سؤال عن الشنابر فى غير معادها

**SkyBird** · 15-07-2010 04:05 AM

اول لما تبوظ بتاكل فى الشمايز .. ولا بعد ماتبوظ بفتره بتبتدى تعمل كده؟؟

لا مش عارف بصراحة اسيب السؤال ده للمهندسين
وممدوح بيه او سمير بيه ممكن يفيدونا ان شاء الله

الموضوع ده كلفك اجمالى كام

530 جنيه بالمصنعية بالحاجات الصغيرة
بالاضافة لصيانة عمود الكرنك وتغيير السبايك بجديد
يعني الميكانيكي كان واخد بالو من حكاية التقوية في النص اللي فوق والنص اللي تحت من الموتور

**khaled_sabry** · 15-07-2010 08:08 AM

طيب معلشى سؤال كمان نسيته ... هى الحكايه دى اخدت منك قد ايه شغل
يعنى اخدت يوم مثلا و لا اكتر ؟؟

**SkyBird** · 15-07-2010 07:03 PM

بعد ما الميكانيكي يشتري الحاجات او تشتريها انت
الشغل الفعلي مياخدش 3 ساعات لو وقفت على ايد الميكانيكي لان الشغل والموتور في مكانه في حوض العربية
ولو هتعمل روديه ودي لازم تخلي الميكانيكي يعملها يبقى ممكن تزود ساعة كمان
بس حضرتك عارف الميكانيكية ممكن تخش في يوم بالاضافة لليله تحرق صفيحة او نص صفيحه بنزين على الواقف على حسب وجهة نظر الميكانيكي المهم انه يطمن على الحرارة وبعد كده براحتك

**samirayad** · 15-07-2010 08:56 PM

انا غيرت طقم شنبر من حوالي شهرين لما يدوب شكيت في نفخ وبخر زيت في الموتور
ولما غيرت طقم الشنبر الميكانيكي قاللي الشمايز زي الحرير وهنغير طقم شنبر بس

دى وجهة نظر صحيحه فعلا علميا

وهو ده الصح فعلا للحفاظ على محرك سيارتك

انا وجة نظري من وجهة نظر عم حضرتك
وشايف ان تغيير طقم الشنبر المفروض يضاف لقائمة الصيانة الدورية للعربية
هو وعمود الكرنك

ووجهة النظر فى هذا الأقتباس غير دقيقه

فلا يعتبر تغيير طقم الشنبر لأى محرك

من ضمن الصيانات الدوريه

ولكن أنا معاك أنه للحفاظ على بلوك المحرك ( غرف الحريق من الداخل )

يفضل فنيا
تغيير الشنبر عند التأكد من أنخفاض كفاءة حبك الشنابر على غرف الحريق للمحرك من الداخل

**SkyBird** · 15-07-2010 09:16 PM

المشاركة الأصلية كتبت بواسطة samirayad

ووجهة النظر فى هذا الأقتباس غير دقيقه

فلا يعتبر تغيير طقم الشنبر لأى محرك

من ضمن الصيانات الدوريه

ولكن أنا معاك أنه للحفاظ على بلوك المحرك ( غرف الحريق من الداخل )

يفضل فنيا
تغيير الشنبر عند التأكد من أنخفاض كفاءة حبك الشنابر على غرف الحريق للمحرك من الداخل

شكرا يا ريس على الاضافة فعلا انا مقتنع بكل كلمة حضرتك كتبتها وتقدر تقول انا عدلت وجهة نظري في الاقتباس اللي بعديه

المشاركة الأصلية كتبت بواسطة skybird

اللي اقصده مش صيانه دورية بالميعاد لكن المفروض اول ما تظهر اعراض المشكله وقبل ما تتفاقم نغير الشنابر

ربنا يبارك فيك يا ملك المحركات

**samirayad** · 15-07-2010 09:24 PM

اللي اقصده مش صيانه دورية بالميعاد لكن المفروض اول ما تظهر اعراض المشكله وقبل ما تتفاقم نغير الشنابر

دى الخلاصه فعلا ولم تلفت نظرى من قبل

لأن الكلام الأولانى

مكنش عاجبنى شويه

وكنت محجم عن المشاركه ........علشان محدش يزعل

ودائما وأبدأ

يجب أن نضع أمام أعيننا المثل القائل

بداية الغيث قطره

يعنى أما واحد يسيب مكنته مفوته ويديها زيت شنبر وخلافه

أولا حيخسر كالآتى

1- تآكل زيت عمال على بطال

2- فقد مادى نتيجة زيادة أستهلاك البنزين دون أن يدرى

3- حيرمى المكنه وستصير المكنه جثه هامده

أما لو لحقها بطقم شنبر

يبقى أنقذ مكنته وأنقذ نفسه

وزى ما بيقولوا برضه

تبقى رجعت ريما .....لكفائتها القديمه

**khaled_sabry** · 15-07-2010 11:59 PM

وكنت محجم عن المشاركه ........علشان محدش يزعل

[/QUOTE]

اللون الاحمر خاص بالاداره

طيب انا دلوقتى عربيتي مش بتنقص ولا نقطه زيت و سحبها معقول ... طبعا بيقل كتير مع تشغيل التكييف بس هى كلها 1200 سى سى
والعلامه الوحيده عندى لخفه الموتور هى انى بلاقى تعريق زيت كتير حولين خرطوم الفايظ .. و اقصد بتعريق يعنى اثر الزيت و لكن مش بشوف طبقه الزيت بتلمع قدامى .. و بيزيد الحكايه دى فى الحر الشديد . بس مابيوصلشى للعمه ...
ولو فكيت حرطوم الفايظ مش بشوف حاجه و لا بخار زيت و لا حاجه

فكده انا محتاج اعمل الشنابر دى و لا استنى شويه ؟؟

**samirayad** · 16-07-2010 12:49 AM

اللون الاحمر خاص بالاداره

أما تعرف أنا كاتب بالأحمر ولا بالبنى

حكمل معاك

**khaled_sabry** · 16-07-2010 02:46 AM

المشاركة الأصلية كتبت بواسطة khaled_sabry

طيب انا دلوقتى عربيتي مش بتنقص ولا نقطه زيت و سحبها معقول ... طبعا بيقل كتير مع تشغيل التكييف بس هى كلها 1200 سى سى
والعلامه الوحيده عندى لخفه الموتور هى انى بلاقى تعريق زيت كتير حولين خرطوم الفايظ .. و اقصد بتعريق يعنى اثر الزيت و لكن مش بشوف طبقه الزيت بتلمع قدامى .. و بيزيد الحكايه دى فى الحر الشديد . بس مابيوصلشى للعمه ...
ولو فكيت حرطوم الفايظ مش بشوف حاجه و لا بخار زيت و لا حاجه

فكده انا محتاج اعمل الشنابر دى و لا استنى شويه ؟؟

اوكى ياريت حد من خبراء المنتدى يجاوبنى (بإستثناء م/ سمير الموقر لحين معالجه عما الالوان الخاص بي

)

**nokian70** · 16-07-2010 11:30 AM

انا عندى زيك يا أستاذ خالد مافيش دخنة بتطلع غير الصبح العادي و البوجيهات ماعليهاش زيت و الزيت مابينقص او بينقص ربع كيلو فى 3000 كبلو مثلا و مافتكرشى دة كتير و كشفت على كبس الموتور لقيتة 70 % الأربعة بس بلاقى فى زيت تحت العمة و بيجي على الفلتر الهواء مش عارف اعمل اية؟اعمل الشنبر دة ولا أجيب خرطوم طويل و ارمية لتحت و لا فية حاجة تانية اعملها

عربيتى لانسر 99 مانيوال