احترت مع الليجانزا

**ahmedjumpo** · 26-07-2010 01:34 AM

طب ممكن استفسار اد ايه الوقت المطلوب بالدقائق للوصول لدرجة الحرارة التشغيلية للعربية بداءا من الصفر ؟ و شكرا

**AHMADALY1999** · 26-07-2010 08:53 AM

مش قبل ما المراوح تشتغل يعنى تقريبا من 10 الى 15 دقيقة على حسب درجة حرارة الجو

**tarek_2005** · 26-07-2010 10:13 AM

السلام عليكم ورحمة الله
اعتقدت ان مشكلتك اتحلت بتغيير الدينامو
ولكن علي العموم الدينامو القديم كان منتهي فعملية التغيير جائت من باب الصيانة
اما بالنسبة لمشكلتك فاصبر قليلاً فانت وصلت الي ثلثي المشوار تقريبا ومعلش المشوار طول شوية بس المهم في الاخر
تحل المشكلة واذدادت خبرتك مع جميع اجزاء السيارة وهو ما سيفيدك في المستقبل

اما سيارتي فهي بخير ولكن فوجئت امس بان التكيف فصل مرة واحدة واذا بهواء ساخن يدخل الي من فتحات التكيف ونظرت اذا بامبير الحرارة يقفز من المنتصف الي اعلي من الاشارة الحمراء في اقل من ثانية
قمت علي الفور بابطال السيارة وقمت بفحص الفيوزات لان المراوح مش شغالة وجدت الفيوزات كلها سليمة
ولكن السيارة ليس بها نقطة مياه واحدة وحتي الان لا اعرف السبب
انتظرت حتي بردت السيارة وادرت المحرك وبدات في ملئها بالماء واخذت حوالي 5 لتر مياة
واليوم سوف انظر لسبب تسرب المياه وذهبت الي العمل بالسيارة الثانية

**alexcdx** · 26-07-2010 05:24 PM

المشاركة الأصلية كتبت بواسطة ahmedjumpo

ازيك يا هندسة و اخبار العربية معاك ايه بعد ظبط فيشة الحساس ان شاء الله تكون بقت كويسة و احب اشكرك على ذوقك العالى و على تعبك معايا ربنا يباركلك
بالنسبة للعربية فتغيير الدينامو معملش فرق بل حاسس ان هى هى و لكن بدأت افهم اللى بيحصل و لكن لسه مش لاقى تفسير و ببساطة انا عندى ظاهرة غريبة جدا فالاول كنت فاكرها مشكلة كهرباء و لكنى اكتشفت انها مش كهرباء و الظاهرة هى ان والعربية باردة و على ما تسخن فهى تستهلك بنزين بشراهة غريبة جدا ويصبح الاستهلاك عالى جدا لما تيجى تعمل مشواير قصيرة حيث العربية تطفى و تبرد ثم تشغل و تبدا التسخين تانى اما لو العربية وصلت الى درجة الحرارة بتاعت التشغيل و مشيت بيها فان الاستهلاك يكون ممتاز جدا حيث يكون المتوسط 7 لتر فى 100 كم مع تشغيل التكييف كمان و فى الحالتين بكون ماشى فى طرق مفيهاش زحمة وبجد معرفش ايه السبب هل ممكن يكون حساس مثلا و لا ايه

عرفت منين أنها بتستهلك بنزين و هى بارده؟
و بعدين هى مش كانت مشكلتك أن العربيه بتبطل
و لا دى عربيه تانيه ؟

المشاركة الأصلية كتبت بواسطة ahmedjumpo

ما فيش حاجة غير الصبابات و تغيير جوان وش السلندر اما البساتم فكويسة

ممكن يا هندسة تشرحلنا ايه الفرق بين الحالتين وان شاء الله هاعمل اختبار الكبس و هاقول لحضرتك على النتائج
بس زى ما سبق شرحت ان و العربية سخنة مفيش استهلاك بنزين و لكن كثر قفل و تشغيل العربية على البارد بلاقى استهلاك مفزع هل ممكن يكون حساس حرارة المياه لانى حسب معرفتى البسيطة لما العربية بتكون باردة فالحساس بيعطى اشارة للكنترول فيقوم الكنترول بضخ بنزين زيادة لغاية ما العربية تسخن
بالنسبة لتجربة كنترول تانى فده صعب جدا ان الاقيه عند كهربائى او ميكانيكى لان زى ما حضرتك عارف الليجانزا مش منتشرة مثلا زى اللانوس او النوبيرا و لو موجود عند حد فهو بيشتغل بيه و صعب برده يدهونى اجرب بيه لمدة اسبوع مثلا

أسبوع ليه هو مضاد حيوى؟ هو أنت بتشتكى من أيه بالظبط؟

يا باشا أحنا كده تهنا؟

**ahmedjumpo** · 26-07-2010 06:33 PM

المشاركة الأصلية كتبت بواسطة alexcdx

عرفت منين أنها بتستهلك بنزين و هى بارده؟
و بعدين هى مش كانت مشكلتك أن العربيه بتبطل
و لا دى عربيه تانيه ؟

أسبوع ليه هو مضاد حيوى؟ هو أنت بتشتكى من أيه بالظبط؟

يا باشا أحنا كده تهنا؟

شوف يا استاذى انا نفسى تهت مع العربية ديه , انا من 4 ايام كنت عملت تنظيف للبوابة و غيرت بوجيهات باسلاكها و ظبت سلك الكيك داون و العربية من و قتها الى اليوم ربنا هاديها و مابتبطلش و يا رب تتهدى كدا على طول
اما بالنسبة لاستهلاك البنزين و عرفت منين هاقول لحضرتك ,من فترة بسيطة كنت اتكلمت على استهلاك عربيتى العالى فكانت نصيحة الاخوة انى ابحث عن اى تسريب و ساعتها ملقتش اى تسريب فعملت تجربة تانية هى انى فولت العربية بالليل و انا مروح من جمب البيت و تانى يوم الصبح سخنت العربية و روحت نفس البنزينة فخدت العربية 4 لتر و شوية و المسافة المقطوعة كانت صغيرة جدا
تانى مرة اتاكدت برده بسبب انى كنت عند الكهربائى من يومين و كان التانك متفول و كنت عامل حوالى 50كم و المؤشر على اخر العلامة الى فوق و وريتها حتى لمحمد السيد الكهربائى و كان فيه تشييك على الكهرباء و الدينامو و البطارية و فى اليوم ده كانت العربية تتركن بالثلاث ساعات ثم نغير الدينامو مثلا و نجرب و طبعا نسخن العربية و نقيس الشحن و نطلع نجرب و بدين نركن العربية و نغير الدينامو لانه مكنش كويس و نعيد السابق و كذا مرة على كدا و بعدين و انا مروح بالليل بصيت على المؤشر لاقيته نزل من اعلى التانك الى اعلى علامة التلات تربع بشوية و انا عندى التانك 65 لتر فقلت انى لازم اتاكد من الموضوع ده فمشيت بالعربية على الدائرى لغاية ما عملت بيها 140 كم و فولت اخدت حوالى22 لتر ثم صفرت العداد و فتحت الانوار العالية و التكييف على تلاتة و عملت برده 140 كم و فولت اخدت 10 لتر اذن لنفس المسافة هناك 12 لتر فرق و هما دول اللى استهلكم فى تسخين العربية كذا مرة يا ريت اكون عرفت اوضح الموضوع

**samirayad** · 26-07-2010 07:45 PM

شوف يا استاذى انا نفسى تهت مع العربية ديه , انا من 4 ايام كنت عملت تنظيف للبوابة و غيرت بوجيهات باسلاكها و ظبت سلك الكيك داون و العربية من و قتها الى اليوم ربنا هاديها و مابتبطلش و يا رب تتهدى كدا على طول
اما بالنسبة لاستهلاك البنزين و عرفت منين هاقول لحضرتك ,من فترة بسيطة كنت اتكلمت على استهلاك عربيتى العالى فكانت نصيحة الاخوة انى ابحث عن اى تسريب و ساعتها ملقتش اى تسريب فعملت تجربة تانية هى انى فولت العربية بالليل و انا مروح من جمب البيت و تانى يوم الصبح سخنت العربية و روحت نفس البنزينة فخدت العربية 4 لتر و شوية و المسافة المقطوعة كانت صغيرة جدا
تانى مرة اتاكدت برده بسبب انى كنت عند الكهربائى من يومين و كان التانك متفول و كنت عامل حوالى 50كم و المؤشر على اخر العلامة الى فوق و وريتها حتى لمحمد السيد الكهربائى و كان فيه تشييك على الكهرباء و الدينامو و البطارية و فى اليوم ده كانت العربية تتركن بالثلاث ساعات ثم نغير الدينامو مثلا و نجرب و طبعا نسخن العربية و نقيس الشحن و نطلع نجرب و بدين نركن العربية و نغير الدينامو لانه مكنش كويس و نعيد السابق و كذا مرة على كدا و بعدين و انا مروح بالليل بصيت على المؤشر لاقيته نزل من اعلى التانك الى اعلى علامة التلات تربع بشوية و انا عندى التانك 65 لتر فقلت انى لازم اتاكد من الموضوع ده فمشيت بالعربية على الدائرى لغاية ما عملت بيها 140 كم و فولت اخدت حوالى22 لتر ثم صفرت العداد و فتحت الانوار العالية و التكييف على تلاتة و عملت برده 140 كم و فولت اخدت 10 لتر اذن لنفس المسافة هناك 12 لتر فرق و هما دول اللى استهلكم فى تسخين العربية كذا مرة يا ريت اكون عرفت اوضح الموضوع

ميه ميه

ولا فهمت حاجه

وبالنسبه للى بيقولولك على وحدة التحكم أسبوع ليه

قولهم

ده الصح
دا حكم على أستهلاك بنزين

طالع نازل

ومورينى الويل معاه

يعنى كورس علاج

زى المضاد حيوى تماما

مش نظام أقلب بالصلاة على النبى

**ahmedjumpo** · 26-07-2010 09:09 PM

المشاركة الأصلية كتبت بواسطة samirayad

ميه ميه

ولا فهمت حاجه

وبالنسبه للى بيقولولك على وحدة التحكم أسبوع ليه

قولهم

ده الصح
دا حكم على أستهلاك بنزين

طالع نازل

ومورينى الويل معاه

يعنى كورس علاج

زى المضاد حيوى تماما

مش نظام أقلب بالصلاة على النبى

لا و النبى يا هندسة بلاش نرجع للخلاف اياه
و بالنسبة للعربية انا حاسس انى لو هاشرح هندسة نووية هيكون اسهل مش كده و لا ايه ( الله يرحمك يا عم فؤاد )

**hon** · 27-07-2010 03:39 AM

ماتزعلش منى
اللوجانزا عربية ليها هيبة فعلا وركوبة بس قدمت وأعطلها كترت
يعنى لو تقدر تبيع وتجيب حاجة أحدث يكون أحسن دا مجرد وجهه نظر مش أكتر وعموما ربنا يوفقك معاها