الموضوع: تسعيير السيارات المستعملة هدية لاعضاء نايل موتورز (الجزء الثالث)

المشاركة الأصلية كتبت بواسطة the_hero2005

انا جبت عربية من حوالى اسبوع كدا
وكان المكانيكى والعفشجى كشف عليها وقال كويسه هيا بولونيز مو 1987.
المهم من يومين كدا كان الفتيس لما اجيبو على الاول ..بعد ما اخد مطب ولا امشى شوية الاقيه راح ممور (يعنى الفتيس بينطر من مكانو) بس الحوار دا مش على طول ممكن امشى بيها كتير ميحصلش اى حاجة.

رحت للميكانيكى لاقيته بيقولى القنطرة بتاعت الفتيس ملحومة فى الشاسية وهى المفروض تكون مثيتة بمسامير

فارجو من الخبراء حد يقولى اعمل ايه فى حوار الفتيس دا .... اغيرو ولا اصلحو مع العلم انو هوا مكلف .
وحوار لحام الشاسية دا ايه نظامو ؟ فهل دا خطر على العربية ولا ايه ؟
انا جيبتها ب 13.500 العضم كويس و القوايم تمام والموتور كفاءة 80% ومعرفش ايه حوار الشاسيه دا ... هل انا كدا اضحك عليا ولا ايه ؟
معلش طولت عليكم

سؤال بس الاول هي العربية دي رشة دواخل وبالذات الحوض ولا ما فيهاش غير لحام القنطرة
المشكلة الي معاك في نطر الغيار الاول هي مشكلة غويشة في الفتيس ولا مشكلة القنطرة الملووحة ولو القنطرة يبقة ليه تغير الفتيس؟
ارجو التوضيح لاتمكن من الرد عليك ان شاء الله