الموضوع: مصروف البيت

المشاركة الأصلية كتبت بواسطة funnymickey

ملكش حل والله
فكرتني بالمواطن المطحون بتاع فلاش

الله يطمنك ياكايرو

يا ميكي كلنا هذا الرجل
فاكر البرنامج بتاع شخصيات مقلوبة بتاع مصطفي حسين بتاع الكاريكاتير
كان فيه شخصية عاملها احمد راتب اللى هي الكحيت
ها
افتكرتها
لولا الملامة كلنا ممكن نبقي الكحيت والموظفين بتوع القهوة اللى مغطيين جسمهم بورق الجرايد
ايا كانت الوظيفة او المكانة اللى لاناس بتشوفها لكن على رايكم الكل دلوقت بيكح تراب

المشاركة الأصلية كتبت بواسطة ahmed4000

اشترى حاجاتك جملة مرة واحدة وبطل تدخل السوبر ماركت علشات تجيب ازازة مايه او عصير لانك حتشترى حاجات كتير لمجرد انك شوفتها وافتكرتها

بره بيقول متروحش السوبر ماركت وانت جعان لانك حتشترى حاجات كتير حتبقى حاسس انك محتاجها

متروحش كارفور وسبينس مهما كان فى عروض لانهم بيشتغلوا على اساس انهم يوروك حاجات كتير وتبدا تشترى اكتر من اللى انت محتاجه فعلا

والله نصيحة ذهبية يا احمد
وفعلا اي سوبر ماركت لو دخلت وانت مش واخد احتياطاتك وسايب المدام والعيال في العربية برة وجبت اللى انت عايزه بسرعة وخرجت يبقي شكرا الميزانية انضربت طبعا انا بتكلم لو طلب سريع
كارفور وسبينس وغيرهم ممن فتحوا لخراب بيوتنا الله يسامحهم مش هقول غير حسبي الله ونعم الوكيل

المشاركة الأصلية كتبت بواسطة aboamr

مصاريف البيت نسبه وتناسب وبيدخل فيها متغيرات كتيره مرتبك كام محتاج تدخر ولا ربنا كرمك وعندك مايكفيك . المهم خللى مصاريفك مناسبه لدخلك وتأكد ان كل واحد يقدر يتحكم فى ميزانيته والقرش الابيض بينفع فى اليوم .............شخصيا بندم على مصاريف كتيره راحت فى الباى باى من غير لازمه ولما كنت اخرج على الاقل يكون معايا كام الف جنيه ودا من اكتر من 18 سنه يعنى كان لسه الجنيه معقول ومافيش اولاد ومأدراك بمصاريفهم . دلوقتى ماسك معاهم على الواحده ومصاريف البيت مبلغ اسبوعى ثابت عشان تريح دماغك بس عليك كل الفواتير والدكاتره واللبس الفسح .

الاول ربنا يخلي لك عمر يا ابو عمر
وطبعا بند مصاريف علاج العيال ده لوحده كارثة لا ينفع معاه تدابير ولا احتياطات وبيخلص على اي فلوس عاينها للطوارئ
ويااااااااااااااااه والله فكرتني بايام زمان من 18 سنة
ساعتها يا شباب كان الالف جنيه اللى بيتكلم عنهم ابو عمر دول حكاية
ساعتها كان الجنيه لسة محترم مش هفأ زي دلوقت
وانا بعمل تقريبا زيك هي عليها مصروف البيت والنور واشتراك العمارة والدكاترة واللبس والفسح عليا وحط معاهم السجاير ومصاريف العربية تبقي النتيجة الطبيعية زي اي مواطن مصري اني اخر الشهر بشحت كالمعتاد

المشاركة الأصلية كتبت بواسطة phantom0xx0

أنا ماشي على نظام

10 % بتطلع لله
35 % مصاريف البيت الأساسية
25 % مصاريف متنوعة ( تعليم ، سفر، خروج، ملابس ، ....)
30 % ادخار ،

طبعاً كل شهر غير التاني ،، بس بحاول على أخر السنة اظبتها

تصدق يا فانتوماكس والله لو قادر تظبط العملية كدة تبقي عبقري
انا معرفش بخرج ايه لله دي لظروفها والله ربنا كاتبه بيخرج
مصاريف البيت الاساسية والمتنوعة بتاكل المرتب واي مليم دخل فوق المرتب
الادخار قول يا رب
لما نغطي الاساسيات نبقي نفكر في الادخار

المشاركة الأصلية كتبت بواسطة mohamed9999

كلام سليم 100% وخصوصا موضع مرض الاطفال دا ودا تقريبا كل شهر او شهر اه وشهر لا

يا محمد يه لو الكبيرة عدا الشهر سليم من غير ما يتعب الوسطانية يصعب عليها وتعيا هي ولو الوسطانية عدت الشهر سليمة الصغيرة تلحق اخر يومين وتعيا هي
وكالمعتاد لو اي حد فيهم تعب الكل بيتعدي منه قبل ما اعراض المرض تظهر على المريض نفسه وتلاقي نفسك عامل مستشفي في البيت وكل سنة وانتم طيبون





وبعدين الناس اللى تبوفر دي اموت واعرف قادرين تعيشوا ازاى او توفروا ازاي
نفترض لمجرد الافتراض موظف في وظيفة محترمة بس دخلها معقول لكن مش محترم يعني قولوا مثلا بياخد له الفين جنيه في الشهر لو عنده عيلين صغيرين لسة في ابتدائي ودخلهم مدرسة محترمة بس مش محترمة اوي بردو قولوا مصاريف لامدرسة حولاى 4 الاف جنيه بالباص يعني 8 الف جنيه الاتنين يعني مرتب 4 شهور بالكامل طار في رسوم المدرسة لوحدها يعني لو بيوفر كل شهر من الالفين جنيه 650 جنيه يا دوب يحوش فلوس المدرسة ويتفضل للمعيشة هو والمدام والعيلين 1350 جنيه ودول متهيالي الحد الادني للمعيشة
وتقولوا لي ادخار
بقولكم ايه تصبحوا على خييييييييييييييييييييير