تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 06-10-2010 04:11 PM

المشاركة الأصلية كتبت بواسطة opelawy

اشكرك
بجد موضوع متميز و رد محترف

ربنا يجازييك كل خير ان شاء الله يا استاذ شريف

ده كله من ذوق حضرتك والف شكر لك

**sherifowahba** · 06-10-2010 04:21 PM

المشاركة الأصلية كتبت بواسطة alaacs

عاوز اشتري عربية بولو فوكس 1300 موديل 95 أو 96 تكون حالتها كويسة وفيه تكيف وبور وإزاز كهربة وسنتر
سعرها يبقى كام؟؟؟
أبل كورسا 94-99 برده فيها نفس الامكنيات دي تعمل كام؟
أنهي أحسن فيهم؟
وهل قطاع غيار كورسا غالية
الكورسا فيه منها 1000, 1200 هل ماوتير دي ضعيفة

اسف للاطالة

وشكرا مقدما

الفوكس تعمل في رينج ال 35 الي 36 الف للحالات النظيفة دواخل شركة وبدون مصاريف
الكورسا تعمل اقل من الرينج ده شوية
والافضل الفوكس

**sherifowahba** · 06-10-2010 04:26 PM

المشاركة الأصلية كتبت بواسطة eng_seheet

م. شريف .. بعد معاينة العربية .. الطابلوه مشقق فوق العدادات كتير .. وفيها خرابيش طويله فى الشنطه والكبوت .. والجوانب .. اللى هى اصلا مرشوشه .. وكان فيها خبطه ومردوده فى الشنطه من تحت .. لكن العفشه والموتور والصاج كويسين .. وطالب 45 ونص نهائى .. رأى حضرتك ايه؟؟ آخرها كام .. وجزاكم الله خيرا

تعمل 42 الف بالحالة المذكورة

**sherifowahba** · 06-10-2010 04:31 PM

المشاركة الأصلية كتبت بواسطة moh_mse

استاذنا الجميل شريف لك كل الاحترام والعرفان لمجهوداتك الرائعة في هذا المنتدى الرائع اني من اشد المعجابين بهذا المنتدي الجميل وبمشاركاتك البنأه وخبرتك الواسعه التي لا حدود لها...
طلب باستفسار عاجل لو تكرمت بثنئك,,,
اريد شراء سيارة سولار عائلية تكون مستعملة وقطع غيارها معقولة وتكون كبيرة 7 او 9 راكب مكيفة وتستحمل السفر المستمر في رينج 50000 حتى 55000 ولك مني كل الشكر

شاكر جدا لحضرتك علي كلامك الجميل الذي هو اكبر مني بكثير جدا ولكن كله من ذوقك وكرم اخلاقك
بمنتهي الصراحة انا مليش في اسعار السيارات السولار قوي ومفيش حاجة حاضرة في ذاكرتي عن عربية سولار بالرينج ده لكن لو بتفكر في سيارة بنزين ممكن احاول افيدك
واسف لحضرتك مرة اخرة

**sherifowahba** · 06-10-2010 04:34 PM

المشاركة الأصلية كتبت بواسطة tiger_target

السلام عليكم.. بجد موضوع رائع و بارك الله فيكم

انا معايا اسبرانزا هاتشباك a113 موديل 2009 عايز اعرف تقريبا تساوي كام عشان بفكر اجيب عربيه فئتها اعلى

العربيه عامله 75 ألف كم و كل الصيانات معمولة في التوكيل (بالفواتير) و فرشها لسه متلمسش عشان انا بس اللي كنت بستخدمها اروح شغلي بس مش خروجات عائلية وكده.

الرفرف بس كان واحد خبطه واترد على البارد بس ده الشئ الوحيد فيها مع نخبشه طبيعيه بتاعت شوارع مصر.

ولك جزيل الشكر على المساعده

تعمل 39 الف علشان عداد الكيلومتر عالي جدا

**sherifowahba** · 06-10-2010 04:43 PM

المشاركة الأصلية كتبت بواسطة mfs

سلم عليكم برجاء المساعدة فى تسعير الاتى
عربية لانسر 2008 كلاسيك مانيوال 1300 سى سى عدادها 70 الف و شركة برة وجوة مفيهاش خربوش وحالة العربية ممتازة بفرش جلد صاحبها بعد فصال من 77 الف الى 74 الف ج بالعافية و محتاجة 4 فرد كاوتش جداد
فما رايك فى هذا السعر

عربية لانسر2006 كلاسيك مانيوال 1600 سى سى عدادها 49 الف و شركة برة وجوة مفيهاش خربوش وحالة العربية ممتازة فيها خبطة من قدام عند مثلث اللانسر بي من غير رد و لا حاجة لا بارد و لا سخن و فما رايك فىه و صاحبهه بيتكلم فى 73 الف

فمن فضلك قلى كل عربية تخلص على كام و تفضل ايهما هل الموديل على حساب الكيلومترات ام العكس

ال 2008 تعمل 72 الف
ال 2006 تعمل 70 الف
انا من رايي ال 2006 وذلك لسببين ؛
1 انا بفضل جدا ال 1600 عن ال 1300 في الانسر من حيث الاداء ومتعة القيادة
2 عداد الكيلومتر بتاعها ممتاز فتدل ان استخدامها كان خفيف

**sherifowahba** · 06-10-2010 04:45 PM

المشاركة الأصلية كتبت بواسطة wael6

السلام عليكم
هيونداى اكسيل مو 98 1300 سي سي ,تكييف,سنتر,انذار,رخصة 3 سنين,لا تحتاج لمصاريف,فبريكة من الداخل و الخارج ما عدا جزء صغير بالشنطة, تعمل كلم يا استاذ شريف ولكم جزيل الشكر وهلى جزء الشنطه او البارومه فى الرفرف تعيب السياره فيما بعد

الجزء الي مرشوش في الشنطة قصد حضرتك في غطاء الشنطة ولا في دواخل الشنطة
ارجو التوضيح

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة