هو ليه العجل الخلفي مفتوح شوية من أسفل

**eng.octooo** · 11-07-2010 07:44 PM

اولا حمد لله على سلامتك يا اكتو ,, كويس ان محدش مسكك وانت بتبص على العربيات اللى فى الشارع ههههههههههههه

طالما لاحظت وشوفت الاتنين كدا , يبقا ده عادى ومفيش منه قلق

الحمد لله يا احمد ههههههههههههههههههههه لا وانا باوطى ورا العربيتين من بعيد شكلى حرامى حرامى هههههه

انا هقول حاجه يمكن يمكن يمكن يمكن يمكن تكون صح
في العربيات الالماني زي المرسيدس و الاوبل لما بتفتح علي الطريق بنلاقي ان العجل الوراني بيفتح علي هيئة مثلث عشان تثبت اكتر علي الارض
ممكن يكون التصميم الجديد للصني يكون كده
يمكن يمكن يمكن يمكن يمكن :10d5c8w1107:

كلامك صح .................... هيةةةةةة الصنى طلعت معاهم هههههههه

**احمد عزت** · 11-07-2010 07:45 PM

ده حاجه عاديه جدا جدا ياباشا وموجوده فى اغلب السيارات القديم منها والحديث وده بيساعد مع العفشه وميزان الاتزان ان العربية ما تتقلبش وتبقى اكتر ثباتا ...................لا تقلق ....ده اللى ما يلاقيش الميل البسيط ده وهوة حوالى 5 درجه (ميل العجله من اعلى للداخل ب 5 درجات عن الخط الرأسى) هوه اللى يقلق مش انت..........واستمتع ياباشا بعربيتك وما تخافش وكفايه انك من القلائل اللى معاك اللون الشيك ده وربنا يحفظهالك.....اخوك فى الله

**aiman0173** · 11-07-2010 08:59 PM

المشاركة الأصلية كتبت بواسطة ahmed.tv

بص على باقى العربيات وانت ماشى على الصنى , وكمان استنى لما يدخلوا اصحاب الصنى ويقولولك , ولو طلع عندك بس يبقا اكيد لازم تروح على التوكيل , عشان ساعتها اعتقعد انه ممكن يكون حاجة اتعوجت او حاجة فى العفشة , وان شاء الله خير

والله يابوحميد طول ما انا راجع من الشغل النهاردة قعدت ابص على كل العربيات نيسان وغيرها _ يعني مكنتش ببص على الطريق اكتر ما ببص على العجل _ لقيت الموضوع موجود في عربيات وعربيات لأ فمش عارف هو الصح ايه مهو مش معقول الاثنين صح اكيدفيه حاجة غلط وحاجة صح

**aiman0173** · 11-07-2010 09:02 PM

المشاركة الأصلية كتبت بواسطة eng.octooo

لقيت واحدة منهم ex الشكل الجديد !!!!!!!!!!!!!!!! تصدق طلعت غريبة !!! الكاوتش الخلفى تحس انة مايل وعامل شكل مثلث مع الكاوتش التانى ؟؟؟؟ وكان جنبها افيو فيها نفس المشكلة برضة بس الافيوو المشكلة فيها باينة اكتر

ياترى حد يقولنا دى مشكلة ولا التصميم كدة

شاكر ليك جدا يا .octooo وحمدالله على سلامتك وكويس ان محدش شافك والا كنت هتبقى شهيد العجل ....... جزاكم الله خير

**Ahmed.TV** · 11-07-2010 09:15 PM

المشاركة الأصلية كتبت بواسطة ouba2

هي فعلا تصميمها كدة انا ملاحظها من اول ما جبناها بس عادي جدا كل دة بسبب ان العربية التقفيل المصري مرفوعة شوية عن التقفيل الياباني لانهم بيحطو يايات اطول شوية من المقاس الطبيعي بتاعها

المشاركة الأصلية كتبت بواسطة largeman

انا هقول حاجه يمكن يمكن يمكن يمكن يمكن تكون صح
في العربيات الالماني زي المرسيدس و الاوبل لما بتفتح علي الطريق بنلاقي ان العجل الوراني بيفتح علي هيئة مثلث عشان تثبت اكتر علي الارض
ممكن يكون التصميم الجديد للصني يكون كده
يمكن يمكن يمكن يمكن يمكن :10d5c8w1107:

المشاركة الأصلية كتبت بواسطة mk682

يا جماعة ده تصميم العفشه كده و ده بيدي ثبات اكتر للعربية علشان يعادل جزء من القوة الطارده المركزية عند الملفات دي مسالة ميكانيكيه بحته العربيات المحترمة كلها كده. يعني بيكون محور العجله الرأسي مش عامودي علي الارض بيكون مايل بزاوية بسيطة جدا و هي دي اللي انتم شوفتوها.

فعلا الكلام ده مظبوط جدا , وفعلا موجود فى عربيات قديمة , وكان منها ال128 عندى اول عربية كانت معايا زمان , وكانت كدا بردوا ولما تمشى تلاقيها فردت عادى جدا , ولما كنت اقف الاقى فيها كدا بردوا , وده بيعطى ثبات على السرعات

وفعلا زى ما قاله الاخوة عشان العربية كمان عالوها من ورا شوية فده طبيعى جدا , فمتخفش ومفيش قلق ولا حاجة , وكله تمام والحمد لله

**Khaled_Nowaihy** · 11-07-2010 09:23 PM

المشاركة الأصلية كتبت بواسطة ahmed.tv

وكان منها ال128 عندى اول عربية كانت معايا زمان , وكانت كدا بردوا ولما تمشى تلاقيها فردت عادى جدا , ولما كنت اقف الاقى فيها كدا بردوا

فى ال 128 ميل العجل الخلفى بسبب ريش السوست ولما تكون العربية فاضية السوستة بتنكمش وتسبب ميل للعجل الخلفى الى الداخل
ولما بتكون محملة تلاقى العجل رأسى عشان السوستة بتتفرد من التقل اللى عليها