العربية بترج جامد عند الدوارة

**معاذ الشرباصى** · 17-02-2008 06:49 PM

العربية بقالها كام يوم بترجرج جامد اول اما ادورها الصبح

الrpm بيبقى منخفض جدا عن السلانسيه حوالى 300-400 لفة و لما ادوس بنزين مفيش استجابة فى الاول, بعد كده بتستجيب

انا غيرت البوجيهات امبارح, بس لسه الرجة موجودة

يا ترى ده ايه, و ممكن اعمل ايه؟

**ahmedsrs** · 17-02-2008 06:52 PM

ضبط الكربيراتير

**معاذ الشرباصى** · 17-02-2008 09:01 PM

العربية انجكشن

**sab3aawy** · 18-02-2008 01:55 PM

حسب نظام العربية عندك، فيه عربيات انجكشن بيكون فيها مسمار سلانسيه وفى هذة الحالة زوده شوية، وفيه عربيات تانية مش بيكون فيها وبيكون الأمر معتمد على حساس فتحة الthrotle body، وفى هذة الحالة ممكن يكون الحساس محتاج نظافة، اقترح عليك تنظف الثروتل بادى والحساس بتاعة ، وكمان ممكن تستعمل منظف رشاشات من اللى بيتحط على تفويلة بنزين

**mshamy** · 25-02-2008 08:09 PM

السلام عليك و رحمة الله و بركاته
أنا كان عندي جولف 99 و كان عندي نفس المشكله و رحت التوكيل و كشفوا عليها و قالولي ان العربية محتاجه طقم شنبر علشان في بستم مش شغال كويس و كمان كان في رشاش تعبان.

**fiatmomo** · 25-02-2008 08:23 PM

انا كان عندى نفس المشكلة من شهرين فى عربية 131 .. والميكانيكى قالى فى صباب مش بيقفل كويس .. المهم خرط كل الصبابات .. وعملت شغلانة دخلت فى حوالى 250 جنية وانهاردة العربية عملت تانى نفس الموضوع !!!!!!!!!! وراح شوية ...ورجع تانى .. وانا مروح راح .......... بس فعلا السلانسيه واطى والعربية فيها رجه .........ز ومش عارف ايةالموضوع فعلا صبابات ولا كاربراتير ولا تقسيمة الكاتينة ولا ظبط كهرباء ...