الموضوع: صيانه مهمه للعربيه ب 10 جنيه

ولو ان حال المنتدي مش عاجبني وكمان مش عاجب ناس كتير وكنت مستني شويه عشان انزل المواضيع الي بقعد احضرلها وانا في اجازه لاكن مش مهم

النهاره جايبلكم موضوع مهم جدا يمكن مش عامل مشاكل معانا لاكن لما نعمله هنحس بي الفرق واعتقد ان هيعجبكم جدا
الموضوع وما فيه هوا عمليه صيانه هنعملها بنفسنا لان الموضوع ده مش من ضمن الصيانه الي بتتعمل في التوكيل
نبدء الموضوع
الاول عشان نعرف احنا هنعمل ايه
عارفين المشكله بتاعت تسريب الهواء الي في ناس بتشتكي منها طبعا الموضوع ده بنسبه كبيره اتحل في الدفعات الاخيره الي تم تسليمها لاكن احنا هنعمل صيانه وقائيه
الاول تعالوا نشوف العده الي هنستخدمها



طبعا انتوا هتقولوا ايه ده هوا رامي اتجنن ولا ايه ايه الحقنه ده هوا العربيه مزعلاك في حاجه عشان كده هتيديها حقنه ولا ايه
لا الموضوع مش كده زي ما احنا شايفين معانا مقشه صغيره وسفنجه وارموراول وحقنه فيها زيت ايوه زيت عادي جدا زيت موتور وده السائل السحري الي هنستخدمه والحقنه لازم تكون بي السن بتاعها عشان هتوصل لاماكن ضيقه جدا لازم الزيت يوصل للاماكن دي
كلنا عارفين ان بروتون بتستخدم تكنولوجيل راقيه جدا في عربياتنا وانا اكتشفت ده اكتر لما الحمد لله قدرت اتوصل لملفات عن workshop servive and chassis building المهم
تعالوا نعرف ايه الاجزاء الي هنعملها صيانه
1 الكاوتش الدائري بتاع الابواب الاربعه
من فتره كده كنت اتكلمنا انا والاستاذ المبجل المحترم جدا اخويا اسامه شحاته عن العزل بتاع العربيه ومشكله تسريب الهواء لاكن من ساعتها محصلش اننا اتقابلنا
والنهارده هنشوف ازاي نعمل صيانه للجلد ده وكمان هنحافظ عليه يعني الاول لازم الكاوتش مايكونش في اي زرات تراب بين الثنايات عشان كده هنستخدم الفرشه دي






يعني الاول لازم ننضف الجلد كويس
ويبقي بي الصوره دي





وياريت نلاحظ شكل الجلد قبل ما نشتفل وبعد مانخلص لان بعد النضافه هنعمل المرحله التانيه ودي الي هتفرق فرق رهيب في شكل وخامه الجلد
نيجي بيق للمرحله التانيه وهي السفنجه والارموراول بتاع التابلوه بعد ما نتاكد ان الحصي والرمل الي في الثنايات خلاص طلع هنجيب السفنجه ونرش عليها رشتين من ارموراول ونمشيها علي الجلد وياريت نراعي اننا نغطي الجلد كله يعني الجلد الدائري كاه وان الارموراول يموت وصل للاجزاء الداخليه والثنايات
هنعمل الموضوع ده في جلد الاربه ابواب وبعد مانخلص الباب الاخير هنرجه تاني لاول باب ونكرر الموضوع وشوفي بعد كده هنحس ان الجلد ده مش هوا الي كان راكب خالص لان هيبتدي بيقي اسود تماما وهيدي لمعه وكمان ملمس الجلد هيتغير وهنلاققي ان الجلد اكتسب المطاطيه والليونه الي كان افتقدها من عوامل الجو






شايفين الجلد كان ايه وبقي ايه












كده خلصنا المرحله الاولي والثانيه
نيجي بقي للمهم جدااااااااا
المرحله الثالثه وهي الحقنه

عايز من حضراتكم قبل المرحله الثالثه ناخد بالنا واحنا بنفتح وبنقفل الابواب الاماميه والخلفيه هنلاقي ان في فرق في قوه شد الاكره وكمان صوت فتح وقفل الكالون
ايوه في فرق جامد الابواب الخلفيه ليها صوت تكه في الفتح والقفل كمان بتحتاج قوه اكبر ي الفتح والقفل
طيب تعالوا نعرف هنعمل ايه بي ال

الول عندنت 3 اجزاء في كل باب لازم نديعم الحقنه الاول السكاكه الي في القايم ودي نوع متطور جدا من السكاكات لان مش حديد علي حديد ولاكن في جزء دوار مصنوع من جلبه من التفلون تعالوا نشوفها













ودي هنزيتها نقطه او اتنين بي الكتير ونلفها بعد التزيت عشان نتاكد من ان الزيت دخل بين الجلبه وبين محور السكاكه
كده







نيجي لباقي الاجزاء الجزي التاني وجهوا الشداد الي ماسك الباب وبيخلي الباب يفتح علي 3 مراحل






الجزء الثالث وهوا المفصلات وكل باب في 2 هنصينهم كده بي الفرشه الاول هنشيل التراب الي عليهم بقدر المستطاع وبعدين ال









كل مفصله فيها نقطتين عشان يتزيتوا واحده فوق وواحده تحت








نيجي بقي لاهم جزء وهوا الكالون تعالوا الاول نعرف مكانه ونشوفه






وده الجزء الي بيحكم غلق الباب علي السكاكه وطريقه تزيته كالتالي












ياريت كلنا ناخد بالنا كويس من اماكن التزيت وعلي فكره نقطتين او تلاته زيت بي الكتير ونقفل ونفتح الباب 4 او 5 مرات وبعدين نكرر الموضوع تاني مع مراعاه تقليل كميه الزيت عن المره السابقه وبي المره نكمل جميلنا ونعمل كالون ومفصلات الكابوت










ودي طريقه تزيت المفصلات






وعشان العربيه مايبقاش ليها حقه لازم الشنطه يكون ليها نصيب


















كده مفصلات الشنطه تمام وزي ما احنا عارفين ان البرسونا المفصلات بتاعتها متعدده الوصلات طيب الكالون









كده خلصنا الصيانه وعلي فكره الموضوع ده كله من اوله لاخره مش هياخد 30 دقيقه ياريت تعملوا الموضوع ده وتشوفوا الفرق الي هيخصل خصوصا في صوت قفل وفتح الابواب وصوت الهواء والعربيه ماشيه وتقولولي رايكم ايه