انا كنت زيك كده في الأول كنت بحدف بصوره فظيعه لسببين الأول اني مش مقدره ابعاد العربيه كويس والسبب التاني كنت بتخض من العربيات (اللي بتعدي بجانبي او بتديني كلاكس او حد من المشاه ) وبالتالي احدف بالدريكسيون الناحيه التانيه
لو المشكله في تقدير ابعاد العربيه لازم تخرجي تدربي في مكان فاضي ويكون فيه خطوط الحارات في الأرض ممكن في الشيخ زايد او في التجمع
وتحاولي تمشي بين الخطين بإستقامه يعني حددي منتصف الكبوت يكون في منتصف الحاره ولو مش ظاهر عندك الكبوت ممكن تلزقي علامه في آخر الزجاج الأمامي عند المساحات
بعد كده تدربي تمشي بإستقامه بجانب الرصيف اللي على اليمين او الجزيره اللي في المنتصف علشان الناحيه الشمال لغاية ما تاخدي على ابعاد العربيه كويس
لو السبب التاني الممارسه حتقلل الموضوع ده شويه بعد فتره
وفي حاجه مهمه لأن الحدف بالدريكسيون ده خطر جداً وده اللي كنت بعمله من الخوف
جربي في مكان فاضي تحاولي تيجي بالدريكسيون سنه بس يمين او شمال الدريكسيون خفيف جداً لو لفتيه اكتر هتلاقي نفسك قطعتي الشارع
المفضلات