رئيسى فى العمل خنييييييييييييييييييييييي يييييق

**hesham_tawfiq** · 13-07-2010 10:46 PM

المهم بتتعللم منه وتاخد خبره ولا لا

**m_car** · 13-07-2010 11:15 PM

انت كده من الصابرين

ربنا يصبرك عليه بس فى طريقة حلوة اوى كبره وحسسه انه هو مفيش زيه وانك مش قادر تستغنى عنه يعنى لبسه الطقية

**mado83** · 14-07-2010 11:56 AM

المشكله انه مش مدير هو بس يرأسنى انا بس واداره الشركه موافقه عليه بس المشكله انى انا اللى اعصابى تعبت منه والله العظيم

**ahmed4000** · 14-07-2010 12:35 PM

عمرك محتنبسط مع مدير
فاستحمل ودور على شغل تانى
بس حتروح الشغل التانى والتالت والعاشر حتلاقى مدير خنييييييييييييق
لدرجة انى بقيت مقتنع انى علشان ابقى مدير لازم اتعلم ابقى خنيق

**shaddadfalcon1** · 14-07-2010 01:08 PM

سايس امورك واربط الحمار مطرح مايحب صاحبه

حسسه انه راجل مهم - في ناس كده تحب اللي يمدح فيها

**أبو صلاح** · 14-07-2010 01:29 PM

أولا قبل أي شيء
مفيش مدير مريح

لكن الصح اللي يعرف يريح نفسه مع مديره
يعني يشوف ايه اللي بيريحه ويعمله
على فرة هترتاح جدا

احكيلك على مديري المباشر في عملي القديم كان بيعمل ايه
بص ياسيدي
ييجي الصبح اول لما يقعد يجيب اي جريدة صفراء (صفراء مش وعارضة اظن كلامي مفهوم)
ويكون مخلص قرائتها بعد ساعة من بدء العمل وياخدنا بقى كلنا في كلام حول اللي قراه ويناقشنا والاجمل انه يبقى مؤيد لما قرأه
يبقى يومه اسود اللي يعترض على كلام
طبعا هيبقى يومه اسود في العمل خد بقى مشواير رخمة ومعاملة ارخم وتعجيز

اول لما اتعاملت مع الراجل ده وكت عامل نفسي عنتر شايل سيفه ومكانش عاجبني حد
والله طلع عين اهلي
وبسببه قعدة اسبوع في البيت
ولولا ستر ربنا ان مدير المالي للمجموعة معرفة الوالد ما كنت رجعت تاني
ومرات كان يخليني والله اشيل بتاع 6 فايلات كبيرة وزن الواحد لا يقل عن 2 كيلوا وحجمهم كبير جدا واركب بيهم اوتوبيسات من شبرا الخيمة لحد مدينة نصر وللازهر
واركبش مايكروباصات علشان اوفر

تخيل

قلت أبدا معاه شغل تاني
اللي هو اريحه واعمله كل اللي بيحبه
بيحب الحلويات قوي اقوم جاي مجمع من الزملاء في المكتب وانزل اشتري (في وقت العمل وهو موافق جدااااااااااا)
وممكن اروح مشوار شخصي او اقابل بت حلوة
ممكن اجي متأخر ساعة وساعتين ويكتبلي اني في مامورية
انام وانا قاعد في المكتب عادي جداااااااااااااا
فرشنا غرفة كانت أرشيف وعملنا حاجة حلوة كده زي سرير اطلع انام براحتي

آخد المأموريات الحلوة السهلة اللي اتظبط بيها قدام المدير المالي

الاهم أخد منه المعلومة في العمل لاني كنت لسه محاسب مبتدا

لدرجة والله انه اتصدم صمة قوية لما عرف اني ماشي وحاول معايا بشتى الطرق

الراجل ده ما ضرنيتش
الراجل ده علمني ازاي اتعامل مع الناس في عملي
الرجل ده ياما عمل في وبهدلني

ربنا يمسيه بالخير

**Ahmed Nouh** · 14-07-2010 02:08 PM

وقال انا اللى كنت فاكر مديرى خنيق :))

ده طلع راجل برنس

ده انا هبوس ايده مرتين فى اليوم , الامثله المذكوره فى الموضوع ده تعتبر دراسه واقعيه لعدد المرضى النفسيين المطلقين فى شوارع مصر

**mado83** · 15-07-2010 10:14 AM

موقف اليوم من رئيسى الخنيييييييييييق
اشتكانى للمدير وقاله انى استأذنت من يومين انى امشى بدرى وانى وقفت خارج الشركه اتكلم مع زمايلى
مع ان الموقف ده حصل من شهرين وبعدين انا استأذنت المدير والمدير وافق يبقى انا اعمل اللى انا عايزه امشى او لا انا حر
بس وماكانش فى شغل
بس ادى كدب كمان

**mahgary** · 15-07-2010 11:18 AM

انا كنت زيك كده مع المدير بتاعى من زمان بس وقع فى يدى كتب اسمه ( مقدمه فى علم التفاوض الاجتماعى و السياسى )
تسداء قرات الكتب وعملت المكتوب باحرف وساعدنى انى هادى الاعصاب بصراحه ارتحت اخر راحه ونفعنى حتى فى معاملة كافة الناس

**أبو صلاح** · 15-07-2010 11:49 AM

المشاركة الأصلية كتبت بواسطة mahgary

انا كنت زيك كده مع المدير بتاعى من زمان بس وقع فى يدى كتب اسمه ( مقدمه فى علم التفاوض الاجتماعى و السياسى )
تسداء قرات الكتب وعملت المكتوب باحرف وساعدنى انى هادى الاعصاب بصراحه ارتحت اخر راحه ونفعنى حتى فى معاملة كافة الناس

ده من تأليف
د. حسن محمد وجيه
صح ؟