اقتباس المشاركة الأصلية كتبت بواسطة skybird مشاهدة المشاركة
في ناس كثير متفرقش بين شغل الطبيب الرسمي اللي يبدأ من الساعة 8 ويخلص الساعة 2 ظهرا واللي الدكتور بيأخد عليه مرتبه ملاليم ويعالج الناس ببلاش .... زيه زي اي موظف في الدنيا
وبين شغله الخاص اللي هو مجهود وتعب اضافي عليه بعد اوقات العمل الرسمية
وعلشان اوضح النقطة دي اللي حتى الوزير مش واخد باله منها
ان الطبيب كموظف في فترة العمل الرسميه مرتبه اقل من عامل في شركة الكهرباء
ولكن المشكلة انه يتم حساب الدكتور على شغله الاضافي اللي هو مجهود زياده زي مثلا المهندس اللي يشتغل في ورشته بعد الظهر
من غير المنطقي اني اقول للمهندس هتاخد مرتب صغير لان ورشتك شغاله وزي الفل
الرد المنطقي على المسئولين ياعم وانتم مالكم بشغلي بعد الظهر
انا بقول لك قدرني على شغلي الرسمي زي اي موظف تاني زي اي موظف في البترول بتقدره على شغله في نفس الفتره
عارفين رد المسئول ايه
وزارة الصحه وزارة خدميه اما وزارة البترول فهي انتاجيه
هم بضحك
يعي اللي يسأل عن عيادات الدكاترة الخاصه احب اسأله
افرض ان انا دكتور مليش عياده ولكن لي مزرعة فراخ اروحها بعد الظهر وبتجيب اكثر من 20 الف في الشهر واحسن من اي عياده
هل ده يفرق في موضوعنا في ظلم الاطباء في شئ ؟
فاهمني ؟
اولا احب اوضح ان انا فعلا عاجبني الشعر اللي حضرتك كتبه بجد و ماكنتش بتريء عشان بس ماتفهمنيش غلط
ثانيا موضوع ان الطبيب كموظف في فترة العمل الرسميه مرتبه اقل من عامل في شركة الكهرباء دي بتكون فترة مؤقتة مش دائمة في مشواره المهني لانه بعد فترة بيستغنى عن الوظيفة الصباحية الدائمة دي اصلا و بيبقى شغله الاساسي العيادة الخاصة مساء و العمليات الجراحية صبحا - طبعا دة في حالة ان تخصصه فيه جراحة - او بيكون عمله صباحا مقسم في كذا مستشفى في العيادات الخارجية

يعني مابيفضلش طول عمره زي موظف في شركة الكهرباء اللي لو استغنى عن وظيفته مش هايلاقي ياكل لأنه معندوش بدائل اخرى ( يعني اكيد مش هايقدر يفتح شركة كهرباء لوحدة )


الخلاف في الرأي لا يفسد للود قضية