هل موتور عربيتى خفيف ؟

**memo823000** · 12-09-2010 02:14 PM

السلام عليكم
انا يا جماعة جبت عربية 128 موديل 85 بس فى حاجة قلقتنى اوى من العربية و هيا ان الموتور فى خرطوم قصير طالع منه و بيطاع دخان وفايظ بسيطز فى ناس قالتلى ان دى بخرة خفيفة مع العلم انى لما اشتريت العربية كان معايا ميكانيكى ولاحظ الموضوع دة وقالى دى مش بخرة دة شمبر محتاج يتغير ب 150 جنية تقريبا او حاجة زى كدة لكن دة مش موتور خفيف

فيدونا يا اهل الخبرة ربنا يبارك لكم

**memo823000** · 12-09-2010 02:20 PM

ممكن حد يفديدنا يا جماعة.......................

**semsem_uno** · 12-09-2010 02:30 PM

هو اصلا الخرطوم متوصل في العمة ولا مفصول؟؟ علشان في ناس بتفصله من العمة لو الموتور خفيف علشان ميبقاش في زيت في العمة و يتفضحو

لو متوصل في العمة و العمة فيها زيت يبقي شيل العمة شيل تحت العمة فيل (قصدي شمبر) يبقي كده الموتور عايز شمبر و اللي يأكدلك كمان لو لقيت زيت عالبوجيهات

**memo823000** · 12-09-2010 02:39 PM

اولا بجد بشكرك على ردك
ثانيا ايه قصدة ب العمة ( معلش انا لسا جديد فى موضوع العربيات)

ولو الموتور خفيف ايه الحل ويا ترى مسالة الشمبر دى مكلفة ولا لاء

والف شكر مرة تانية سمسم

**semsem_uno** · 12-09-2010 02:49 PM

العمة هي الجزء الأسود المدور اللي محطوت فيه فلتر الهواء و مكانه اعلي الموتور اول ما تفتح الكبوت

و لو خفيف طقم الشمبر ده ب 100 جنيه او 150 فعلا و بيبقي صناعة برازيلي
بس المشكلة في التكلفة مش الشمبر
يعني هيفك وش السلندر و البساتم بستم بستم و يركب الشمبر و كمان بالمرة تجيب طقم جوانات للموتور (كاوتشات كبيرة بين اجزاء الموتور اللي بتقفل عالزيت) و ديه سعرها من 75 جنيه ل100 و كل ده مصنعيته بتاع 400 جنيه
و طبعا هتغير بوجيهات ب 45 جنيه ياباني و سير بقي
سير كاتينة ب35 و سير دينامو 15 جنيه