عايز اخد رأيكو في شويه عربيات

**kik** · 11-07-2010 09:09 PM

مساء الخير علي احلي اعضاء كنت عايز اخد رأيكو في شويه عربيات و يريت
تفيدوني عن ادائها و عن عيوبها 1-بندا جيلي 2- ابيزا 2010 3- هوندا ستي
2010 4- فيات لينيا تربو 5- شيفورليه كروز 6 سيراتو الجديدة 7 بريليانس fsv - بروتون جين2 و بيرسونا و اوبترا و النترا معلش انا طولت عليكو بس
عشان الواحد بيفكر يجيب عربية و محتار

**amrseba** · 11-07-2010 10:41 PM

يا باشا الجيلى باندا ديه ب 48 الف جنيه

اولا فيه بعض السيارات هتطلع من المنافسه

منها ريليانس fsv و البروتون جين2 و البرسونا و الاوبترا و الانترا معلش انا شايف انا دول مش بمستوى الباقى نهائى ولايوجد وجه مقارنه

اولا
كل عربيه من دول ليها ميزه وعيب بس لو هنطلع التوكيل وقطع الغيار من المنافسه وبتقارن عربيه بعربيه player vs player

يبقى اللينيا تربو اسرع وحده واقواهم واحسن واحده وتشد مع بى ام
وبعدين السيات ابيزا 2010 1.6 بعديها
وبعدين السيراتو
وبعدين الشيفورليه كروز

لو عايز توفر قطع غيار بسهوله و رخيصه شويه وتوكيل جيد والترتيب حسب افضل توكيل

كيا سيراتو ده افضل توكيل فيهم
سيات ابيزا
فيات لينيا معقول مش وحش اوى ولا حلو اوى
الشيفورليه كروز اسوء توكيل فى مصر

الوسع العربيه من الامام ومن الخلف

فيات لينيا و كيا سيراتو زى بعض تقريبا فى الوسع قريبين من بعض
شيفورليه كروز
سيات ابيزا

لو عايز سرعه تداول و اعاده بيع جيده

كيا سيراتو
شيفورليه كروز
فيات لينيا
سيات ابيزا

اعتماديه وقله اعطال وجوده تقفيل

فيات لينيا بالمقدمه وبجداره
سيات ابيزا
كيا سيراتو
شيفورليه كروز

الانتريور التابلوه ياعنى وديه ازاواق

بس شايف
شيفورليه كروز
كيا سيراتو
فيات لينيا
سيات ابيزا

راحه داخليه وتكييف

كلهم ممتازين وبمستوى واحد

ثبات
كلهم ثابتهم ممتاز وتقريبا بمستوى واحد

بصراحه انا شايف ان اللينيا افضل اختيار بس اللينيا هتيجى على اول السنه ان شاء الله وهيبقى فيه منها اوتو وهيبقى الحجوزات عليها كتير وزحمه عشان فى ناس مستنيها كتير

**kik** · 11-07-2010 11:05 PM

الف شكر يا كبير علي معلوماتك القيمة دي
شكررررررررررررررررررررررر ررررررررررررررررررا بس اية رأيك في الهوندا ستي الجديده و الباندا كسيارة صغيرة و رخيصة

**amrseba** · 11-07-2010 11:23 PM

السيتى جميله بس حضرتك معاك فوق ال 100 الف تجيب عربيه ب 48 الف ازاى ياعنى وبالنسبالهم ياعنى اوحش من التوك توك وصينى ومش مركه عارف ياعنى ايه صينى ياعنى بيتكسر هههههههههههههههههه

**kik** · 11-07-2010 11:47 PM

شكراااااااااااااااا هي الابيزا ال1.6 2010 جامدة و السيتي و اللينيا بس اللينيا داخلة دماغي اوي و مش منتشرة اوي زي السيراتو و الكروز

**John_Samy_1** · 12-07-2010 12:13 AM

فيه حاجة مهمة حطها في حساب حضرتك اللينيا سيدان والIbiza حاجة تانية خالص Super Mini. الIbiza اوتوماتيك DSG واللينيا مانيوال ( أو أحسن استنى على أول السنة الأوتو بس أعتقد لو ادائها قل سنة عن دلوقتي هيبقى الأداء لصالح الIbiza )
Ibiza 0-100 --> 10.3 بس أنا عملتها في9.7
اللينيا 0-100 --> 9.7 (معرفش ممكن أحسن ولا لأ)
والاتنين عربية عافية جدا وبيطلعوا بسهولة من أي عربية 1600 ستوك, أنا طلعت من الC180 (غالبا عشان فرق الوزن أو ممكن كان عيب سواق و ده أرْجح).
الCity مدخلتش دماغي ولو هتقارنها باللينيا اللينيا هتكسب في كل حاجة.
و ربنا يوفقك.

http://www.youtube.com/watch?v=oVNSG1x93bs

**amrseba** · 12-07-2010 12:16 AM

يا باشا الابيزا و اللينيا حاجه كده ملهاش حل عربيات كده صاروخ ارض جو

**yoko** · 12-07-2010 12:17 AM

اللينيا 9 صافي من غير كسور

**yoko** · 12-07-2010 12:36 AM

المشاركة الأصلية كتبت بواسطة john_samy_1

حقك عليَّ يا معلم.بس أنا فاكر إنها 9 وحاجة بس اتلخبطت هي 9.2 بس معرفش ممكن حد يعمل بيها حاجة أحسن ولا لأ.

fiat linea - wikipedia, the free encyclopedia
fiat linea t-jet specs, review & prices in india | b4tea.com

بعض المواقع كاتبه 9 والبعض 9.2
والأوتو هيبقى نفس الموتور وفتيس سيمي أوتو ديوال لوجيك يعني مفيش محول عزم يعني نفس المانيوال بس ممكن تكون أبطأ أجزاء من الثانيه

-

الموضوع: عايز اخد رأيكو في شويه عربيات

LinkBack

أدوات الموضوع

عرض

-

-

-

-

-

-

المواضيع المتشابهه

أنا عايز أغير العربيه و عايز حاجه أنعم شويه

كنت عايز رأيكو

عاز رأيكو فى شويه حاجات

عايز اخلع النسر من كل عربيات البلد حد عايز يشارك؟

شويه صور عربيات .اوى وشك

الكلمات الدلالية لهذا الموضوع

المفضلات

المفضلات

ضوابط المشاركة