الموضوع: مقارنة بين سيتي - i30 - كيا سول

المشاركة الأصلية كتبت بواسطة NoRmAl

أنا شايف السول أفضلهم
وبعدين السيتى أو الi30
بس عيب السيتى قطع غيارها غاليه أوى وإعاده بيع مش ولابد
أنا مرتاح أكتر للسول
على أى حال أنزل أركب التلاته وتوكل على الله فلى يريحك

NoRmAl باشا ... منور وشكرا لمرورك يا كبير,
واحد جاري جايب سول بيضاء اللون شكلها وحجمها عاجبني بس مش عارف تقيمه ليها إيه وده إللي خالاني أسأل أهل الذكر هنا.
وبرضه عاجبني شكل ال I30 جدا ... شيك قوي ... بس برضه ماجربتهاش.
مش عارف يا NoRmAl هاجرب إيه واللا إيه علشان آخد قرار بس فعلا لازم التجربة.
شكرا يا باشا مرة ثانية

المشاركة الأصلية كتبت بواسطة NoRmAl

أنا شايف السول أفضلهم
وبعدين السيتى أو الi30
بس عيب السيتى قطع غيارها غاليه أوى وإعاده بيع مش ولابد
أنا مرتاح أكتر للسول
على أى حال أنزل أركب التلاته وتوكل على الله فلى يريحك

ماشى ماشى يا عم نورمال اه تشوف موضوع موجود فيه كيا تطلع وتنزل اظاهر ان اعلانات كاس العالم اثرت علييييييييك هههههههههههههههههههههههه ماشى يا عم هنشوفك انشاء الله فى مقابله فيات الجايه ماشى
ونشوفك كده راكب برافو ولا لينيا تربو بدل السيراتو بقى ماشى يا معلم

ويا باشا عايزنى ارشحلك انه

انا شايف ابيزا رقم واحد وبعديها الايفو مكرر عشان بس الماتور ال 1400 لو عايز اوبشن وشكل احسن الايفو وتوفير فى البنزين مفيش زيه وشايف ان الابيز و البونتو ايفو فى نفس المستوى
سيتى 2
i30 المركز الثالث

كيا سول او سيراتو المركز 4 مش هتفرق كتير اينعم شكلها زى عربيه توزيع اللبن بس مش مهم

المشاركة الأصلية كتبت بواسطة vtec

ازيك يا هندسه؟

انا شايف ان السيتى والi30 هما انسب اختيارين ليك

طبعاً السيتى ليها معزه كبيره قوى عندك عشان انت راكب هوندا

الامان الستى اكيد معروفه والi30 ده الcrash test بتاعها من موقع الeuro ncap

hyundai i30 | euro ncap - for safer cars crash test safety rating

اللينك ده حتلاقى فيه 2007 و 2008 بس مشعارف اللى بتنزل عندنا زى ال2007 ولا ال2008

وعشان العربيه استخدام حريمى فلازم تكون ابعادها سهله والعربيتين (السيتى و الi30 ) اعتقد بيحققوا الطلب ده

بس طبعاً انا ارشحلك السيتى من الاختيارات اللى انتا بتقارن بينها

اما لو ممكن موديل تانى مش من اللى انت كاتبهم يبقى فى كلام تانى :)

وبالتوفيق

الحمد لله يا باشا منور يا معلمي,
السيتي الجديدة كمان فيها شوية دلع مع الأساسيات إللي فيها والتوكيل كويس... إلخ ... وبيني وبينك لما تكون معاك سيفيك وتركب سيتي ممكن ماتخدش بالك ودي ميزة.
بس الهاتشباك والكروس أوفر شكلهم رياضي أكثر وخصوصا الهاتشباك.
ربنا يلهمنا الإختيار الأصلح

المشاركة الأصلية كتبت بواسطة Horsepower

NoRmAl باشا ... منور وشكرا لمرورك يا كبير,
واحد جاري جايب سول بيضاء اللون شكلها وحجمها عاجبني بس مش عارف تقيمه ليها إيه وده إللي خالاني أسأل أهل الذكر هنا.
وبرضه عاجبني شكل ال I30 جدا ... شيك قوي ... بس برضه ماجربتهاش.
مش عارف يا NoRmAl هاجرب إيه واللا إيه علشان آخد قرار بس فعلا لازم التجربة.
شكرا يا باشا مرة ثانية

العفو يا باشا وشرف ليا أنى اساعدك فى الاختيار
بص على الموضوع دا علشان تتعرف على السول أكتر
http://www.nilemotors.net/Nile/150498-a.html
الi30 هى الالنترا فى كل شىء بس هاتشباك مش أكتر
يعنى عربيه مجربه وكويسه ورغم عدم أنتشارها إلا أنه مش هيأثر على قطع غيارها لأن زى مقلت هى توأم الالنترا الى مش شبها
لكن إن جيت للحق أنا عن نفسى لو بفكر أجيب عربيه دلوقتى هستنى على الالنترا والi30 لأن فى وحش جديد نازل مستنى أشوف هينزل بكام وبأى أمكانيات ومقدرش أدفع دلوقتى فى عربيه كلها كام شهر وتبقى أولد شيب
السيتى زى مقلت عربيه أعتماديه من الدرجه الاولى لكن قطع الغيار المكلفه للغايه وبصوره غريبه دائما تجعلها حصان خاسر
الى جانب انى شايف أن فى مبالغه فى سعرها الى حد ما
السول يعيبها لو خليجى الجنط ال18
السيراتو بيصوتوامن ال17 فتصور دى 18
وأيضا عدم الانتشار بالتأكيد هيأثر على سعر إعاده بيعها إلا أنى ملاحظ أنها بدأت تنتشر رويدا رويدا وسمعت أنها مغرقه أسكندريه على سبيل المثال
أنما قطع الغيار متوفره بحكم أنها تحمل محرك السيراتو
العربيه تحسها شبابيه وهى حتى الان لهواه التميز
شكلها شيك خارجيا وداخليا
لازم تنزل وتركب كل عربيه بتفكر فيها لا مفر من كده
ودائما خلى القرار قرارك ومتركبش عربيه إلا لما تكون مرتحلها حتى لو سمعت عنها كلام
وصدقنى ركوبك للعربيات دول هيوفر عليك نص الطريق فى حيرتك دى
أتمنى أكون ساعدتك وربنا معاك ويهديك للأصلح إن شاء الله

المشاركة الأصلية كتبت بواسطة vtec

والامان برضه فى صالح السيتى

اعتقد العربيه دى للمدام مش كده؟

لو كده ما تفكر فى الكارينز عائليه وواسعه وتوكيلها محترم

طبعا الأمان أهم حاجة لأنها فعلا للمدام و الأولاد وده إللي مخليني حاطت الأمان أولوية أولى وكمان تكون صغيرة في أبعادها علشان إنت عارف سواقة الحريم أصلا مش ناقصة تكون بعربيات كبيرة.
والله يا باشا الكارينز كويسة برضه بس كارينز واللا سول؟ رأيك إيه؟
أنا عايز أقولك إني بقالي إسبوع بادرس الموضوع ده و لسة ماخدتش قرار ... يمكن علشان بافكر لمراتي مش ليا ... أنا فاكر لما جيبت السيفيك ماتعبتش في المقارنة كدة.

المشاركة الأصلية كتبت بواسطة vtec

هى الكارينز عائليه اكتر من السول + السول لو ناوى تجيبها توكيل هما شالوا منها الabs والesp وممكن تشوف الموضوع ده للتأكيد
http://www.nilemotors.net/nile/163620-a.html

وشوف الcrash test بتاع الكارينز من الeuro ncap برضه
kia carens | euro ncap - for safer cars crash test safety rating

بس لازم لازم تجربها عشان ابعاد الكارينز متنساش انها كبيره شويه فلو المدام مش حتستريح معاها بلاش احسن لأنها فعلا كبيره شويه عن باقى العربيات التانيه

تمام فعلا الكارينز كبيرة وألف شكر يا باشا على اللينكات...
أنا عاجباني الإبيزا ... أمان عالي و فيها كل إللي بدور عليه ... إيه رأيك؟ ...
بس فيه ناس بتقول إن الdsg بتاعها مشاكله كتير و قريبة ... حد عنده فكرة؟