الموضوع: ارجو توضيح الفرق بين موديلات الشاريد و الاسعار

المشاركة الأصلية كتبت بواسطة atamim

السلام عليكم ورحمه الله و بركاته

ارجو من اصحاب الخبرة توضيح الفرق بين مختلف موديلات الشاريد مع توضيح السعر الامثل له خصوصا ال 1000 سى سى المكيفة او غير المكيفة التكييف يركب بسهولة؟ و ثمنه كام؟

و قطع الغيار هل متوفرة جدا [gdwl]ولا مجرد متوفرة فى بعض اماكن فقط [/gdwl]؟ و قطع غيار استعمال الخارج حالتها اى؟

و هل كلها صناعة واحدة ام تم تصنيع بعض موديلاتها فى غير المصنع الرئيسى

و ارجو ذكر اى معلومة تفيدنى فى مرحلة الشراء و شكرا جزيلا لكم

اعزرونى لانى مليش خبرة فى الشاريد نهائيا

وعليكم السلام ورحمة الله وبركاته

واضح من سؤالك انت بتسأل عن الشاريد القديم
g11; 1983–1987


وفي الشكل اللي بعده

g100 1987–1994

وطبعا في فارق في الشكل وفي فارق في الموتور

اختلافات في طلمبة المياه والبنزين وغطاء التاكيهات

واشهر المحركات cb23 اللي هو 3 سلندر طبعا انا بتكلم عن الشاريد الهاتشباك

وفي منها بمحرك 1300 سي سي 4 سلندر وفي منها سيدان بس بلاش منها خليك في الهاتشباك

سعر الشاريد تسعينات يعني من 90 الي 94 مكيف في حدود 22 الف لو حالته كويسة وتنزل لو فيها شغل

التكييف بيركب بسهوله لان كل المحركات فيها مكان ليه حتحاج تغير طمبورة الكرنك بطمبوره مجوز و تجيب

كباس استيراد وسربنتينة و ثلاجه وخراطيم

اعتقد السعر حيعدي 1500 وطبعا انت وحظك

فنصيحة اشتريها مكيفة وابعد عن الاتوماتيك منها

للاسف من عيوب الشاريد ان قطع غياره مش عند كل الناس الا انها متوفرة عند قله من التجار وفي قائمة بيهم في اهم موضوعات القسم

قطع غيار الاستعمال ده حوار

لان كل تجارها بياخدو المواتير القديمة

وطبعا في منها الخلع وفي منها الاستيراد

بس القاعدة بتقول طالما في جديد مجبش مستعمل (استيراد - او خلع)

وطبعا في جاجات مينفعش تجيبها استيراد زي الطنابير المساعدين طلمبة المياه والبنزين

انما اسبراتير مفيش منه جديد يبقي حتجيب مستعمل غصبن عنك

ديهاتسو لم تصنع سيارتها خارج اليابان

ولو بتسأل عن قطع الغيار في في منها الياباني والتايواني والصيني

ارحو ان اكون افدتك

المشاركة الأصلية كتبت بواسطة nesma21399

السلام عليكم ورحمة الله وبركاته.
كنت عاوز اعرف هل يوجد قطع [gdwl]غيار لديهاتسو 1980 كاملة[/gdwl] وفين علشان انا معروض عليا عربية دى
[gdwl]وهل تنصحوني بالشراء ام لا[/gdwl]
افادكم الله وشكرا

مش عارف حضرتك تقصد ايه بكاملة ده

يعني مثلا عايز كروسليه وتنقله في عربيتك؟؟

عموما هاتلك ماكنة 94 بفتيس 5 غيار ويبقي كده ظبطت الكلام

عموما هي عربيو كوبيو يعبها شكلاها الكلاسيكي اللي من السبعينات

شوف

في حالتك انصحك ب 128 او 127 او ريتموا

اما لو بتفكر في شاريد في حدود 12 الف فحتصرفلك عليها كتير يعني نقول 5 الي 6 الاف بالاضافة الي ثمنها

يعني 18 الف غير اما تجي تبيعها مش حتجبلك اللي صرفته خصوصا لو مش حتقعدها كتير

يعني مثلا انا عربيتي مكلفاني فوق 32 الف وهي شاريد 90

انهاده سعر السوق 20 الف يعني خسارة 12 الف غير العطله والمشاوير والوقفة مع الميكانكي والسمكري والكهربائي والسروجي والعفشجي وبتاع الكبالن والبوهياجي وقطع الغيار الاستيراد والجديد والخراط