الموضوع: نسيت قطعة قماش صغيرة فى المانافولد

المشاركة الأصلية كتبت بواسطة MOMODENGER

اولا السلام عليكم ورحمة الله وبركاتة


يا اخوانى ان حاولت من يومين انظف المانافولد بنفسى على اعتبار دة شى سهل ولكن لاسف الشديد حصل معاي موقف غريب وهو انى عملت زى الدكتور الى نسى الفوطة فى بطن المريض واهو انى نسيت حتة قماش خفيفة جدا قطن قد المنديل الورق تقريبا وشغلت العربية وطبعا حتة القماش دى انشفطت ومش عارف اية ممكن يحصل بس خايف وقلقان ومشيت بالغربية حوالى 200 كيلو بس كل شى طبيعى جدا ولكن عاوزكم تعرفونى الفوطة دى هتروح فين لانى مكسوف احكى للميكانيكى واشمتة فية وكمان واحد قالى انها هتتحرق وهتخرج مع العادم ارجو منكم افادتى لاهمية انا عربيتى اسبيرانزا a516 ولو تعرفعو ميكانيكى كويش بيفهم فى العربية دى يا ريت تفيدونى وشكر جدا .

اعتقد بنسبة كبيرة انها اتحرقت واتفحمت خلاص وطلعت مع العادم
وفيه احتمال بسيط غير وارد انها تكوناتفحمت والتصقت فى أى جنب من جوانب الماينفولد - يبقى الحل انك تجيب عبوة منظف carp cleaner وتفضيها بالكامل مره واحده أو على مرتين جوه الماينفولد وبعد كل رشة دور العربية لمدة لحظات هاتلقيها مطلعه بلاوى

عندنا فى اللانوس بنعمل حركة جامدة جدا
بنفك بوجيه رقم واحد ونرش الماينفوالد بالعبوه على 3 أو 4 مرات - وبعد كل رشه بندور الموتور - بتلاقى قطع شحم خارجة من مكان فتحة البوجيه - وطبعا العربية بعدها بتكون مبرجله لمدة 3 دقائق بالكتير وبعدها فعلا بتحس بالفرق - سواء فى السحب أو صوت الموتور

المشاركة الأصلية كتبت بواسطة momodenger

ابو مروان العسل شكرا اوى ليك على اهتمامك وانا مع الراى الاول انها اتفحمت لانى بصين على البوابة بعدها لاقتها نظيفة ومفهاش اى شى او اى ريحى غريبة بس عاوز اعرف لو سمحت لية التاخير فى الدوارة عندى باستمرار

يا باشا الشكر لله
تأخر الدوارة ليها اسباب كتتييييييييييييييييييير جدا ومعروفه جدا جدا جدااااااااااا
نبدأ بالاشهر واللى الناس دائما بتنسها
1- عيب بالرشاشات -> حلها وضع منظف على تفويلة تانك البنزين -> أو تنظيف الرشاشات على جهاز التراسونيك -> أو تغيير الرشاشات
2-انسداد فلتر البنزين - > تنظيف الفلتر وذلك بغسله ببنزين فى الاتجاه المعاكس لسير البنزين -> او تغيير فلتر البنزين
3- وجود مشكلة بالبوجيهات -> تغيير البوجيهات ولو انت فاضى ممكن تنظفها كل شوية
4- مشكلة بكابلات البوجيهات - > يتم النغيير
5- مشكلة فى الموبينة -> يتم التغيير
6- المشكلة ديه عسل أوى لو علبة البيئة عندك شبة مسدودة العربية هاتطلع عينك فى الدوارة
7- مشكلة فى طرمبة البنزين-> يتم التغيير
8- انسداد خرطوم الراجع بتاع البنزين وعلية صعوبة وصول البنزين للرشاشات (عيب قاتل وهيطلع عين اى واحد علشان يوصل له ودائما بيكون بسبب اهمال الصنايعية)
9-بطارية ضعيفة -> استبدال ومراجعة الدينامو
10- مشكلة بجلب المارش -> وديه طبعا المشكلة الازلية فى العربيات ال 128 انها بتقفش فى الصيف
11- المارش ضعيف وعايز كتاوت تقوية

بصراحة مش فاكر حاجة تانى - لو افتكرت هازود لحضرتك وربنا يبارك لك فى عربيتك

المشاركة الأصلية كتبت بواسطة MOMODENGER

الاخوة الاعزاء ملاك 516 المعذبيت انا العربية معايا بقالعا 2 سنة ةوبصراحة عربية عريبة اوى اوى اقولكم لية العربية بتتاخر معاي فى الدوراة مش الصبح لا بالعكس دة لما الشمس بتشتد علها والعربية بتدور باعافية الصبح وانا مغير كل حاجة بطارية وبوجيهات والبامب بتاع البنزين وكمان العربية بين النقلة التانية والتالتة لازم تحدف لادام وكمان الموتور بتخنق بعد 3.5 ار بى ام والسرعو طبعا بتقل وانا تعبت من العيوب دى كلها الحقيقة وفاض بية .ارجو ح\د يفدنى لو مر بنفس ظروفى ولا انا بس ولية دة بيحصل مع العربية دى

معليش ممكن حضرتك تحط العربية على الاسكانر ده أولا
ثانيا وده الاهم دور على كهربة العربية بمعنى
كابلات البوجيهات - الموبينه - كابل الارضى الاساسى الخاص بالعربية
بالمناسبة وعن تجربة ال 516 بعد ال 4 RPM بتبقى طلقة
لما نحلل كلام حضرتك غياب فى الدوارة + خنقة بعد ال 3.5 يبقى انت فى الاغلب ماشى فى سكتين
يا مشكلة كهرباء وان شاء الله تطلع كده
يا اما الكمبيوتر بتاع العربية فيه مشكلة أو حساس بيديله قرأه غلط
فيه حاجة اسمها fuel chart او خريطة الوقود
الموضوع بمنتهى البساطة حساس بيحس بكمية الهواء - وحساس بيحس بكمية البنزين - وحساس بيحس بوضع البوابة
وعليه بيدأ تنسيق كل ده مع الحرق عن طريق البوجيهات وكمية البنزين المرشوشه عن طريق اوامر من كمبيوتر العربية
يبقى نشتغل بشكل منظم وتحط العربية على اسكانر وبعده نشوف المشكلة فين