الماركة والموديل ---- بيجو 405 موديل 1989
2 السي سي للسيارة -----------1600 سي سي
3 كماليات السبارة وهي مانيوال او اوتوماتيك وهل في كماليات معطلة او لا تعمل
4حالة الدهان هل هي برة وجوة شركة او رشة برة الجنبين او رشة برة بالكامل او رشة اجزاء في الدواخل وتوضيحها او رشة جوة كلها---- فابريقه ورشه بره نضافه والحاله العامه للدهان متوسطة
5 حالة السيارة عامة كميكانيكا وعفشة و صالون و كهرباء ----------- معقوله
6 هل فيها مصاريف مع ذكرها ام لا
شكرا ليك يا باشمهندس كتير كتير
بدعيلك من قلبي على تعبك معانا
معلش انا اسف على تعبك بس ليا سؤال اخير
لو حبيت اركبلها تكييف ينفع ولا لا
كمان هي ايه ميزة الجي تي اي
اسف مرة تانيه على تعبك معايا
لا شكر علي واجب يا فندم
العربية يركبلها تكييف مفيش مشكلة
الجي تي اي هي الفئة الاسبورت من الجولف وتتميز بالموتور الاقوي من العادية بالاضافة الي بعض التعديلات والزوائد في الشكل الخارجي يجعلها اكثر انسيابية ويميزها عن نظيرتها العادية
استاذ شريف
اولا ادعيلي بالله عليك ان ربنا يرزقني بعربيه انا تعبت محدش راضي يبيع بما يرضي الله
ثانيا مطلوب منك تسعير
عربيه بي ام دبليو 316 موديل 1977صاحبها بيقول :
انها فبريكه جوه لكن مرشوشه مغيره لون و بيقول هات اي سمكري او ارفع في محطه و اتاكد
برومه في العتب و بيقول في حتت برومه اد عقله الصباع في الشنطه
بيقول ان الموتور نفس رقم الشاسيه
بيقول العفشه تمام و الموتور تمام
العدادات شغاله باستثناء عداد البنزين محتاج عوامه
محتاجه ظبط كربراتير بس هو مش فاضي يعمله
الخوارج كويسه
اديني سعر فيها
و لو جبتها هلاقي قطع غيار حتي لو نادره الاقيها عند حد معين اجيب منه و لا مستحيل الاقيها
و الف شكر و ربنا يبارك فيك و اسف بجد علي تعبك معايا
بس انت بجد انسان محترم و بجد بندعيلك كلنا
تعمل 16500
وربنا يوفقك الي عربية كويسة ان شاء الله
تعمل 16500 وربنا يوفقك الي عربية كويسة ان شاء الله
ربنا يبارك فيك
عارف و الله انك زهقت مني و من تتقيلي عليك بس اديك انت شايف كل واحد عنده عربيه بيضرب فوق تمنها بمراحل
ربنا ييسر
بس قولي لو الراجل وافق بالتمن اللي قلت عليه اشتريها ؟
و بفكر انزل عند بتوع قطع غيار اسئلهم
بس قول لي ايه قطع الغيار اللي اسأل عن توافرها ؟
و بجد ربنا يجازيك بما هو اهله يا رب العالمين
المفضلات