استطلاع رأى...بيه فى مصر وللا ارزقى برة

**Mzeid** · 30-04-2008 05:32 PM

المشاركة الأصلية كتبت بواسطة tawfi2

مهما حصل ..... مصر اولاً و أخيراً ... بلا غربة بلا بتاع .. يكفى انك هنا مع أهلك وناسك و أصدقائك اللى لو احتجتهم أو احتاجوك فى أى وقت ح تلاقوا بعض فى الفرح والحزن سوا .... اللحظات دى لا تقدر بثمن ... :)
وبعشقك يا مصر ... يا أحلى بلاد الدنيا كلها ..... :) :) :)
أنا مع رأى أ/ عمرو (seat lover ) جدااااااااااااااااااااااا ااااااااااااااااااااااااا اااااااااااااااااااااااا
(اللى ليه أب أو أم لسة عايشين ...متستاهلش يتحرموا منة وهو عايش ...بس)

معلش أخوات إيه اللي حضرتك بتتكلم عليهم .. اليومين دول الأخوات بتسرق و تقتل في بعضها ..
و بعدين أنا مش هسافر إلا لما مايبقاش فيه حاجة تربطني بالبلد ..
:):)

**معاذ الشرباصى** · 01-05-2008 05:48 AM

المشاركة الأصلية كتبت بواسطة SEATLOVER

فى حاجة واحدة بس عايز اقولها
(اللى لية أب أو أم لسة عايشين ...متستاهلش يتحرموا منة وهو عايش ...بس)

دى احلى و اهم جملة

**MoToRiZeR** · 02-05-2008 02:30 AM

اعيش في اي مكان في اي مستوي بشرط أحس ان فيه نظام و عدل يحققلي راحة دماغي

**Ahmed Samy** · 04-05-2008 02:20 AM

يا جماعة
الموضوع مش اراء او وجهات نظر نهائيا
لأن الكل بيتكلم من وجهة نظر واحدة و هي (اعيش في المكان اللي يلبي متطلباتي)
الفروق في التطبيق : في ناس شايفه مصلحتها و متطلباتها في مصر - حتى لو مضايقين منها-.
و ناس مش حاسين بأي معنى للتواجد في مصر .

اما موضوع الوطن و الحنين للوطن , انا ولدت و عشت في السعودية و سفت فيها ايام جميلة و أيام وحشة قوي ولكنني نازلت احن لمدرستي و بيتي و شارعي لأنهم يوما ما كانوا وطنا لي
و هكذا مصر ان غادرتها ستظل وطني و ما يؤلمها يؤلمني و ما يعزها يعزني ولكنى لا أستطيع الحياة فيها
و البلد الذي سأعيش فيه سيكون وطني أيضا الذي ساعمل من أجله و أخدم مواطنيه كما سيفعل لي و كما سيخدمني مواطنوه ...

لماذا يحصر البعض الأخرين في خانة الخيانة و بيع الوطن
لسنا في حالة حرب
الموضوع ابسط من بيع وطن بكثيير
الموضوع هو شراء حياة

**MohabSaeed** · 07-05-2008 05:13 PM

هو اساسا مصر ممكن الواحد يكون فيها بيه ؟؟؟؟؟؟؟؟

اعيش فى اى دوله فى" احترام " للادميه ....... وفيها " نظام " الكل يمشى عليه ......... وفيها " قانون " يمشى على الجميع .

وللاسف انا مش حاسس بالحاجات ديه فى بلدى ......

**elham** · 07-05-2008 09:00 PM

المشاركة الأصلية كتبت بواسطة sab3aawy

انا اغفلته عن قصد لأنه لا يساوى فى الإتاحة الإختيارات الثلاثة الأخرى، هو اختيار متاح لفئتين من الناس ، فئة تعيش فى مصر ملكة زمانها

الناسلا سواق ولا ك اللى حضرتك بتقول عليها مش بتسيب مصر لان بصراحه مبتلقيش حد يخدمها ولا حد بيقولها يا باشا

**elham** · 07-05-2008 09:31 PM

المشاركة الأصلية كتبت بواسطة a0abde01

قال تعالى : ( إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيراً ) النساء/97 . صدق الله العظيم
هل الغربه قدر ام اختيار؟ الواضح من الايه السابقه انها اختيار سنحاسب عليه
هل الغربه للمال فقط ام للعلم ام لشئ اخر؟

اختيار اننا نعيش فى اى بلد ابتلاء اعتقد ان الموظف اللى بيفتح الدرج كل يوم لازم نقوله الم تكن ارض الله واسعه
الميكانيكى اللى بيغير اللى انت محتاجه واللى انت مش محتاجه نقول له الم تكن ارض الله واسعه
الدكتور اللى يستغل علم الله و لايعالج الفقير نقول له الم تكن ارض الله واسعه
ادا اتحججنا بالغلاء ودبحنا كل اللى محتاج لنا علشان ظروف البلد يبقى الهجره والغربه لازم يكون اختيار

**SuMo** · 08-05-2008 08:02 PM

المشاركة الأصلية كتبت بواسطة karim_monir

بيه في بلدي وقولتها من زمان
يلعن ابو الغربة بالمنظر ده
خاصة اني هاتعود على مستوى معيشة مرتفع وبلد نضيفة انضف من بلدي
وارجع شايل كل عقد السخط والنقمة على البلد وغالبا هاعيش في قوقعة لو رجعت مش هاعرف اتاقلم نهائي
لكن في بلدي وسط اهلى وناسي وعزوتي ومركزي
يوم ما اعيا ولا يحصلي اي ظرف هالاقي اللي يشلني
ويسال عليا ويعمل اعتبار
مش برة مفرمة شغل كام سنة ولو حوشت قرشين هارجع مش هالاقي منصبي تاني
الحضري ده خسر كتير قوي
ومش هايعرف خسر قد ايه الا لما يرجع
بس شعب مصر طيب ونساي
اذا كان نسيوا الممثلات العاهرات اللي اتمسكوا في شقق مشبوهة
مش هاينسى للحضري صاحب الانجازات

ya tra lsa sabt 3la klamk ya karim

**waleedabbas** · 08-05-2008 08:19 PM

لو بالصورة ال بيقولها استاذ سبعاوى والفرق كده يبقى بلدى اولى بيا طبعا
حضرتك حطيت الاجابة يا استاذ سبعاوى
لكن فى حالات تانية هضطر اسافر بس طبعا مش هيكون اكتر من فترة مؤقتة وده بعد ماكون حاولت على قد ماقدرت فى البلد دى
غير كده بلدى اولى طبعا

**grumby78** · 09-05-2008 07:20 AM

المشاركة الأصلية كتبت بواسطة Ahmed Samy

سبعاوي العزيز
انت فعلا اغفلت فى الستطلاع حالة رابعة :
أعيش في بلد غربي و بمهنة محترمة و دخل محترم
لأن ده option متاح للكثيرين

---------------------------------------------------
أما موضوع بيه في مصر ....
هوا حضرتك بيه هنا ؟؟؟
و للا انت يا كريم بيه هنا ؟؟
و للا أنا بيه هنا ؟؟
نحن لسنا بهوات نحن نتحول الى مواطنين من الدرجة السادسة (واجبات بلا حقوق) و الغريب ان البلد مافيهاش درجة تالتة و لا رابعة (اولى و سادسة بس), طب لييه
دا أنا حتى لو عشت بره مصر درجه تانية (عرقيا و ليس ماديا) مش هاكون زعلان , ما هي بلدهم وأنا غريب ,
انما لما أكون هنا و مواطن مصري صالح من أبوين و جدين مصريين و امتهن مهنة في ألى السلم المهنى و في أعمل في مؤسسة هي قمة المؤسسات الوظيفية و برضه ...ماتعاملش كويس !!!!!!
ليه يعني ؟؟؟
مييين فيكو يقدر يخطط للسنة الجاية بس (مش لحياته كلها) مين يقدر يقول أنه بيطور حياته و معيشته (أو يقدر يطور مهما عمل) .
لا يوجد دخل -حلال- في مصر يكفي للطفو فوق موجة الغلاء و التضخم
و لا يوجد وسيلة حضارية و مشروعة تكفي للرؤية خلال سحب الفساد والرشوة و انعدام الضمير
و كلما تمسكت بمبادئك و دينك كلما زادت الجروح ألما كل يوم
الحل لتفادي الألم هو الموالاة , موالاة الغش بالغش و الواسطة بالواسطة و البلطجة بالبلطجة و الفساد بالفساد
و لا ينكر اي منكم انه يوما ما على صوته في مكان او دفع اكرامية (بلاش رشوة و لا فردة) في مصلحة ما , او ريح زبون جاهل علشان وجع الدماغ , او شلف واسطة علشان تقضي مصلحة ...
وأنا أولكم , عملت كده و أنا زعلاااااان
ليه ؟؟؟
ليه الحياة المموهة دي ؟؟؟ بلا شكل و لا لون ؟؟؟ ليه لازم اعيش انسان و بس ؟؟؟ ليه مايكونش ليا اسم ؟ اعرف انا مين و على فين و ليه ...و تكون مساحات اختياري اوسع فيما يتعلق بحياتي اليومية و على المدى الطويل ...

ما تعيبوش على الحضري يا جماعة
ما حدش بيسيب الراحة و يدور التعب و لا الغنى و يدور على الفقر
هوا أكيد تعبان
زينا كلنا ...او زي انا بس

الله ينور عليك.....أنا لو حاقول اللي في نفسي مش حاعرف اوصف كده

مشاهدة نتائج الإستطلاع: لو عندك الإختيار تختار ايه؟

الموضوع: استطلاع رأى...بيه فى مصر وللا ارزقى برة

LinkBack

أدوات الموضوع

عرض

-

-

-

-

-

-

المواضيع المتشابهه

بتحط زيت تخليقى وللا سوبر وللا عادة فى عربيتك

لادا سمارة وللا 2105 وللا غيرهم رأيكم إيه ؟

لادا سماره وللا 2105 وللا غيره

محتاج رأيكم في أي أفضل أداء للجولف .. 4 وللا 5 وللا 6 ؟؟

لو اوتوماتيك:بيكانتو وللاi10 وللا فرنا وللا افيو للا ماتريكس

الكلمات الدلالية لهذا الموضوع

المفضلات

المفضلات

ضوابط المشاركة