الموضوع: عايز اخد رأيكو في شويه عربيات

موافق و مؤيد لينيا أفضل اختيار في المجموعة دي

المشاركة الأصلية كتبت بواسطة kik

الف شكر يا رجالة و في البولو الجديدة بس لسة منزلتش شكلها وهم و ياريت اي حد معاة فيات لينيا او ابيزا 1.6 2010 يقولي عن مزاياهم و عيوبهوم و ادائهم بعد تجربتهما و هل يوجد عيوب للفيات اللينيا التربو وهل يوجد مشاكل للتربو

الIbiza عربية متينة جدا إن كان صاج ولا دهان وثابتة جدا والدركسيون تحفة. تقفيل و عزل ممتاز, كل حاجة فيها الماني من VW (نسخة من الPolo الجديدة). مظبطاني ورافعة راسي في الشد والجري, اوتوماتيك, شكلها من وجهة نظري رياضي وشيك.
العيوب: خامات معظمها بلاستيك عشان خفة الوزن ( بس متين لاجل الحق ), صغيرة من ورا والشنطة معقولة بس مش كبيرة ومش هتسعفك إلا لو فردتها علي الكنبة اللي ورا, عفشه رياضية فـمش مريحة لكبار السن ورا ( جدتي اشتكت), كماليات الرفاهية قليلة لو هتقإرنها باللي في سعرها ( مفيش جنوط رياضي أو باركينج سنسر أو مسند يد ) بس فيها حاجات تانية ظريفة زي راوافع من الريموت, مريات سخان.
فلوسك من الاخر رايحة على الفتيس الDSG, و حاجة كده زي الActive Steering كهربا على سرعة اقل من 20 وبعدين يقلب هايدروليك ( العربية وهي واقفة على الأرض وبتلف الدركسيون بتروح في مكانها مع الدركسيون يمين وشمال وبتسمع صوت مكنة كهربا مش عارف ده اسمه إيه) و الثبات ومكونات الماني والأداء.
شوف برده تقرير أستاذ حاتم عن العربية في قسم سيات
http://www.nilemotors.net/Nile/119447-2010.html