مش ممكن المانافولد التانى باظ !!!!!!!!!!!!

**meda2711** · 06-10-2011 11:41 PM

بسم الله الرحمن الرحيم

طبعا الموضوع واضح من العنوان انا من 8 شهور المانافولد كان جزء اتشرخ من مكانه وكان بيسرب ماية المهم الميكانيكى فالى ملهاش حل غير انك تغيره جبت واحد استيراد بالظبط ايام الثورة وكان تمام

المهم عرفت ان الجزء ده لما بيحصله حاجة بيتصلح عن طريق موضوع هنا لجوزيف , المهم امبارح على طريق اكتوبر فجأءة ملقتش سحب ودخان من الكبوت وريحة ومفيش فى القربة ولا نقطة ماية - رغم ان فى نفس اليوم مزودها ازازة صغيرة وهى قبل كده مكنتش بتنقص خالص بس قلت ده الطبيعى كل فترة تتزود -المهم الميكانيكى جه لقا المانافولد مكسور وقالى مش هينفع تمشى وحتطها على ونش ولما فك المانافولد لقى جزء تانى اللى مكسور مش هو هو نفس القديم الجزء اللى راكب فيه حساس حرارة قلتلته اعرف حد خرط نفس الجزء ومش عارف ايه قالى ماشى هوديه للخراط وداه للخراط قاله هتصرف واعمله بعد كده قاله حاولت بس مستحيل لانها فبر ومش عارف ايه ولازم تبقى جزء واحد مع المانافولد علشان متتفكش خصوصا انها جزء بيركب عليه حساس

دلوقتى الميكانيكى بيقولى لازم يتغير ومتجبش استيراد لانه بطيخة مش مضمونة وفعلا عنده حق وقالى لازم جديد علشان الجديد بيبقى ليه عمر طويل والاستيراد بيبقى مستهلك جامد وكده والجديد تمنه فوق ال 2000 يوصل ل 2500 تقريبا , طب ده مش يبقى حرام كل شوية اغير مانافولد ده تمن الجديد بتمن ماتور استيراد كامل او قريب من تمنه !!!!!!!!!!!!!!!!

انا مش عارف اعمل ايه وبجد زهقت من الموضوع ده :(

**aYaBooY** · 07-10-2011 01:21 AM

خد العربية على ونش تاني و روح بيها لورشة الاسطى قطب
قولة العربية جابت منافولد و عاوز تصليحة و هاتاخدها و انت واقف
متنساش تاخد المنافولد البايز معاك علشان انت مش هاتشتكى من الموضوع ده تاني ان شاء الله
و حقيق الموضوع مش هايكلفك ربع تمن المنافولد الجديد

**meda2711** · 07-10-2011 01:33 AM

طب مش ممكن اروحله بالمانافولد بس لان ان انا احرك العربية تانى دى صعبة

وبعدين هو المرة دى الميكانيكى بتاعى معترضش انه يصلحه بس الخراط قاله مستحيل فهل قطب بيصلح كل الاجزاء بتاعته تمام ويرجع زى الاول لانى مش هستحمل يحصل لتالت مرة وتقف بيا تالت

+ دلوقتى انا سمعت انى ممكن اصبه المونيوم احسن ايه رأيك فى الكلام ده ؟؟؟

**aYaBooY** · 07-10-2011 01:39 AM

بص الموضوع اخد من قطب علشان يعمل القطعة الاولى ( الي هيا في عربيتي ) 3 ايام من الشغل
و مش هايعرف حد يركبة مظبوط زي الي عملة
و معتقدش انه هايرضي يبيع القطعة بتاعتة
و عموما هيا مشكلة المنافولد كله في الكوعة بتاعت المياه الي راكب فيها حساس الحرارة و ديه كلها بتتغير
موضوع انك تصبه كله الومنيوم انا اول مرة اسمعها بس الخراط معرفش يعمل حتة صغيرة تفتكر هايعرف يعمل المنافولد كله

**meda2711** · 07-10-2011 01:43 AM

يعنى هو ميرضاش يصلحه لو روحتله بالمانافولد بس ؟؟؟

اصل العربية وش السلندر مفكوك وكده وصعب تتنقل

**aYaBooY** · 07-10-2011 01:49 AM

جرب اتصل بيه وشوف

**meda2711** · 07-10-2011 01:51 AM

اكلمه بكرة يعنى ؟؟؟؟

طب ولو مرضيش اتصرف ازاى اشترى الجديد يعنى ؟؟؟؟

**aYaBooY** · 07-10-2011 01:54 AM

العربية واقفة فين؟؟؟؟

**meda2711** · 07-10-2011 01:55 AM

فى الهرم

**aYaBooY** · 07-10-2011 02:04 AM

طيب كدة كدة انت بتعمل جوان وش سلندر و ده هايخلص بكرة ان شاء الله
بعد كدة خدها على ونش لحد عنده
او شوف اي منافولد عند الميكانيكي بتاعك يكون سليم يوصلك لحد هناك
بس خلي موضوع شراء منافولد في الاخر و خلى بالك انا لما حصلت معايا و سالت على الجديد كان عامل 1750 بس مش اصلى و لما سمعت الرقم مسالتش على الاصلى من الاساس

الموضوع: مش ممكن المانافولد التانى باظ !!!!!!!!!!!!

LinkBack

أدوات الموضوع

عرض

مش ممكن المانافولد التانى باظ !!!!!!!!!!!! - انشر الموضوع فى :

-

-

-

-

-

-

-

-

-

المواضيع المتشابهه

ونة فى الغيار التانى !!!

رجة على الغيار التانى

نسيت قطعة قماش صغيرة فى المانافولد

الغيار التانى

ممكن صور تابلوه الميجان الجيل التانى ؟

الكلمات الدلالية لهذا الموضوع

المفضلات

المفضلات

ضوابط المشاركة