تسعيير السيارات المستعملة هدية لاعضاء نايل موتورز (الجزء الثالث)

**Mohamed.Mohsen** · 09-10-2010 11:40 PM

استاذ شريف
السلام عليكم ورحمة الله وبركاته
تحياتي واحترامي وتقديري

استأذن حضرتك لتسعير سيارة تويوتا كورولا 2007 الموديل خطوط الشبكة الامامية بالطول وليست بالعرض جميع الكماليات مانيوال 47 الف كم فابريقة بالكامل بدون ربع خدش حالة فوق الزيرو بمراحل حالة بسم الله الله واكبر وماشاء الله وافضل الصلاة علي رسولنا الكريم محمد (ص)ربنا يبارك لصاحبها وللي هتكون من نصيبه
أول يد صيانات كاملة بالتوكيل تويوتا ايجيبت منتهي المحافظة استخدام بيتي محترم بجراج خاص بحي راقي ينفع لو خلعت اللوحات تتباع في التوكيل زيرو
احضرت 2 خبراء سيارات متمكنين لفحصها رفضوا يفتحوا الكبوت او الشنطة لتاكدهم من الحالة .
اعذرني للاعجاب الشديد (مش قادر انام من الانبهار بالحالة )لاني عاشق للكورولا المودبل ده ليست مبالغة انا هاين عليا اقول فيها شعر ولو شفتها حضرتك هتقول اكتر.
الحاجة الوحيدة اللي لا اعرفها هي 1300 ولا 1600 وهل تفرق في الكماليات وهتعب حضرتك لتسعير ها لوكانت 1300 ولو كانت 1600
ارجو دعائك بالتوفيق لاخيك المسلم والتسعير بالحد الاقصي لان مالكها اكيد هيتمسك بسعر عالي للحالة النادرة وسرعة الاجابة لمتابعة الموقف وجزاك الله كل خير وبارك لك

مع خالص الشكر

[QUOTE=avatar;3873111806]

المشاركة الأصلية كتبت بواسطة sherifowahba

لو 1300 وهو الغالب تعمل 93 الف
ولو خليجي 1600 تعمل 100 الف
باعتبار انها كاملة مانيوال بالعداد المذكور
[/QUOTEاشكرك ياشريف بك علي سرعة الاجابة وانا معجب جدا بالموديل والحالة النادرة بس في الاخر هي عربية مستعملة سنتين ونصف ومانيوال و1300 وكماليات ايه يعني؟تكييف وسنتر وسي دي وباور ومرايات محدودة وكمان غالية جدا حضرتك تنصحني بايه ؟؟ ادخل فيها ولا بالمبلغ ده تيجي حاجة افضل وكماليات احسن واتوماتيك؟
مع خالص التقديروالشكر لمجهوداتكم العظيمة معنا

ماشاء الله علي دقة التسعير مش عايز احسد حضرتك علي القدرات دي ربنا يحفظك فعلا اتاكدت العربية بالحالة النادرة اللي وصفتها وخليجي و1600 ومانيوال كاملة والمطلوب النهائي 100 الف جنيه

**MOHAMEDFETOH1** · 10-10-2010 12:41 AM

بصراحه استاذ ومعلم وجزاك الله خيرا
اود ان اعرف سعر لانسر موديل 1995 عامله 57 الف كيلو فقط و مرفوعه 5 سنين
وهى افضل ولا لانوس 2005 او نوبيرا 2000 او اكسنت 2002
معلش انا اثقلت عليك لكن من الاخر معايا 45 الف اشترى اللانسر 95 ام نوبيرا ام اكسنت ام لانوس
ولك منى جزيل الشكر

**harmadan** · 10-10-2010 06:25 AM

السيد الاستاذ شريف
السلام عليكم ورحمه الله وبركاته
برجاء المساعده فى تسعير سيارتى وبياناتها كالتالى
لانسر 2009 اوتوماتيك كلاسيك كويتى
العداد 54000 كيلو متر
حاله ممتازه - رشه اكصدام امامى وخلفى (لدواعى البيع)
حاله الموتور ممتازه والجسم الخارجى نظيف تماما وكذلك الدواخل
يزيد عليها اسبويلر(لم يكن موجودا بها وقت الشراء) وكذلك طقم نواكل للاربع ابواب والمرايتين الجانبيتين
تابلوه ابانوس والصالون فابريكه (دائم الاعتناء به)
تم عمل اخر صيانه لها مع تغيير جميع السيور وكذلك الزيوت وفلتر الزيت
السياره بها رخصه حتى 10/2011
ليس بها اى مصروفات من اى نوع

**yesmuslim** · 10-10-2010 07:46 AM

اريد اسعار الرينو الميجان من 2004 الي 2007 واهم شي الحالة واشكرك جزيل الشكر

**imi** · 10-10-2010 08:46 AM

حضرتك سعرتلى العربيه ده الانترا الشيب القديم 2006 اوتو 82 الف كم فبريكا بالكامل الالنترا تعمل 70 الف بدون خدوش وتكون وكيل
الى قدامى خليجى فى مشكله
وبعد اذنك سعر عربيه تيدا هتشباك 2009 اوتو 28 الف كم فبريكا بالكامل

**Morieno** · 10-10-2010 10:07 AM

السلام عليكم
اسف لعدم التوضيح
اوبترا اتوماتيك
اوبترا 2009
فبريكه بره وجوه
اللون فضى
عامله 6000 كيلو
الحاله العامه جيده جدا
ارجو سرعة الرد للاهميه جدااااااااااااا

**mmmm1977eg** · 10-10-2010 12:56 PM

شريف باشا
ممكن تسعير سياره فيات برافا ( انا الصراحه مشفتهاش دا واحد صحبى هو اللى شافها و قالى )
الموديل 2001
فبريكة دواخل و رشه نضافه ولكن
بها بعض الخبطات البسيطة جدا و التجاريح من الخارج بتاعت الشارع المصرى
عداد 160 الف كيلو ( هل العداد كتير ؟؟ )
البرابيز الامامى به شرخ ( انا الصراحه مشفتوش و لكن هذا كلام واحد شاف السياره )
عرفت ان السياره لسة خارجه من عمره ماتور من حوالى شهر
اما التكييف شغال كويس و الصالون نظيف و هى استعمال مالكها من الزيرو
و شكرا

**hatsat** · 10-10-2010 02:10 PM

خالص الشكر لسيادتك على خدمه الاعضاء
برجاء تسعير سيارة فيات 128 موديل 1975 ماتور 1100 غير معدله الحاله العامه للسيارة جيدة ويوجد بعض الصداء بالشنطه والحوض والسيارة رشه دواخل قديمه ورشه خوارج جديد وبها 4 فرد كوتش جديد وبطاريه بالضمان والرخصه ساريه سنه والفحص 2013 وخالص شكرى مقدماً

**dahabms** · 10-10-2010 03:16 PM

أستاذ شريف

ايه رأي حضرتك في السيارة فاو فيتا سواء الصالون أو الهاتش باك
نزل عنها اعلان امبارح في اخبار السيارات ومكتوب انها موتور تويوتا ياريس الجديد 1500 سي سي 105 حصان عزم 130 نيوتن

المفروض ان سعرها حوالي 60000 فول اوبشن مانيوال؟

يهمني رأي سيادتك جدا وتقييمك للسيارة

ومقارنة بالكيا بيكانتو والهيونداي i 10 الهيونداي آتوس والبروتون ساجا ما هو ترتيبها؟

اسف على الاطالة وشكرا مقدما على الرد
وربنا يبارك فيك ويجازيك خيرا على افادتك للآخرين

**amoor77** · 10-10-2010 03:23 PM

ارجو تسعير فليشيا 2001 انجكشن تكييف اصلي رشه بره ورشة شنب - الصالون جيد جدا الموتور جيد جدا العفشة جيدة جدا وشكرااا

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة