بالنسبة لموضوع الكشف الفني علي السيارة دي اهم نقطة ولازم حضرتك تاخد بالك منه قوي ولازم تعتمد علي فني يتوافر فيه صفتين ؛
الاولي انه يكون علي وعي تام بالكشف علي السيارة وخبرته واسعة في هذا المجال علشان يقدر يكتشف اي عيب مداري بواسطة الصنايعية
الثانية انه يكون ثقة وبيراعي ربنا علشان في مرحلة البيع اذا قام البائع وعرض عليه اي مبلغ مقابل انه يمشي البيعة وميقولش علي عيوبها
اما بالنسبة للاسعار :
سعري هو السعر الحقيقي للسوق وهو سعر يتوسط ما بين سعر البيع وسعر الشراء المضاف عليه مكسب التاجر اذا كان الشراء من التاجر وبذلك انا قلت من قبل وسأقول مرة اخري اني بحاول اعطي لحضرتك او كل الاعضاء السعر الحقيقي للسيارة وحضرتك ممكن تقدر منه مكسب التاجر كام ومنطقي ولا لأ وانا شخصيا احيانا اسعر عربية بمبلغ واكون بشتريها من تاجر وتكون زايدة الف مثلا وبشتريها برده لانها بتكون حالتها عاجباني بالاضافة الي ان في حاجات ثانية بتفرق في السعر زي مثلا رخصة باسم صاحبها وبدون توكيلات او رخصة طويلة او لون مميز في نوع السيارة او صيانات معمولة في اوقاتها وكده
وعلشان كده انا دائما بقول ان كل ما كانت بيانات السيارة المرسلة لي كاملة وبالتفصيل كلما كان السعر اقرب الي السعر الحقيقي واذا كان مطلوب فيها زيادة منطقية نعتبرها مكسب التاجر اما اذا كانت الزيادة غير منطقية فهنا لابد ان نقف وقفة لانه يعتبر شيء من اثنين اما جشع التاجر او ان التاجر ذات نفسه مش فاهم في الاسعار واشتري من الزبون غالي وعايز يبيع اغلي واغلي علشان يكسب و ده ظهر في الايام الاخيرة لدخول كل من له فهم او عدم فهم بالسوق في تجارة السيارات والدنيا بقت سيئة وفي الحالتين السابقين بحاول اساعدك بسعرها الحقيقي ولما بتعرف انه مغالا فيه بتيعد عنها فورا
ارجو ان اكون وفقت في توضيح الصورة كاملة للجميع
و الله انت يا شريف باشا أوجزت و انجزت و كلامك زي الدرر و ربنا يجازيك كل خير لأنك مخلص في نصيحتك وسلامي ليك و للعائلة و كل سنة و انت طيب
و انتظرني قريبا سوف أمطرك بالاسئلة و الاستفسارات ههههه
و معلش اتحملنا انت زي أخونا الكبير في المقام طبعا مش السن هههه
ربنا يجعله في ميزان حسناتك
أخوك د. عبد الرحمن
انا عايز عربية سيدان في حدود 45000 المهم تكون عربية قوية وتعيش معايا وقطع غيرها تكون متوفره مش مشكلة رخيصة ولا لا وتكون سهلة في صيانتها وتكون موديل الالفينات.
المشاركة الأصلية كتبت بواسطة sherifowahba
اوبل كورسا 2004 1600 فل اوبشن مانيوال 1600 سي سي دواخل شركة رشة برة عداد في رينج ال 120 الف بحالة جيدة
لو سمحت يا استاذ شريف عايز اعرف السعر النهائي لعربية اوبل كورسا سيدان 2006حالتها كالأتي
عداد 19000كم مرفوعة بقالها اربع سنين .فابريقة بالكامل من الخارج والداخل وهي جميع الكماليات فول اوبشن مانوال.
بعد اذن حضرتك اسعار السيارات الاتية وايهم افضل كأختيار:
1-لانسر 2008 الشكل الجديد القرش كاملة اوتوماتيك فابرييقة بالكامل دواخل ورش بالخارج نظافة فقط \ 1500 سى سى\ اوتوماتيك زجاج كهربا \اير باج\ زينون\ مفتاح ريموت اصلى \ فرش جلد\ سى دى اسبويلر\ فتح الشنطة والتنك من الداخل \اوكر نيكل للابواب من الخارج \ جنوط 17 نيكل كروم\ كاوتش عريض\ عداد 77000 كيلو متر بدون فتحة سقف او طارة مالتي او بصمة
2- أوبل أسترا 2008 انجوى أعلى فئة ايزى ترونيك مرايات ضم جنط 16 فابريكة بالكامل بالكتالوجات لون أسود رخصة سنة عداد 58000 كم استبن لم يستخدم :b4_007:
3- مازدا 3 2007 1600 سي سي اول فئة من غير بصمة وفتحة سقف
وبعد اذن حضرتك ايهم افضل في الاختيار من حيث السعر وقطع الغيار واستهلاك البنزين والمشاكل عموما وشكرا جزيلا لحضرتك
القرش تعمل 80 الف
الانجوي تعمل 83 الف
الماذدا رجاء ذكر حالة الدهان داخلي وخارجي وعداد الكيلومتر وهل محتاجة مصاريف ام لا
رايي المازدا ثم الانجوي ثم القرش
لو سمحت يا استاذ شريف أنا معايا 80 ألف وعاوز أجيب حاجة أتومتيك 1600 يابانى أو كورى و بصراحة المعارض بتاعة المستعمل بيغلو أوى......فلو ممكن حضرك تقولى ايه الاختيارات اللى متاحة.....بشرط الحالة الممتازة.....
*معلش فى سؤال كمان...لو لانسر 2008 كاملة مانيول فابريكة برة و جوة عدادها 20000 تعمل كام؟....
حضرتك عايز الخيارات مانيوال ولا اوتوماتيك وبرة وجوة ولا رشة برة
بالنسبة للانسر هي 1300 ولا 1600 سي سي
المفضلات