الموضوع: يا ترى كام واحد فى المنتدى حاجز الأيفو

المشاركة الأصلية كتبت بواسطة azmeralda

انا حجزت الفئة الأولى مانيوال

بس فى حاجة قلقانى هنا فالمنصورة السرقات فوق الوصف انا شخصيا عربيتى الأولى اتسرق منها الكاسيت رغم ان كان فيها انذار بس هو مكنش انذار بسنتر يعنى كان انذار جاى فيها اللى هو لما تقفل بابها يسكت فالحرامى لما دخل سكت الانذار وفك الكاسيت براحته وشرب الشاى!

وبعدين اتسرقت الشنطة وكان فيها دهب من جنب بيتنا برضه وكتير جدا فى منطقتنا بالتحديد نفس الطريقة لدرجة ان الضابط بيقول اصل الحرامية عرفين ان المنطقة فيها ناس كتير اغنياء
الأهم دلوقتى العربيات كذا عربية اتشالت كده بحالها رغم ان منهم واحدة صاحبها كان حاطط حارس الحرامى عرف يغافله وياخدها وكانت جديدة لنج والراجل راح فيها
وواحد تانى بس رجعوهاله من اسيوط
وواحدة جابوهالها من القاهرة وكانت مليانة من خيرات العربيات التانيه من كاسيتات وجنوط الخ
وجارنا مرجعتش عربيته بيروح الشغل مشى وحالف ميركبش مواصلات بعد مكان بيركب عربية اخر موديل

طبيعى سألت عالجراجات لقيت الأسعار فوق الخرافية 600 ج طب انا بقسط اصلا ادفع كل ده ازاى
يبقى اكيد مينفعش تتساب فالشارع من غير انذار عالأقل وهو اضعف الأيمان
فسألت قالوا مبيتركبش فالتوكيل و اوماترا المنصورة قال هيشوف حد يعرفه يركبه لى بس انا خايفة تطلع من الضمان ايه رأيكم بقى فالمشكلة العويصة دى؟!

اولا اهلا بيكى فو الموضوع كنتى فين من زمان كده اهو بقينا 5 و ان شاء الله فى المزيد

اما بالنسبة لموضوع الجراج و السرقة دى فعلا حاجة تضايق يأما تشوفى جراج ارخص شوية او تركبى انذار بس لازم تتأكدى من موضوع الضمان لان التوكيلات و الحمد لله بتلككك للناس علشان تخرج العربية بره الضمان بعتبروا ان اى حاجة زيادة فى طفيرة الكهرباء انه لعب فى العربية من المستخدم طبعا فلازم تتاكدى و تشوفى انتى هترضى بكده ولا لأ و اهم من كل ده ان الواحد يتوكل على ربنا بس الصح برده العمل بالاسباب لان السرقة دى واردة لاى حد و فى كل حتة

ok ايه الأيموبيليزر ده يعنى كده مبدئيا محدش يعرف يدورها

وقفل الجنوط ده بيجى منين ؟

وطبعا متوكلة على ربنا قبل كل شىء بس لازم ابقى متوكلة مش متواكلة وطبعا اخد بأقوى الأسباب زى ما سأل عالناقة والرد كان "اعقلها وتوكل" يعنى تربطها الأول
لكن طبعا ربنا اللى بيحمى وفعلا مرتين نسيت الشباك اللى ناحية اللى قاعد جنبى مفتوح وربنا ستر

بس فعلا لما بيكون معاك مستعمل قديم بيبقى الوضع مختلف اما دلوقتى انا احساسى مختلف خصوصا ان مش معايا الفلوس دانا كمان هقسط وقدامى سنين فخايفة عليها من قبل ماشوفها ولكن طبعا ربنا عند حسن ظن عبده به

المشاركة الأصلية كتبت بواسطة aljurjani

أنا أتعجب ممن يقول الإيفو تتسع لخمس أفراد، فهل يقصد خمس أفراد مقرفصين مثلاً؟! أنا جلست في المقعد الخلفي وعارف أن السيارة مش بالوسع ده

لا يا فندم تشيل 5 افراد تصدق ب ايه ان جبت 5 افراد و ركبتوهم و كانو اعددين عادى
انا مش بقول انها واسعه اوى بس تقدى الغرض على الاقل
حضرتك اتعجب براحتك :) !!!!!!!!!!!!!!!!!

السلام عليكم دى اول مشاركة ليه فى المنتدى
المهم أنا لسا حاجز Evo Automatic Package 1 النهاردة (او بمعنى اصح امبارح اصل انا شغال Night Shift)
ان شاء الله أستلم اخر الشهر