تسعيير السيارات المستعملة هدية لاعضاء نايل موتورز (الجزء الثالث)

**tamersab** · 16-09-2010 05:25 PM

استاذي الفضل بعد التحية
ارجو الافادة حول سعر هذه السيارة

1-ماركة السيارة دايو لانوس 2
2-الموديل/السنة 2002
3-عدد الكيلومترات 96000
4- نوع ناقل الحركة ( مانيوال - أوتوماتيك - ستيبترونيك )
5-لون السيارة أزرق فاتح
6-الكماليات (كاسيت الأصلى-تكييف بحالة ممتازة-سنتر- إنذار-باور)
7-حالة الصاج او الخوارج ( فابريكة ورشة جانبين نضافة)
8-حالة الدواخل (فابريكة)
9-حالة الصالون ( ممتاز)
10-الحالة العامة او التقييم العام للسيارة (جيد جدا )
11-حالة البطارية جافة جديدة منذ حوالى 6 شهور
12-حالة الكاوتش (جديد )
14-اسم صاحب الاعلان ورقم هاتفة تامر صبرى - 0127449920
15-تاريخ انتهاء الرخصة؟ شهرين
16-اول يد او ثاني او ثالث الخ الخ ثانى يد
17-حالة الموتور ممتازة

**MarwanKh** · 16-09-2010 05:28 PM

النترا 2010 اوتوماتيك خليجى جميع الكماليات
جنط فتحه سقف اشارت مرايات الشبكه الجديده
راشه اكصدامين و مغيره رفرف امامى اصلى اسود ومرشوش والباب اليمين الورانى فيه تجاريح عايزه تترش فقط
20000 كيلو ورخضه 3 سنين فاضل سنتين و اربع شهور فيها
اللون نبيتى

**crespo89** · 16-09-2010 06:32 PM

باقولك يا باشا قدامى عربية
1-ماركة السيارة هوندا سفيك
2-الموديل/السنة 19893-عدد الكيلومترات 96000
4- نوع ناقل الحركة- أوتوماتيك -
5-لون السيارة
6-الكماليات (كاسيت بيونير -تكييف بحالة ممتازة-سنتر- إنذار-باور مش قد كده )
7-حالة الصاج او الخوارج ( رشة بره )
8-حالة الدواخل (فابريكة)
9-حالة الصالون ( جيد)
10-الحالة العامة او التقييم العام للسيارة (الماتور تعبان شويه والكبالن عايزة تتغير )
11-حالة البطارية
12-حالة الكاوتش (جديد )
14-اسم صاحب الاعلان ورقم هاتفة

17-حالة الموتور ضعيف

**hsheno** · 16-09-2010 08:17 PM

استفسار عن a5 كومفورت 2007 عاملة 80000 ك م ب130000 جنيه....كتير ولا كويس؟؟؟؟؟؟؟ارجو الرد سريعا

**ah-gawad** · 16-09-2010 09:43 PM

ارجو تسعير جين 2 اوتوماتيك كاملة موديل 2007 ماشية 60000 كم رشه حزام فقط و شكرا

**mma2oo** · 17-09-2010 12:56 AM

اخي الفاضل بعد السلام عليكم ورحمة الله وبركاتة
انا معي سيارة اونو استيراد معوقين اول يد موديل 93 ايطالي لم ترش داخلي رشة كابوت امامي فقط الحالة جيدة
عداد 60000كم حقن الكتروني 1000سي سي كاسيت جيد وسماعات بيونير كوتش جيد بطارية جافة جيدة
وارجو الافادة
ايهما افضل من حيث المصاريف علي السيارة بعد الشراء النوبيرا 2 ولا النوبيرا وان ولا الاوكتافيا اية فور او الاية فيف
من حيث تكلفة قطع الغيار و الخدمات للسيارة
وشكرا

**beterban** · 17-09-2010 03:10 AM

السلام عليكم ورحمة الله وبركاته :
اولا بارك الله فيك يا استاذ شريف على مجهودك فى الرد على جميع هذة الاستفسارات ولك منا جميعا كل الشكر وكنت عاوز مساعدتك ضرورى فى تسعير عربيه دايو لانوس موديل 99 ضرورى لانى جديد فى العربيات .والعربيه دية بتاعة واحد صاحبى وبيفكر يبيعها وانا عاوز اعرف قيمتها تساوى كام بالتقريب .

مواصفات العربية :
دايو لانوس 1 موديل 99 مانيوال عامله 138000 كيلو .
فابريكة جوة ولسه رشة برة نضافة فقط .
فرش جلد لسه جديد .
التكييف : ثلاجة ولسه مشحون ومجربه بنفسى .
باور . وبطاريه كويسه .
لسة مغير الرفرف الامامى بواحد جديد اصلى بـ 300 جنيه .
رخصه لمدة سنة جايه .
وياريت تساعدونى بسرعه عشان اقدر اخد قرار كويس ...
ولك جزيل الشكرررررررر...

**kemo90** · 17-09-2010 07:50 AM

الف شكر غلى المجهود الرائع
كنت بسال لو سمحت انا معايا لادا 2107 موديل 84 استيراد روسيا العربية مرفوعة لمدة 25 سنة و ماشية بقالها سنة واحدة وعاملة 40 الف كيلو ونضيفة وكل حاجة اتغيرت تقريبا ماعدا الاجزاء الخاصة بالموتور والعفشة والمساعدين والكاوتش جديد واستعمال نضيف (اول يد) رشه الباب اللي قدام يمين بس من بره والباقي فابريقه والعربيه بصراحة ممتازة
كنت عايز اعرف سعرها لو سمحت ولو عايز اجيب حاجة في حدود 62000 اجيب ايه وياريت تقولي ايه رايك في اللوجن الجديدة
واسف للاطالة ومعلش هاتعبك بس ده العشم وشكراااااااااا

**THE_HERO2005** · 17-09-2010 11:52 AM

انا جبت عربية من حوالى اسبوع كدا
وكان المكانيكى والعفشجى كشف عليها وقال كويسه هيا بولونيز مو 1987.
المهم من يومين كدا كان الفتيس لما اجيبو على الاول ..بعد ما اخد مطب ولا امشى شوية الاقيه راح ممور (يعنى الفتيس بينطر من مكانو) بس الحوار دا مش على طول ممكن امشى بيها كتير ميحصلش اى حاجة.

رحت للميكانيكى لاقيته بيقولى القنطرة بتاعت الفتيس ملحومة فى الشاسية وهى المفروض تكون مثيتة بمسامير

فارجو من الخبراء حد يقولى اعمل ايه فى حوار الفتيس دا .... اغيرو ولا اصلحو مع العلم انو هوا مكلف .
وحوار لحام الشاسية دا ايه نظامو ؟ فهل دا خطر على العربية ولا ايه ؟
انا جيبتها ب 13.500 العضم كويس و القوايم تمام والموتور كفاءة 80% ومعرفش ايه حوار الشاسيه دا ... هل انا كدا اضحك عليا ولا ايه ؟
معلش طولت عليكم

**sherifowahba** · 17-09-2010 01:53 PM

المشاركة الأصلية كتبت بواسطة mmmm1977eg

استاذ شريف بك
الف شكر على تعب حضرتك معنا و اسفين لو كنا بنسئل كذا سؤال و بنسئل كتير و لكن بنحب نستفاد من خبرة حضرتك
انا عايز اعرف سعر سياره كيا برايد عصفوره موديل 1996 مواصفاتها كالتالى
- التكيف مش شغال و الميكانيكى بيقولى السير واقع
- بدون زجاج كهربا ، بها سنتر و انذار
- الماتور الميكانيكى بيقول لى كويس
- العداد 180 الف كيلو
- فبريكه دواخل و لكن لما فتحت الكبوت لاقيت فى دق على البارد فى الصاجه الموجوده اعلى الفانوسين و الموجوده بعرض الحوض انا الصراحه معرفش اسمها ايه
- تحتاج بعض الدهان من الخارج لوجود بعض التجاريح و الخبطاط البسيطه
-البطاريه و الكاوتش بحاله متوسطه
- الصالون كويس
- انا ان شاء الله سوف ارفعها فى بنزينه للتاكد من القوايم و الشاسيه و الحوض و كبس الماتور بس كنت عايز اعرف ايه مدلول النسبه المئويه لكبس الماتور و بتفيد فى اية
- سوال اخر كنت عايز اعرف هل العربية البرايد السيدان تقفيل مصرى ام كورى زى العصفوره
و شكرا على تعب حضرتك

تعمل 25 الف علي اعتبار ان فيها شنب علي البارد ومحتاجة لدهان خارجي
النسبة المئوية لكبس الموتور تدل علي كفاءة الماكينة او بمعني اصح نسبة حكام السلندر وعدم وجود اي تفويت في اي بستم من الاربعة
البرايد السيدان تقفيل مصري