تسعيير السيارات المستعملة هدية لاعضاء نايل موتورز (الجزء الثالث)

**mathews** · 15-09-2010 05:04 AM

لو سمحت يا استاذ شريف ابيزا موديل 94 تكييف وسنتر وكل حاجة فيها شغالة ودواخلها سليمة ورشة برة ما عدا السقف والشنطة وكل حاجة الفابريكة راكبة فيها حتى المصفحة بتاعت الموتور واوكر الببان وحتى كتاوت النور والكلاكس الاصلى بس محتاجة سمكرة ودوكو فى الجناب والاكصدامات

**nouranwar** · 15-09-2010 05:31 AM

السلام عليكم استاذ شريف عربيتي معروضة عليا ب 65 هل ابيع ولا لأ حضرتك كنت قايل قبل كده تجيب 67 فهل ابيع ولا لأ ؟
هي هيونداي ماتريكس 2005 كاملة اتوماتيك
فابريقة بالكامل - اللون فضي - 1600 cc - كوري - بحالة ممتازة - 75500 كم - بها خدوش من الخارج و ده طبيعي جدا :) - فوانيس شبورة - الكاسيت الاصلي - الفرش الاصلي بحالة الزيرو لأني لسه شايل الجلد - طقم دفندر امامي و خلفي - لسه مغير الكاوتش و البطارية - بحالة رائعة فوق الممتازة لكن بها خرابيش من بره
ديه سعرها يعمل اكتر من ال 65 ولا اتوكل علي الله و ابيع ؟

**nouranwar** · 15-09-2010 05:34 AM

و كنت محتاج متوسط سعر عربية مازدا 3 2008
بفتحة سقف - تبترونيك - جنوط - مثبت سرعة - طارة مالتي - حساسات و باقي الكماليات
و يكون عدادها قليل مش كتير
تعمل كام استاذ شريف ؟

**thunder155** · 15-09-2010 08:36 AM

المشاركة الأصلية كتبت بواسطة sherifowahba

تعمل 19 الف

شكراً على الإفادة و سرعة الرد و جزاكم الله خيراً

**Eng. Ekramy Hamdin** · 15-09-2010 08:57 AM

المشاركة الأصلية كتبت بواسطة sherifowahba

هي كاملة هاف اسبورت بالجنوط واكر نيكل ولا عادية طاسات

السلام عليكم
جنوط واكر نيكل وحساسات ركن وDVD & Sound System

**phantom0xx0** · 15-09-2010 09:51 AM

المشاركة الأصلية كتبت بواسطة sherifowahba

1600 ولا 2000 سي سي

اوبل فيكترا 2003 16v أوتوماتيك عملة حوالي 59 ألف كم دهان فبريكة برة و جوة ،صيانة في التوكيل، حالة ممتازة ، مفيش أي مصاريف

1600 cc

**No Comment** · 15-09-2010 08:08 PM

السلام عليكم يا مستر شريف رجاء تسعير السيارة دى .......
إبيزا مو 1994 1300 سى سى
السيارة فبريكة دواخل بالكامل اللون كحلى ميتالك صالون الفبريكة انذار سنتر زجاج كهربة مريات كهربة كاوتش جديد بطارية جديدة فى الضمان تكيف تلاجة عفشة مجددة بالكامل جديدة موتور 90% كاسيت اصلى طقم صوت بالريموت اصلى بيونير جنوط اسبور السيارة حالة شاذة ولا تحتاج اى مصاريف .... وشكرا

**sherifowahba** · 15-09-2010 08:40 PM

المشاركة الأصلية كتبت بواسطة bombom

ا/ شريف شاكر لحضرتك الرد ، بس انا كان عندي استفسارين ، ايه سبب ان سعر اللانوس الهاتشباك ( الجوليت ) اعلى من اللانوس السيدان نفس الموديل فول اوبشن و بنفس الحالة ؟ برضه ايه المقصود بكلمة ( عربية مش محتاجة مصاريف ) لان اعتقد ان الموضوع نسبي في المستعمل ؟
واخيرا معروض علي عربية دايو جولييت ماشية 215 الف كيلو ، فابريكة دواخل راشة من الخارج ماعدا السقف ، الماتور محتاج شوية مصاريف لان في دخان ابيض طالع من الشكمان الزجاج الامامي في شرخ ، فانوس امامي مشروخ فانوس شبورة مكسور و الاكصدام فيه شرخ و العربية محتاجة زرجينة للعجلة الامامية و التكييف محتاج فريون. صاحبها طالب 41 الف ، فإيه راي حضرتك؟

لا شكر علي واجب يا اخي
ردا علي استفسارات حضرتك
الاستفسار الاول موضوع الجولييت والانوس :
ان الجولييت مطلوبة شوية في المستعمل وتقفيلها انضف من الانوس وشكلها مناسب لفئة الشباب و البنات والسيدات
الاستفسار الثاني موضوع المصاريف:
ان تكون السيارة بدون حاجة الي مصاريف بمعني موتورها تمام ومش محتاج اي شغل وعفشتها تمام بدون حاجة الي شغل وصالونها تمام و الكهرباء والزجاج تمام وكاوتشها وبطاريتها تمام
يعني بمعني اصح علي المفتاح تركب وتمشي
بالنسبة للتسعيير ارجو ذكر موديل العربية المذكورة لتحديد سعرها المناسب

**sherifowahba** · 15-09-2010 08:41 PM

المشاركة الأصلية كتبت بواسطة mmmm1977eg

الف شكر يا استاذنا و ربنا يبارك فى عمرك

لا شكر علي واجب وانا تحت امرك في اي وقت

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة