سؤال عن الشنابر فى غير معادها

**khaled_sabry** · 13-07-2010 08:45 AM

السؤال ده بيدور فى زهنى بقاله مده و بصراحه مش لاقى حد يقولى اجابه شافيه لغايه دلوقتى

عمى بيقولى المفروض كل سنتين او تلاته اروح اعمل طقم شنابر للعربيه حتى لو كانت سليمه و مش بتاكل زيت او اى حاجه !!! على اساس ان ده بيطول عمر الموتور و بيخليني اعمل عمره بعد مده طويله
فى نفس الوقت والدى بيقولى لا الحركه دى غلط لأنك كده بتحكم النص العلوى من الموتور و مش بتظبط النصف السفلى منه و بكده انا بأثر على عامود البلى ؟؟

فياريت تجاوبونى هل لما اعمل طقم شنابر للعربيه ده حيبقى مفيد ليها ولا مضر و لا مالهوش لزمه و فلوس على الفاضى ؟؟
مع العلم عربيتي كورولا 1978 - و موتورها كويس و حالته كويسه و سبه كويس

**m_mekkawy** · 13-07-2010 08:57 AM

حد عايز يجيب لنفسه وجع الدماغ
انت تعمل طقم شمبر لما العربيه تبدأ تاكل زيت غير كده ملهاش لازمه
لان عامود الكرنك والسبايك ليهم عمر افتراضى وهيبوظوا هيبوظو
بس متستناش كتير لان ممكن لاقدر الله تكون بتاكل زيت والزيت بنقص يأثر ع الأجزاء التانيه للموتور
وانت تعرف ان العربيه بتاكل زيت لما الشكمان يبدأ يطلع دخان ازرق وكمان لما خرطوم الفايظ بتاع الزيت اللى راكب فى العمه يبدأ ينفخ زيت هوه كمان فى العمه

**khaled_sabry** · 13-07-2010 09:14 AM

المشاركة الأصلية كتبت بواسطة m_mekkawy

حد عايز يجيب لنفسه وجع الدماغ
انت تعمل طقم شمبر لما العربيه تبدأ تاكل زيت غير كده ملهاش لازمه
لان عامود الكرنك والسبايك ليهم عمر افتراضى وهيبوظوا هيبوظو
بس متستناش كتير لان ممكن لاقدر الله تكون بتاكل زيت والزيت بنقص يأثر ع الأجزاء التانيه للموتور
وانت تعرف ان العربيه بتاكل زيت لما الشكمان يبدأ يطلع دخان ازرق وكمان لما خرطوم الفايظ بتاع الزيت اللى راكب فى العمه يبدأ ينفخ زيت هوه كمان فى العمه

ياباشا اشكرك على الرد
الشكمان عندى مش بيطلع دخان لا زرق و لا اسود و لا ابيض بس خرطوم الفايظ بتاع الزيت معرق حوليه زيت لكن مش بيوصل للعمه و مش بيبقى ملاحظ بالعين المجرده لما بفكه و ادور الموتور

لكن غير كده مافيش اى علامه من علامات الشنابر
و العربيه مش بتاكل ولا نقطه زيت و ده انا متأكد منه

**m_mekkawy** · 13-07-2010 10:19 AM

المشاركة الأصلية كتبت بواسطة khaled_sabry

ياباشا اشكرك على الرد
الشكمان عندى مش بيطلع دخان لا زرق و لا اسود و لا ابيض بس خرطوم الفايظ بتاع الزيت معرق حوليه زيت لكن مش بيوصل للعمه و مش بيبقى ملاحظ بالعين المجرده لما بفكه و ادور الموتور

لكن غير كده مافيش اى علامه من علامات الشنابر
و العربيه مش بتاكل ولا نقطه زيت و ده انا متأكد منه

لا انا بكلمك عموما ماتعملش طقم شمبر الا لما تكون العربيه فى الحاله دى
بس الخرطوم يعرق زيت ده طبيعى لكن طالما مش فيه زيت فى عمة الهوا خلاص عادى جدا

يعنى اللى يعمل طقم شمبر لعربيه سليمه زى مانت قلت فلوس ع الفاضى

**khaled_sabry** · 13-07-2010 10:33 AM

المشاركة الأصلية كتبت بواسطة m_mekkawy

لا انا بكلمك عموما ماتعملش طقم شمبر الا لما تكون العربيه فى الحاله دى
بس الخرطوم يعرق زيت ده طبيعى لكن طالما مش فيه زيت فى عمة الهوا خلاص عادى جدا

يعنى اللى يعمل طقم شمبر لعربيه سليمه زى مانت قلت فلوس ع الفاضى

اشطه طمنتنى الله يطمن قلبك

**SkyBird** · 14-07-2010 12:05 AM

انا وجة نظري من وجهة نظر عم حضرتك
وشايف ان تغيير طقم الشنبر المفروض يضاف لقائمة الصيانة الدورية للعربية
هو وعمود الكرنك
لان الشنابر لو باظت ممكن تعمل تآكل وكحت للشمايز (الجدران اللي ينزلق فيهم البساتم) وتحتاج عمرة كاملة وخراطة ويمكن تخش في موتور جديد
انا غيرت طقم شنبر من حوالي شهرين لما يدوب شكيت في نفخ وبخر زيت في الموتور
ولما غيرت طقم الشنبر الميكانيكي قاللي الشمايز زي الحرير وهنغير طقم شنبر بس
وطبعا لازم تتأكد من حالة عمود الكرنك وانه سليم علشان ميحصلش كلام والد حضرتك ويبقي الحبك موجود في النص العلوي للموتور والنص السفلي كمان
هتلاقي الموتور رجع زيرو ان شاء الله

**khaled_sabry** · 14-07-2010 08:21 AM

المشاركة الأصلية كتبت بواسطة skybird

انا وجة نظري من وجهة نظر عم حضرتك
وشايف ان تغيير طقم الشنبر المفروض يضاف لقائمة الصيانة الدورية للعربية
هو وعمود الكرنك
لان الشنابر لو باظت ممكن تعمل تآكل وكحت للشمايز (الجدران اللي ينزلق فيهم البساتم) وتحتاج عمرة كاملة وخراطة ويمكن تخش في موتور جديد
انا غيرت طقم شنبر من حوالي شهرين لما يدوب شكيت في نفخ وبخر زيت في الموتور
ولما غيرت طقم الشنبر الميكانيكي قاللي الشمايز زي الحرير وهنغير طقم شنبر بس
وطبعا لازم تتأكد من حالة عمود الكرنك وانه سليم علشان ميحصلش كلام والد حضرتك ويبقي الحبك موجود في النص العلوي للموتور والنص السفلي كمان
هتلاقي الموتور رجع زيرو ان شاء الله

اديك انتا قولتها ... لما يدوب شكيت
يعنى ابتدت تظهر عندك اعراض مشكله ... لكن اللى بتكلم عليه انه بدون اى اعراض اعملها زى الصيانه الدوريه بالظبط

!!
و سؤال بره الموضوع .... الشنابر اول لما تبوظ ممكن تعمل كحت فى الشمايز و لا لما اتقل عليها شويه تعمل القصه دى ؟؟؟
بعد كده هل ينفع اتأكد من الحبك فى النص السفلى من غير ما افكه ؟؟؟ لو فكيته بقى الموضوع بقى مايفرقشى عن العمره الكامله بكتير !!

انا اصل مشكلتى مش فى الفلوس انا حتبقى مشكلتى فى فتره التليين لأنى انا فى القاهره و ماقدرشى اعيش من غير عربيه

**SkyBird** · 15-07-2010 12:43 AM

يعنى ابتدت تظهر عندك اعراض مشكله

الصراحه ايوه ولكن اللي اقصده مش صيانه دورية بالميعاد لكن المفروض اول ما تظهر اعراض المشكله وقبل ما تتفاقم نغير الشنابر
يعني انا مرحتش افحص والف على ميكانيكية علشان يقولولي غير الشنابر لكن القرار اخذته بسرعه

و سؤال بره الموضوع .... الشنابر اول لما تبوظ ممكن تعمل كحت فى الشمايز و لا لما اتقل عليها شويه تعمل القصه دى ؟؟؟

مش فاهم السؤال بالضبط ؟ لكن
لو تقلت عليها وهي سليمه هتخلي حالتها افضل وافضل
لكن لو بايظة هتخدش الشمايز

بعد كده هل ينفع اتأكد من الحبك فى النص السفلى من غير ما افكه ؟؟؟ لو فكيته بقى الموضوع بقى مايفرقشى عن العمره الكامله بكتير !!

ينفع يا باشا
وممكن كمان تغير الشنابر من غير ما تفك المكنة اصلا
الجزء السفلي ممكن يتكشف عليه بفك كارتيرة الزيت فقط
انما العمرة الكاملة
يها خراطة غرف حريق وتوسيعهم وشمايز جديدة اوسع وبساتم جديده اكبر من الستوك وبتتعمل تقريبا 3 مرات بس وترمي الموتور

انا اصل مشكلتى مش فى الفلوس انا حتبقى مشكلتى فى فتره التليين

مع تغيير الشنابر فقط مفيش تليين
انا لينت اول 100 ك بسرعة 90 كم/س وغيرت الزيت
وبعد كده فتحت
ده حتى الميكانيكي بقوله امشي على كام اول 1000 كيلو قاللي متعديش 120 علشان انا محبش السرعه الجامده

الظاهر قرأ مداخلات الاستاذ ممدوح عن التليين الجائر بعد تغيير الشنابر ههههههههههههههه
هعمل موضوع قريب عن تجربتي بالعنوان ده لو شاء الكريم

**ziours** · 15-07-2010 02:39 AM

ياترى عملية تغير الشنابر دي يتكلف كام؟وهل لو الشنابر بايظة العربية بتسخن عالطول ياريت حد يطمني احسن شكل العربية داخلة على الموال ده
شكرا

**khaled_sabry** · 15-07-2010 03:55 AM

المشاركة الأصلية كتبت بواسطة skybird

الصراحه ايوه ولكن اللي اقصده مش صيانه دورية بالميعاد لكن المفروض اول ما تظهر اعراض المشكله وقبل ما تتفاقم نغير الشنابر
يعني انا مرحتش افحص والف على ميكانيكية علشان يقولولي غير الشنابر لكن القرار اخذته بسرعه

مش فاهم السؤال بالضبط ؟ لكن
لو تقلت عليها وهي سليمه هتخلي حالتها افضل وافضل
لكن لو بايظة هتخدش الشمايز

ينفع يا باشا
وممكن كمان تغير الشنابر من غير ما تفك المكنة اصلا
الجزء السفلي ممكن يتكشف عليه بفك كارتيرة الزيت فقط
انما العمرة الكاملة
يها خراطة غرف حريق وتوسيعهم وشمايز جديدة اوسع وبساتم جديده اكبر من الستوك وبتتعمل تقريبا 3 مرات بس وترمي الموتور

مع تغيير الشنابر فقط مفيش تليين
انا لينت اول 100 ك بسرعة 90 كم/س وغيرت الزيت
وبعد كده فتحت
ده حتى الميكانيكي بقوله امشي على كام اول 1000 كيلو قاللي متعديش 120 علشان انا محبش السرعه الجامده

الظاهر قرأ مداخلات الاستاذ ممدوح عن التليين الجائر بعد تغيير الشنابر ههههههههههههههه
هعمل موضوع قريب عن تجربتي بالعنوان ده لو شاء الكريم

انا كنت اقصد ان الشنابر لو باظت ... اول لما تبوظ بتاكل فى الشمايز .. ولا بعد ماتبوظ بفتره بتبتدى تعمل كده؟؟
طيب و الموضوع ده كلفك اجمالى كام ... علشان لو حبيت اعمل القصه ابقى عارف

الموضوع: سؤال عن الشنابر فى غير معادها

LinkBack

أدوات الموضوع

عرض

-

-

-

-

-

المواضيع المتشابهه

الشنابر

صيانة ال5000 قبل معادها للماروتى

المروحه بتدور بدري عن معادها !!!

سؤال مهم عن وش السلندر و الشنابر

سؤال الى المهندس طارق -مصراوى ::سؤال فنى فى المارش بتاع الشكل القديم 2006

الكلمات الدلالية لهذا الموضوع

المفضلات

المفضلات

ضوابط المشاركة