مهندس براى
و بعدين اجمعوا انه طقم دبرياج و انه على حسابى سوء استخدام فقولت اسال بكام طقم الدبرياج ده
و كانت الفاجعه الاخره تمنه 2500 جنيه و بعد مناوشات تم تغييره على حساب التوكيل
ما يارقنى فى هذا الموضوع انى حاسس ان الرعشه لسه موجوده على بسيط
و حاسس برعشه فى الدواسه نفسها بس رعشه بسيطه و خاصه لما ببقى باحرق و انقل على ار بى ام عالى
معلش انا طولت عليكم بس عايز استفسر هل ممكن يكون العربيه فيها عيب تحتاج كل يومين طقم دبرياج
معلش عايز ردودكم معايا

**Hossam.Hamdy** · 23-02-2008 06:09 AM

انا شايف انك تغيرها احسن..او تشوف معرفه تقيله فيى التوكيل و غيروهالك...
عربيه عمله 8000 ك فيها كده...
بصراحه انا فى الميكانيكا كوفته خالص

**ahmedsrs** · 23-02-2008 08:44 AM

فعلا حرام عربية جديدة تعمل كده ممكن يكون فيها عيب صناعة

**ahmed1981** · 23-02-2008 10:27 AM

حاجة غريبة في سيارة زيرو
أهم حاجة إن كله يبقى على حساب التوكيل ومتدفعش مليم
وأي حاجة فيها مشكلة تروح لهم وأمرك لله وإوعى تعمل حاجة برة التوكيل عشان ميضربولكش الضمان
ولو رفضوا عليك وعلى جهاز حماية المستهلك ومتستعجلش وهتلاقيهم في الآخر بيتصلوا يعتذروا
ومفيش مانع تبعت لشركة أوبل بهذه المشاكل الكثيرة بالتفصيل الممل ومعاها كل بيانات العربية وبياناتك
لغاية لما ربنا يعدلها على خير

**SEATLOVER** · 23-02-2008 10:37 AM

بيييييييييع ...............يا لطفى

**HNaga** · 23-02-2008 12:55 PM

الأول انت بتروح اى مركز صيانة؟

حاول تيجى على نفسك وروح المركز الرئيسى فى الهرم وماتمشيش غير لما يضبطوا العربية

ليه تبيعها و تخسر فيها هم مسؤلين ان عربيتك تكون 100 100

**m10_10** · 23-02-2008 01:20 PM

حته الار بي ام كانت عندي نفس الكلام...

بس اولا انا بونتو موديل 95 والحكايه كانت في الانجكشن بتاع العربيه كان فيه حساس اسمه step motor وده اشتريته جديد كان ب400 جنيه ولما ركبته العربيه بقت فل الفل...

ماجتش عند الكنترول يونت خالص رغم اني كنت شاكك فيه بس سبحان الله حاجه قالتلي روح التوكيل اكشف واللي يقولولك عليه اشتريه من برة...

بس فعلا ايه العبط دة هيا مصر بقت ملقف للصناعه الرديئة ولا ايه... لك الله يا شعب مصر ...

**zeyad1810** · 23-02-2008 02:14 PM

ما تسكتش على الناس دى خد حقك منهم بالعافية دة كدة تهريج لما عربية زيرو يكون فيها المشاكل دى من اولها اومال لما تعمل 20000 كيلوا هيحصل اية ؟؟؟؟

**Ahmad Allawy** · 23-02-2008 07:25 PM

العريبة دي ومن كلام ناس شغالين في التوكيل..
عيب صناعه فيها انها بتاكل اسطوانة ودسك دبرياج كتييييييييييييييييير..
ده والله للأمانه علي لسان ناس شغالين في مقار توكيل اوبل..
غير ان فيها عيوب تانية مش فاكرها بصراحة وده لأنها تقفيل برازيلي..وفي الاوبل لسة البرازيل مش تمام..لكن في الفولكس مثلا كفاءة وكمويسين..
وبعدين في حاجة كمان..
الموضوع ده حظوظ.. يعني ممكن تلاقي ناس كتير هترد عليا تكدبني وتقولي ان العربيةماشية 30 الف واكتر من غير ما يعمل فيها حاجة.. ودي انا باسميها ف العربيات اقدام وقرف..
وده اكيد ابتلاء من رنا ليك في مالك..
قول الحمد لله واحتسب.. وده لا يمنع انك تاخد حقك من التوكيل..

**sherif80** · 24-02-2008 10:37 AM

المشاركة الأصلية كتبت بواسطة matrix_rashed_8

انى لما باجى افرمل بلاقى الركسيون بيترجرج جامد

المشاركة الأصلية كتبت بواسطة matrix_rashed_8

المهم العربيه مشيت كويس فتره ثم ظهر عيب غريب جدا
ان العربيه كانت بتدوس بنزين لوحدها يعنى الصبح تلاقى الار بى ام
قاعد يعلى و يوطى او لما ابقى فى اشاره و ماشى على السلانسيه الاقى العربيه مره واحده

يااااا خبر كل ده فى عربية زيرو
اخلص منها احسن
ده عيب صناعة و متضمنش ممكن يحصل ايه تانى

الموضوع: انا مش عارف ده سوء حظ منى و لا غباء من الاخرين

LinkBack

أدوات الموضوع

عرض

انا مش عارف ده سوء حظ منى و لا غباء من الاخرين - انشر الموضوع فى :

-

-

-

-

-

المواضيع المتشابهه

غباء x غباء .... البلد دى هتنضف امتى بقى انا زهقت و جبت اخرى خلالالالالالالالالاص

غباء في غباء ....أخر اصدار...!!!!

حد يرقعني بالكف على قفايا : غباء x غباء

منتخب مصر في عيون الاخرين

غباء فى غباء يؤدى الى ..............

الكلمات الدلالية لهذا الموضوع

المفضلات

المفضلات

ضوابط المشاركة