تسعيير السيارات المستعملة هدية لاعضاء نايل موتورز (الجزء الثالث)

**limo** · 17-12-2010 11:19 AM

دايو لانوس 2 مو 2000 كامله مانوال تكيف باور سنتر زجاج مرايه يمين كهرباء ماشيه 104 كم
رشه خارج دواخل فبريكه فيها خبطه من السدر الامامى ومروده على البارد
لسه عامله طقم شنبر والمتور حالته كوسه جدا احتمال يكون فيها شغل بسيط فى العفشه زى جلب وكده
مشكلتها انا اسرقت ولقاها منغير كبوت ولا ابواب ولا اكصدمات ولا شنطه ولا كنبه خلفيه ولا تبالوه ولا كاوتش فالحاجات ده كلها جابهم وربكبهم
والعربيه ماشيه كويس جدا وانا شايف انها مفيهاش اى مشاكل خالص
ياترى العربيه ده تعمل كام ومع العلم انه طالب 38 الف جنيه

**ahmed_mazda323** · 17-12-2010 11:53 AM

استاذ شريف اجمل تحياتي ...برجاء تسعير

مازدا للبيع 323 موديل 83... 6 غيار اسبيراتير الكتروني \\\\سنتر\\\ أنذار \\\\2ريموت \\\\ فتح الشنطة من الداخل\\\\كاسيت mp3 وسماعات جديدة\\\\ ريداتير جديد 3ماسورة\\\\\ رخصة سارية \\\بأسم المالك\\\\

**medolemo** · 17-12-2010 02:49 PM

الأستاذ شريف من فضلك تسعير هذه السيارة
1 دايو جوليت مو 1998 و عاملة 90 الف كيلو
2 السي سي 1500
3 جميع كماليات وهي مانيوال و جميع الكماليات بحالة ممتازة
4 الدهان فبريكة
5 الموتور بحالة جيدة و ثبتها جيد و فرش جلد تلبيس علي الفرش الاصلي(و هو بحالة جيدة) و كهرباء جيدة و مركب لها جهاز انذار

**khaled_afify** · 17-12-2010 03:35 PM

بعد إذن حضرتك يا استاذ شريف انا كنت عايز اعرف سعر فيات تمبرا
موديل 98
1600 cc
فابريكة جوه ورشة بره
تكييف تاتش
حالة الدهان مش قوي يعني فيها شوية خدوش بسيطة كده
4 زجاج كهرباء
سنتر وباور
الحالة العامة للموتور كويسة
والعفشة ممتازة
رخصة فاضلها 20 يوم

**ahmmedbingo** · 17-12-2010 03:53 PM

سؤال فنى جدا عربيه ابيزا موديل 94 متسقطلها ماتور جولف هاف انجكشن 1800 سى سى هل هذا الماتور جيد ومناسب للسيارة وهل الهاف انجيكشن بيسحب بنزين كتير صاحب العربيه بيقولى انه بيحطلها بنزين 80 هو ينفع ولا يؤثر على كفاءة الماتور العربيه معروضه على 31 الف ورشه برة بالكامل العربية فابريكة دواخل بالكامل بها جميع الكماليات + تكييف + باور + سنتر + انذار + 2 زجاج كهرباء أمامى + جنوط سبور 15 شكل النجمة + صالون ممتاز فرش جلد + كاسيت سي دي + فلتر هواء سبور + الرخصة سارية 7 شهور + باسم المالك
الغريبه بقى انه شاريها من 5 شهور فأنا مستغرب جدا هو لية عايز يبيعها ولما سألته قالى انه بيحب التغيير
ارجوا افادتى لاحتياجى للنصيحه بشكل قوى

**masrtamin** · 17-12-2010 03:58 PM

واحد عارض على عربيه بالمواصفات الاتيه
اوبل فيكترا موديل 1995 مانويل 1600 cc \تكيييف\سنتر\ باور\زجاج امامي كهرباء\وحدة رفع\\جهاز انذار\كاسيتmp3\جنوت اسبور\\حالة الموتور جيدة
رشه بره ومن الداخل رشه حوض وشنطه

**MEDO84EG** · 17-12-2010 07:14 PM

استاذ شريف
طلب عاجل جدا
الاول تسعير عربيه جيلي سي كيه موديل 2005
فبريكه جوه
و بره مبهدله عاوزة سمكره و دوكو
العفشه مقبوله و الموتور معقول
عامله 70 الف كيلو متر
تعمل كام لو مكيفه و كام لو مش مكيفه
و السؤال التاني المهم كمان
ايه رأيك فيها اشتريها و لا بلاش ؟
و هل فعلا قطع غيار الياباني شغاله عليها
معلش سامحني انا اسف اني مدوخك معايا بس كرم اخلاقك هو اللي مشجعني اسألك
ربنا يجعله في كيزان حسناتك

**eng_amrnabil** · 17-12-2010 07:50 PM

المشاركة الأصلية كتبت بواسطة sherifowahba

شكرا لدعاء حضرتك الجميل
الاختيارات المتاحة لحضرتك طبقا لمتطلباتك:
فيرنا 2004 كوري جميع الكماليات مانيوال او اوتوماتيك 1600 سي سي
لانوس 2005 جميع الكماليات مانيوال 1500 سي سي
نوبيرا جميع الكماليات 2002 مانيوال بس 1600 سي سي لان الاوتوماتيك فيها مش حلو
سيفيا 2002 جميع الكماليات مانيوال 1500 سي سي
وحاليا بصراحة انا مش امامي حالة جيدة من هذه الانواع بس لو حصلت علي حاجة ممكن ابعت لحضرتك رسالة خاصة فورا

شكرا جزيلا على ردك واهتمامك

أكون شاكرا لفضلك لو توفرت أمامك أي سيارة من الموديلات المذكورة بحالة جيدة أو ممتازة

ان شاء الله ربنا ييسرها ، ثقتى فى الله وفى حضرتك كبيرة جدا

شكرا

**mohmedaboud** · 17-12-2010 09:00 PM

ممكن اعرف من حضرتك سعر اوبترا 2006 هاتشباك 1600 سى سى اتوماتيك فبريكه دواخل ورشه خوارج كاملة والعداد 70 الف كيلو

وشكرا

**a_elbosaty** · 17-12-2010 09:54 PM

المشاركة الأصلية كتبت بواسطة sherifowahba

الكورولا بداية من 2008 الجنوب افريقي الي بتنزل في سيارات الوكيل تويوتا ايجبت فيها مشاكل لانها تستخدم تكنولوجيا ال ام ام تي وهي تكنولوجيا اثبتت فشلها اما ال 2008 الياباني الي بتنزل في السيارات الخليجي مفيهاش مشاكل لانه اوتوماتيك عادي وصريح
وفيما قبل ذلك من موديلات 2007 الشكل القديم زي الفل بدون اي مشاكل
اما بالنسبة للداستر بصراحة لم اجربها ولم استطيع الحكم عليها فمعذرة لحضرتك

الف شكر يا أستاذنا
طيب لو كورولا موديل 2009 اوتوماتيك صريح تنصح بيها ولا اللانسر القرش نفس السنة؟
وليه اللانسر القرش مش مسمعة في مصر؟
وأخيرا يا ريت تسعرلي الاتنين مستعملين عداد خفيف فابريكة بالكامل وكمالايات عادية مش هاي لاين

وشكرا جزيلا مرة اخرى
جزاك الله خيرا