الموضوع: اللوجان ومشاكلى معاها خلال اول 20000 كيلومتر

بصراحة أنا شايف معظم المشاكل بسيطة جدا فيما عدا مشكلة المارشدير
وكان ممكن تتحل لو حضرتك اصريت عليها فى التوكيل
وروحتلهم مرة واتنين عشان تتظبط


يعني مثلا:
التكييف: سهل جدا يتظبط لو مش فى التوكيل يبقى عند أى حد بتاع تكييف بره
(التكييف عندي ممتاز من ساعة ما جيبت العربية وهى عاملة دلوقتى5600 كيلو)

كاوتشة الزجاج الأمامي:
أظن مفيش أسهل من انها تتعمل!

لمبة الأبواب:
مع انها مشكلة مش مؤثرة نهائي..بس أحد الأعضاء كان عنده المشكلة دي
واتحلت لما ربط مسامير كالون الباب كويس.

صوت تنك البنزين، ده عادي عند كل الناس.

مشكلة الفرامل، مش عارف بصراحة دي سببها ايه، وأول مرة حد يشتكي من فرامل اللوجان.
بس حضرتك كشفت على التيل؟

صوت التصفير، ده حضرتك من التراب اللى دخل للتيل والطنابير
وممكن تروح لأي سمكرى أو ميكانيكي تحت البيت يفكلهالك وينضفها
أو تعملها فى التوكيل..بس مش مستاهلة المشوار

الهوايات..شيء طبيعى انها تتفك لانها مبتبقاش ملزوقة يا فندم
بتبقى داخلة كبس.

حاول تظبط يومين تلاتة تكون فاضيهم فى كذا اسبوع ورا بعض وتروح تقف على ايديهم
فى التوكيل لغاية ما تتظبط، وتوصل لأكبر راس هناك، وزعق واعمل اللى يعجبك
لغاية ما المشاكل تتحل

المشاركة الأصلية كتبت بواسطة korkor

على الرغم من ان فعلا كل الملاحظات بسيطه بس ان التوكيل على الرغم من بساطتها مايحلهاش ويحتاج اكتر من زياره علشان تتحل يبقى لامؤاخذه توكيل مش محترم زى الناس ما كلها ما بتشكر فى ودى تانى شكوى فى نفس اليوم عن ملاحظات وسوء معامله او استهبال من التوكيل واضح ان السمعه اللى هما خدوها صدقوها وعايشين فيها من غير حل جذرى للحلول ومش ممكن اقعد اعطل نفسى كل شويه علشان شويه مشاكل بسيطه زى دى تتحل امال بقى لو مشكل كبيره هنعمل ايه هنروح نبات عندهم فى التوكيل

طيب وهو أنا دافعت عن التوكيل حضرتك؟!

المشاركة الأصلية كتبت بواسطة ada7

مبدأياً انا بعمل 97 كيلو يومياً على الاقل من البيت للشغل رايح جاى (متوسط الكيلو مترات للأيام 147 كيلو متر لليوم)
يعنى انا مشيت كتير فى وقت قليل ورأيى عنها عموماً انها مقبوله فأقل وده لوجود المشاكل دى:
1/ الفتيس (اتحلت) رحت التوكيل فرع العبور فى صيانة ال5000 وكان صوت عضة المرش هو التعليق الوحيد اللى على العربيه ومهندس الصيانه رد عليا ان المرش محتاج تدوس دبرياش و3 ثوانى وتجيب المرش كلام غير مقنع بالمره
قبل صيانة ال10000 اتصلت وقلت للموظف احجز فرع المقطم فرد عليا ليه ما حضرتك عملت صيانة ال5000 فى العبور فحكيت له اللى حصل وقلتلو لو ده الحل يبقى رينو شركه زباله الموظف عمل امر شغل مخصوص للفتيس وشكوى ولما رحت كان اهتممهم الاول الفتيس واتحلت العضه بس فى مشكله بسيطه ان ساعات تيجى تجيب المرش اللمبه تنور وتحس انك مدى الغيار والعربيه مترجعش كأنك ممور واشتكيت من دى بس كل مره اروح التوكيل يجرب المارش يشتغل معاه

[gdwl]اوقات بتحصل معايا وبجيبه تانى بس بقوة شوية بيجى فى الاخر[/gdwl]

2/ التكييف حدث ولا حرج خلال فترة الحر الشديد اللى كانت اخر مايو واول يونيو (درجة الحراره 42) كان بيجبلى هواء سخن كأنه مش شغال لدرجة انى كنت طافيه لان فتح الزجاج ارحم المهم حجزت ميعاد غير الصيانه (كان فاضل اقل من500 كيلو على ال15000 ) ورحت ومعرفش عملو ايه وبقى فى الحر الشديد بيدخل هواء بارد لكن مش زى تكيفات الانوس او الافيو
3/ الكاوتش اللى تحت الزجاج الامامى فكت (كانو مستخسرين بمليم سليكون فيها ولما رحت التوكيل عملوها بس بعد ما انا طلبت (دخلت مرتين قبل كده التوكيل مفكوكه وعلشان انا معلقتش عليها معملوهاش ) بس السليكون اللى هما حطينه باين ومنظرها مقرف

[gdwl]كانت عندى الاول وعملتها كده برضه بس مش فاكرة ان كان شكلها فيه مشكلة عموما هى ملهاش حل تانى[/gdwl]

4/ لمبة الابواب كانت بتنور لوحدها يعنى تكون ماشى فى امان الله وتلقيها منوره ورحت التوكيل وقالولى تمام ولقيت فى الملفات اللمبه بتنور فى صيانة ال15000 رحت وقلتلهم واتعملت وبقى مفيش مشاكل لدرجة انى افتكرت انهم فصلوها علشان يريحوا دمغهم

[gdwl]برضه عملتها وكانت المشكلة من الشنطة مش من الابواب عندى وظبطوها عادى [/gdwl]

5/ أهم مشكله ولسه ما اتحلتش حتى الان(الفرامل) مبدئياً انا مبعرضش نفسى لفرامل مفاجئه بسيب مسافه بينى وبين العربيه اللى قدامى فوق 10 متر بس حصل موقف فدست فرامل جامد فالعربيه أخدت راحتها جامد جداً علشان تقف (الحمد لله ربنا سطرها) وبدأ صوت صفاره فى الفرامل يظهر وكان بوضوح فى الفرده الشمال قدام فحجزت معاد ورحت وحكيت الموقف اللى حصل معايا وطلبت أنهم يراجعو الفرامل ودخلت العربيه وخرجت كلو تمام وجربتها مع مهندس الصيانه وزى الفل وبعد اقل من 100 كيلو رجع الموضوع زى ما هوا ولا كان حاجه حصلت فى صيانة ال15000 رحت واشتكيت من الفرامل وقلت للمهندس اطلع جربها قبل ما تدخل الورشه الا انه رفض وقالى نجربها بعد الصيانه وفعلاً العربيه اتحسنت بس فى مشكله دلوقتى الصوت رجع تانى بتاع الصفاره ولما تدوس على بدال الفرامل في مرحلف بيقطعها البدال من غير ما تفرمل العربيه وبعد كده تبدأ تفرمل العربيه (معرفش ده طبيعى ولا ؟؟؟؟؟؟؟؟

مشاكل ظهرت لاول مره :
صوت عند التنك فى المطبات صوت رجة مياه (أو البنزين)
العربيه حكت كذا مره فى المطبات بس دى كانت وانا راجع من الزقازيق وكان معايا 2 فى العربيه وحوالى 20 كيلو فى الشنطه

[gdwl]عند كل الناس وعن نفسى مش فاهمة لحد دلوقتى ايه ده ولا الصوت منين اصلا[/gdwl]

اخيرا فتحت التكيف كنت مركب فيها فواحه وجيت اشيلها لقيت الغطاء بتاع الفتحه(الهوايات) خرجيت معايا صحيح انا ركبتها تانى بس اتحرق دمى علشات سوء التقفيل

المشاركة الأصلية كتبت بواسطة korkor

هو انا جبت سيره ان حضرتك دافعت عن التوكيل وحتى لو دافعت عن التوكيل ده رايك ويحترم .

يا جماعة انا مش هدافع عن التوكيل ولا حاجة ...بس انا عندى رأى صغير

مفيش اى صنايعى فى مصر فى اى صنعة هيبص على حاجة انت مأكدتش عليه انه يعملها

الى عايز اقوله بتوع التوكيل حافظين شوبة حاجات بيعملوها مع كل صيانة و هما مغمضين ...و خلاص
اى حاجة تانية انت عايز تعملها لالالالالالازم تأكد على مهندس الاستقبال انهم يعملوها مهما كنت شايف انه طبيعى انهم يعملوها حتى لو انت مقولتش عشان ده مش هيحصل حتى عند رينو ...باشا انت فى مصر :)

المشاركة الأصلية كتبت بواسطة amr123

يا جماعة انا مش هدافع عن التوكيل ولا حاجة ...بس انا عندى رأى صغير

مفيش اى صنايعى فى مصر فى اى صنعة هيبص على حاجة انت مأكدتش عليه انه يعملها

الى عايز اقوله بتوع التوكيل حافظين شوبة حاجات بيعملوها مع كل صيانة و هما مغمضين ...و خلاص
اى حاجة تانية انت عايز تعملها لالالالالالازم تأكد على مهندس الاستقبال انهم يعملوها مهما كنت شايف انه طبيعى انهم يعملوها حتى لو انت مقولتش عشان ده مش هيحصل حتى عند رينو ...باشا انت فى مصر :)

بصراحة الناس فى العبور كانوا محترمين جدا
العربية دخلت صيانة ال 5000 وخرجت بعد نص ساعة
أنا كنت طبعا مستعجل ومقولتش على أى ملاحظات
فبعد ما خرجت كلمت مهندس الاستقبال، قالى احجز فى اى وقت ونطلع نجربها مع بعض
تاني يوم لقيته بيتصل بيا بيشوف أخبار العربية ايه بعد الصيانة!
المكان نظييييف جدا وهادي، وفيه واى فاى.
يعني مفيش أحسن من كده خدمة،