الموضوع: مقارنة بين سيتي - i30 - كيا سول

فعلا الكلام غير الي بيشوف على الحقيقه انا كنت معجب بيها من الكلام لما شوفتها على الحقيقه انبهرت و الونها وشكلها و امكانيتها وشكل التابلوه بجد حاجه تحفه بجد

المشاركة الأصلية كتبت بواسطة amrseba

يا باشا حضرتك جربت العربيه عشان تعرف ادائها اولا ال 1400 ده كمان فى الجولف يبقى ادائها وحش

وعلى فكره موفره جدا فى البنزين وفيها اوبشن عالى وسحبها مع التكييف ممتاز

وشوف فى قسم فيات هيسعدوك

لا ماجربتهاش ... و علشان كدة كنت عايز رأي الناس إللي جربوها.
أنا ماجربتش اي عربية من إللي باعمل بينهم مقارنة ... إلا السيتي ... وعلشان كدة باسأل.
بالنسبة للجولف ال tsi ال 1.4 دي حاجة تانية دي موتور tsi تيربو سوبرتشارجر 160 حصان ... أما البونتو إفو 1.4 سادة.
أنا كمان بافكر في السوزوكي ال sx4 وبرضه ما جربتهاش
شكرا لمساعدتك يا باشا

يا باشا مافيه برده فى الفيات تربو ياعنى جراند بونتو تربو كوبيه 120 حصان والبرافو 120 حصان او 150 حصان

وكله على حسب ما تدفع صح بس فعلا عربيه جميله

السوزوكى sx4 ضيقه انا شوفت واحد راكب فيها ركبته لازقه فى التابلوه والعربيه ضيقه كده والى قاعد فيها مش مرتاح بس انا مجربتهاش بصراحه

المشاركة الأصلية كتبت بواسطة ahmedmohamed7

استحاله الايفو تكون غاليه اومال الابيزا هى السعرها مناسب ؟ ولا البولو ؟
يا فندم انزل شوف العربيه و هتلاقى ان ال100000 اف دول قليلين عليها

الموضوع مش كدة خالص أنا شوفت كل العربيات دي بس ماجرتهاش وده إللي باقوله...
بس لما يكون الفرق 14,000 بين الإبيزا و الإيفو ... و تكون الإبيزا 1.6 و جيربوكس dsg و شاسيه محترم يبقى إيه رأي حضرتك؟
يا جماعة أنا باخد رأيكم مش واخد قرار و عايزكم تساندوني فيه :))
أكيد إنتم عارفين الحيرة إللي الواحد بيكون فيها لما يكون عايز عربية وقدامه إختيارات كتير

شاسيه محترم ايه ده يا باشا هيا الايفو 128 ولا ايه هيا عشان ال 128 شاسيها ضعيف يبقى كل الفيات كده ولاحظ ديه عربيه معموله من سنه 69 شاسيها ضعيف معلش يا باشا جبت المعلومه منين ان الشاسيه ضعيف امال العربيات الكورى ايه الى بتاخد مطب جامد تسمع فى الشاسيه انا اختلف مع حضرتك

المشاركة الأصلية كتبت بواسطة amrseba

يا باشا مافيه برده فى الفيات تربو ياعنى جراند بونتو تربو كوبيه 120 حصان والبرافو 120 حصان او 150 حصان

وكله على حسب ما تدفع صح بس فعلا عربيه جميله

السوزوكى sx4 ضيقه انا شوفت واحد راكب فيها ركبته لازقه فى التابلوه والعربيه ضيقه كده والى قاعد فيها مش مرتاح بس انا مجربتهاش بصراحه

أيوة يا عمرو باشا أنا عارف بس دول فوق ميزايتي.
يبقى نستبعد ال sx4 إلى أن يظهر جديد ويبقى رجعنا للإبيزا والسيتي والسول و i30
أنا لسة شايف موضوع عن الإبيزا عامله أستاذ حاتم ... أكثر من ممتاز وبصراحة العربية فعلا ممتازة وتتفوق على السيتي بالإمكانات والسعر ده ... ولو إن لقيت على كونتاكت كارز واحد كاتب تعليق إن فيها مشكلة في الجيربوكس بتاعها.

المشاركة الأصلية كتبت بواسطة amrseba

شاسيه محترم ايه ده يا باشا هيا الايفو 128 ولا ايه هيا عشان ال 128 شاسيها ضعيف يبقى كل الفيات كده ولاحظ ديه عربيه معموله من سنه 69 شاسيها ضعيف معلش يا باشا جبت المعلومه منين ان الشاسيه ضعيف امال العربيات الكورى ايه الى بتاخد مطب جامد تسمع فى الشاسيه انا اختلف مع حضرتك

أنا ماقلتش خالص إن شاسيه الإيفو ضعيف ... حضرتك إللي شوفت فين إني باقول كده؟
أنا قلت إن شاسيه الإبيزا محترم وده مش مقارنة بعربية معينه ... يا باشا ربنا ما يجيب خلاف ... ليه بس تختلف معايا ... هوة أنا قلت كدة أصلا؟
طيب رأيك لو إبيزا - إيفو - سيتي - سول ... ترتبهم إزاي من الأفضل للأقل