المشاركة الأصلية كتبت بواسطة ahmedjumpo
هل لو فيه قفلة او تلميس اى اسلاك او تركيب اى شىء غلط من الضفيرة هل فعلا ممكن يسبب فقد للكهرباء و عدم وصولها للبوجيهات و بالتالى استهلاك بنزين عالى هل فعلا الكلام ده حقيقى لان ده هيخلينى امشى بقوة فى هذا الاتجاه لان انا النهاردة كنت نزلت بعد المغرب اوصل ناس الى شبرا و كنت لسه مفول و مصفر العداد و اثناء ما انا ماشى ما شغلتش انوار الكشافات و تقريبا لم استخدم الاشارات و الكلاكس فقط كنت مشغل اضاءة التابلوه و عملت فى المشوار ده حوالى 35 كم و مازال مؤشر البنزين كما هو كما لم تحدث الرعشة و علو و انخفاض الكهرباء
بالنسبة للتبطيل فانا كنت قولت ملاحظة مهمة جدا كذا مرة لكن لم اجد اى تعليق عليها وهى ان التبطيل بيكون فى اول خمس الى عشر دقائق من تشغيل العربية اى و العربية باردة ولكن لما بتسخن فبتبقى كويسة و مفيش تبطيل بالاضافة ان احيانا كتيرة لما تدور المارش مايديش اى صوت تكتكة و يبقى ساكت كأن الكهرباء مقطوعة رغم ان الراديو و الساعة برمجتهم مضبوطة , و فى اوقات تانية يعد المارش يتكتك بدون ما يشغل العربية و ده كذا مرة لغاية ماتدور
فهل ممكن ان و العربية باردة يكون البنزين ما ضخش كويس مثلا فبتبطل مثلا او ان البطارية فى بداية دوارة العربية مثلا بتكون ضعيفة او ان الدينامو فيه مشكلة مثلا مش عارف و لكنها مجرد افكار قد تساعد على ايجاد الحلول