تسعيير السيارات المستعملة هدية لاعضاء نايل موتورز (الجزء الثالث)

**sherifowahba** · 12-08-2010 10:34 PM

المشاركة الأصلية كتبت بواسطة azbood

استاذنا الغالي شريف باشا لو سيات ابيزا موديل 2002 1600 سي سي تعمل كام لو مانيوال فل اوبشن وايه رأيك فيها؟

وكل سنة وانت طيب بمناسبة شهر رمضان المعظم

لو دواخلها شركة بالكامل وحالتها جيدة بدون مصاريف تعمل في رينج ال 43 الف
وهي عربية جميلة وادائها ممتاز مع ال 1600 بس قطع غيارها غالية شوية

**sherifowahba** · 12-08-2010 10:36 PM

المشاركة الأصلية كتبت بواسطة slash

لو سمحت عاوز اسهر العربية دي

- هوندا سيتي 2008
- 1300 cc
- عدادها 20 الف
- اوتوماتيك
- جميع الكامليات ( 2 اير باج + abs + مرايات كهربا .....الخ)
- الباب اليمين متغير في التوكيل نتيجة حادثة في الباب بس
- فابريكة برة وجوة
- الحالة العامة ممتازة
- مرفوعة اغلب الوقت

تعمل 80 الف

**sherifowahba** · 12-08-2010 10:43 PM

المشاركة الأصلية كتبت بواسطة tahayt

كل سنة و حضرتك طيب يا استاذ شريف و ربنا يجازيك خير على الموضوع الجميل دة
معلش انا عاوز رأى حضرتك فى موضوع شراء اول عربية فى حياتى
انا معايا 30 الف ممكن ازودهم شوية عاوز عربية تكون مكيفة بس اصحابى معقدنى من كل المستعمل و بيقولولى انى هدوخ بيها عند الصنايعية و انا بصراحة مش عاوز اجيب زيرو لانى مابحبش القسط
فهل ممكن بالمبلغ دة الاقى عربية اقدر استعملها كذا سنة من غير وجع قلب
انا استعمالى بسيط جدا كل اللى عاوزة عربية مكيفة و مريحة
و عامة هل ممكن اجيب عربية مستعملة و تبقى كويسة مع بعض الاهتمام و المصاريف فى الاول ولا هتفضل متعبة على طول و حضرتك ترشحلى اية (انا مش فارقة معايا قوى ان قطع الغيلر تكون غالية شوية المهم انها تكون متوفرة و تكون العربية اعطالها قليلة)
و جزاك الله كل خير

خليك في هيونداي اكسنت 1300 تكييف وكاسيت موديلات 99 و 2000 دواخل شركة وحالة ممتازة بس دي هتزود شوية عن المبلغ المذكور
وعامة المستعمل لا يخلي من المصاريف مهما كان حالتهلا يقارن بقلة مصاريف الزيرو بس حالة المستعمل هي الاهم في الموضوع
فنصيحتي لك اهتم بحالة العربية اكتر من نوعها او موديلها يعني لو لاقيت لانوس مثلا وحالتها مميزة يبقة مش شرط اكسنت المهم الحالة

**sherifowahba** · 12-08-2010 10:56 PM

المشاركة الأصلية كتبت بواسطة jo1968

بيجو 306 صالون 1800 cc انجكشن ومثبته فى الرخصه 1600 اوتوماتك وتكيف وباور وزجاج كهرباء امامى 120 الف كيلو وحاله المتور والفتيس ممتازه والعفشه حالتها جيده والدواخل فبريكه ورشه رفرفين وكبوت موديل 96 وبموت فيها بس المدام عايزه زيرو ووجعت دماغى ..

تعمل 38 الف

**sherifowahba** · 12-08-2010 11:02 PM

المشاركة الأصلية كتبت بواسطة azbood

يا ريت يا باشمهندس شريف كمان سؤال وانا عارف اني كترت عليك :zb_sor1[1]:

هو آخر موديل للفيات تمبرا في مصر سنة كام وسعره كام وكلها كاربراتير واللا فيه انجكشن وايه رايك فيها لأن سمعت كتير بيشكر فيه ومعظم اللي ركبها مدح فيها بشكل كبير فنويت ان شاء الله أجيب تمبرا لأنها في الأول و الآخر أوروبي وامكانياتها ممتازة بالنسبة الى سعرها مقارنة بأنواع اخرى في نفس الرينج السعري واللا ايه رأي حضرتك
وشاكرين افضالك وتعبك معانا والله يجازيك كل خير

اخر موديل 2002 وفي منها انجكشن
وربنا يوفقك في عربية تكون بحالتها وتريحك

**sherifowahba** · 12-08-2010 11:08 PM

المشاركة الأصلية كتبت بواسطة maregypt

شريف بك وهبى

ارجوا تسعير 2 عربيه فولكس

جولف 4 - 1999 - موتورها 1400 سى سى اصلى - مانيوال - كامله بدون فتحة سقف - فبريقه بره وجوه - 100 الف كم - لا تحتاج مصاريف.

جولف 3 - 1998 - موتورها 1600 سى سى اصلى - مانيوال - كامله بدون فتحة سقف - فبريقه بره وجوه - 120 الف كم - لا تحتاج مصاريف.

ال 99 تعمل 67 الف
ال 98 تعمل 46 الف
باعتبار الحالة المذكورة للاتنين

**sherifowahba** · 12-08-2010 11:10 PM

المشاركة الأصلية كتبت بواسطة asl

كل سنه وحضرتك طيب وبخير وبسعاده
معلش بتقل عليك فى اسئلتى

حضرتك فيه واحد عامل اعلان عن تيدا هاتشباك 2007
وكاتب المواصفات دى

* سي سي 1600
* 26000 كم
* تكييف
* سنتر لوك
* باور ستيرينج
* السيارة هاتشباك هاي لين مانيوال بها جونوت "15 الاصلي لونها اسود فابريقة بالكامل عددها 26000km فوج لايت فرش جلد طبيعي بيج 6 اير باج الكاسيت الاصلي السيارة حالتها ممتازة

فا ممكن اعرف من حضرتك العربيه دى سعرها يكون فى حدود كام علشان انا بفكر فيها؟
وهل فعلا فيه تيدا نزلت ب 6 اير باج ولا هو كاتب كده بس؟
وشكرا جدا لحضرتك

تعمل 77 الف وفي 6 ايرباج للمواصفات الخليجي

**sherifowahba** · 12-08-2010 11:13 PM

المشاركة الأصلية كتبت بواسطة midooz

بروتون
جين 2007
1600 سى سى | 45000كم
فابريكه بالكامل - بلا خدوش - ولا تحتاج مصاريف-اول يد-مانيوال-تكييف-باور-سنتر
سعرها كام ؟؟؟؟؟؟؟؟

تعمل 63 الف

**sherifowahba** · 12-08-2010 11:21 PM

المشاركة الأصلية كتبت بواسطة down4me

كل سنة و حضرتك طيب يا استاذ شريف و ربنا يجازيك خير على الموضوع الجميل دة

انا عايز اعرف سعر السيارة :

1 الماركة والموديل

شاهين موديل 2003

2 السي سي للسيارة

1400

3 كماليات السبارة وهي مانيوال او اوتوماتيك وهل في كماليات معطلة او لا تعمل

مانيوال من غي تكيف فيها cd kinwood مع سماعتين kenwood

4حالة الدهان هل هي برة وجوة شركة او رشة برة الجنبين او رشة برة بالكامل او رشة اجزاء في الدواخل وتوضيحها او رشة جوة كلها

دواخل فابريكة راشة اجزاء صغيرة في الخارج ( جزء من باب السائق جزء من الباب الخلفة الناحية الاخرى من السائق و شبكة اللى ادام ( اللى فيها حرف ال t) متغيرة

5 حالة السيارة عامة كميكانيكا وعفشة و صالون و كهرباء

المتور تمام و زي الفل ممكن تكون عايزة تربيط بس
عاملة 140000 كم

6 هل فيها مصاريف مع ذكرها ام لا

فوانيس اكصدام و عايزة وش نضافة

و شكرا جزيلا ليك

كل عام وحضرتك والاسرة الكريمة بخير و جازاك الله خيرا
تعمل 35 الف

الموضوع: تسعيير السيارات المستعملة هدية لاعضاء نايل موتورز (الجزء الثالث)

LinkBack

أدوات الموضوع

عرض

-

-

-

-

-

-

-

-

-

LinkBacks (?)

تقييم وتحديد سعر كورولا 94 خليجي

المواضيع المتشابهه

تسعيير السيارات المستعملة الجزء الرابع

عرض نايل هولدنج لاعضاء نايل موتورز

هويدي موتورز الجزء الثالث

الكلمات الدلالية لهذا الموضوع

المفضلات

المفضلات

ضوابط المشاركة