رئيسى فى العمل خنييييييييييييييييييييييي يييييق

**aliabutaleb** · 15-07-2010 12:49 PM

ده المدير قليل الكلام ساعات بيبقى نعمة :)

ربنا يعينك عليه يارب

**kh_talaat** · 15-07-2010 02:01 PM

واضح من الردود اننا كلنا في الهوا سوا

لذلك فأحنا محتاجين نقرأ كتاب دة

كيف تتعامل مع مديرك الغبي

• كيف تتواصل مع مديرك الأحمق وتفهم لغته؟

• كيف تستغل دعوات الطعام مع مديرك الأحمق لإحداث تقدم في حياتك المهنية؟

• كيف تتظاهر بأنك أكثر حمقًا من مديرك – وهو أسلوب جيد للاستمرار في عملك والترقي فيه؟

إذًا، لا مجال لليأس. فهذا الكتاب يوفر الأمل للروح والاستراتيجيات للعقل والتفاصيل الأساسية للتعامل مع المدير الأحمق. ولا ضرر من أن يلقي الحمقى نظرة على ما يعرضه الكاتب من آراء في هذا الصدد.

**Ahmed Nouh** · 15-07-2010 02:56 PM

المشاركة الأصلية كتبت بواسطة أبو حمزة

ده المدير قليل الكلام ساعات بيبقى نعمة :)

ربنا يعينك عليه يارب

واحيانا مصيبه

خصوصا لما يكون كمان قليل الكلام فى الشغل نفسه , فى وقت كان مدير فريق العمل اللى انا فيه كدا

لدرجه انه يقولك بس عنوان المهمه ويسيبك بقا انت تقعد تسأل وهو يرد عليك بأه او لا لأن ملوش خلق يقعد يشرح فطبعا انت سؤال والتانى بأجابته الخنيقه بتزهق وتسيبه

تطلع الشغلانه بقا مش زى ما هو عايز , يقولك معملتش كذا ليه تقوله طيب ما انت مقولتش !!! , هو لازم اقول !! , ايوه يا عم لازم تقول طبعا اى حاجه برا روتين الشغل لازم تقولها امال هخبطها انا من نفوخى !!

يومين ومعمرناش مع بعض :)

المشاركة الأصلية كتبت بواسطة kh_talaat

how to work for an idiot

ههههههههههههههههههههههههه ههههههههه , انا عايز طبعه كامله من الكتاب ده

**rockana9112007** · 16-07-2010 07:39 PM

ياجماعة ممكن تكلمونا اكتر عن كتاب دكتور حسن محمد وجية وازاى طبقتوة عملياااا فى حياتكم الشخصية والعملية وجزاكم الله خيرااااا

**mado83** · 17-07-2010 01:10 PM

موقف اليوم
راح للسكرتيره طلب منها قلم قالتله هنبعت نجيب وهو معاه قلمه الشخصى بس مش عايز يكتب بيه عايز قلم الشغل عشان هيكتب حاجات للشغل فمش هينفع يكتب بقلمه الشخضى
يوم والتانى وماجابولوش القلم قام واخد قلمها من على مكتبها وهيا تتصرف بقه

**rockana9112007** · 12-09-2010 06:33 PM

هو الموضوع نام لية؟؟؟

**shiko85** · 12-09-2010 07:02 PM

المشاركة الأصلية كتبت بواسطة mado83

موقف اليوم
راح للسكرتيره طلب منها قلم قالتله هنبعت نجيب وهو معاه قلمه الشخصى بس مش عايز يكتب بيه عايز قلم الشغل عشان هيكتب حاجات للشغل فمش هينفع يكتب بقلمه الشخضى
يوم والتانى وماجابولوش القلم قام واخد قلمها من على مكتبها وهيا تتصرف بقه

هو حضرتك بتشتغل فين ؟؟ سورى يعنى متزعلش منى دا مش شغل دى حضانه

ربنا يعينك على اللى انت فيه

**mr_vampire** · 12-09-2010 08:18 PM

المشاركة الأصلية كتبت بواسطة ahmedsameir

اولا الناس لما بتكبر فى السن مخها بيصغر و بيشوف كل حد جنبه صغير
ثانيا نصيحه اخويه قالهلى زوج اختى من زمان
لازم تبقى دبلوماسى و بالك طويل و اوعى حد يخليك تسيب شغلك حتى لو كان صاحب الشركة نفسها
و كل اللى انت بتحكى فيه ده عادى جدا
انا عندى مدير بقى عايزنى اوفره فلوس شهرية منين مش مهم و اوفره نسوان
بالله عليك تعمل ايه لو كنت مكانى ؟
انا حليت المشكلة الاولى بالطناش
و التانية بتعمد الصلاة امامه حتى ينسى الموضوع ده
و اتضح لى فى الاخر ان اللى قبلى فى نفس المكان كان بيعمل كده

بس الحمد لله بعد صراع 3 سنين ربنا سترها معايا و بعد عنى
بقى كل اللى بينى و بينه شغل بس

حلو الرد ده. واضيف حاربه بسلاحه. كل دماغه وكلمه في كبيرة وصغيرة لحد مايهج منك ويقولك ارحمنيييييييييييييييييي.

**MaZaGAngeE** · 12-09-2010 08:31 PM

المشاركة الأصلية كتبت بواسطة mado83

ياجماعه ياريت حد يفيدنى انا بشتغل محاسب فى شركه ورئيسى فى الحسابات راجل كبير وخبره ومحترم بس فى مشاكل كتيره
انه رغااااااااااااااى الى ابعد الحدود
بيعمل شغل العيال الصغيره بيزعل وياخد جنب
ماعندوش حد صح غيره
خنيق جدا بشهاده كل الزملاء فى العمل كلهم بلا استثناء
عنده القدره على استفزاز الاخرين بشكل غير معقول
لو عملت حاجه يمين يقولى طب ماعملتهاش ليه شمال على فكره الشمال هو اللى صح ويفضل يحكى فى مواعظ وقصصه وهو صغير
ربنا يحفظنا معقد نفسيا والله ماكلامى لوحدى كل زملائنا فى العمل بيقولو كده
وانا قاعد معاه فى مكتب واحد وبجد تعبت ومش قادر اتحمل بس اكل العيش بقه نعمل ايه
ياريت حد يقولى اعمل ايه غير انى استحمل لانى استحملت سنه ونص
وعلى فكره انا اول واحد يعمر معاه كل المده دى

انت بتتكلم عن المدير بتاعي
و ده الواحد يعمل معاه ايه بس

**زينة الله** · 13-09-2010 09:47 AM

طيب أنا بنت و مديرتى أكبر منى بعشرين سنة و تلاتين كجم
و كل يوم الصبح لازم أصبح عليها و تتفرج عليا من ساسى لرأسى زى ما بيقولوا
و جبت الطرحة دى منين و ايه السابو الحلو دا و الجيب ابصر ايه ... و هاتيلى زيه ؟؟؟؟؟؟!!!!!!
لما بقيت اخاف انها تشوفنى اساسا .........
اتخنقت منها بصراحة و على اخرى و مش عارفه اتصرف معاها أزاى
و بعدين دا أحنا مهندسين و عندنا شغل أومال لو كنا دماغنا فاضية و بتوع نميمة كانت عملت معايا ايه؟

الموضوع: رئيسى فى العمل خنييييييييييييييييييييييي يييييق

LinkBack

أدوات الموضوع

عرض

-

-

-

-

-

-

-

-

المواضيع المتشابهه

العمل ثم العمل ثم العمل - منقول للافاده..

مرايا اللوجان سبب رئيسى لعدم شراء اللوجان

يا ترى ايه العمل؟

الكلمات الدلالية لهذا الموضوع

المفضلات

المفضلات

ضوابط المشاركة