اقتباس المشاركة الأصلية كتبت بواسطة Ahmed Samy مشاهدة المشاركة
سبعاوي العزيز
انت فعلا اغفلت فى الستطلاع حالة رابعة :
أعيش في بلد غربي و بمهنة محترمة و دخل محترم
لأن ده option متاح للكثيرين

---------------------------------------------------
أما موضوع بيه في مصر ....
هوا حضرتك بيه هنا ؟؟؟
و للا انت يا كريم بيه هنا ؟؟
و للا أنا بيه هنا ؟؟
نحن لسنا بهوات نحن نتحول الى مواطنين من الدرجة السادسة (واجبات بلا حقوق) و الغريب ان البلد مافيهاش درجة تالتة و لا رابعة (اولى و سادسة بس), طب لييه
دا أنا حتى لو عشت بره مصر درجه تانية (عرقيا و ليس ماديا) مش هاكون زعلان , ما هي بلدهم وأنا غريب ,
انما لما أكون هنا و مواطن مصري صالح من أبوين و جدين مصريين و امتهن مهنة في ألى السلم المهنى و في أعمل في مؤسسة هي قمة المؤسسات الوظيفية و برضه ...ماتعاملش كويس !!!!!!
ليه يعني ؟؟؟
مييين فيكو يقدر يخطط للسنة الجاية بس (مش لحياته كلها) مين يقدر يقول أنه بيطور حياته و معيشته (أو يقدر يطور مهما عمل) .
لا يوجد دخل -حلال- في مصر يكفي للطفو فوق موجة الغلاء و التضخم
و لا يوجد وسيلة حضارية و مشروعة تكفي للرؤية خلال سحب الفساد والرشوة و انعدام الضمير
و كلما تمسكت بمبادئك و دينك كلما زادت الجروح ألما كل يوم
الحل لتفادي الألم هو الموالاة , موالاة الغش بالغش و الواسطة بالواسطة و البلطجة بالبلطجة و الفساد بالفساد
و لا ينكر اي منكم انه يوما ما على صوته في مكان او دفع اكرامية (بلاش رشوة و لا فردة) في مصلحة ما , او ريح زبون جاهل علشان وجع الدماغ , او شلف واسطة علشان تقضي مصلحة ...
وأنا أولكم , عملت كده و أنا زعلاااااان
ليه ؟؟؟
ليه الحياة المموهة دي ؟؟؟ بلا شكل و لا لون ؟؟؟ ليه لازم اعيش انسان و بس ؟؟؟ ليه مايكونش ليا اسم ؟ اعرف انا مين و على فين و ليه ...و تكون مساحات اختياري اوسع فيما يتعلق بحياتي اليومية و على المدى الطويل ...

ما تعيبوش على الحضري يا جماعة
ما حدش بيسيب الراحة و يدور التعب و لا الغنى و يدور على الفقر
هوا أكيد تعبان
زينا كلنا ...او زي انا بس
لاء انا بيه في بلدي
ماليش دعوة بالجهات الامنية والاقسام واللي بيحصل فيها دي قضية تانية
لانك برة هاتتعرض للابشع اللي هو العنصرية بكل صورها
خاصة انك مواطن رجة تانية
وجاي من بلد درجة تالتة
ولا نسيتوا اللي بيحصل في المصريين الاغنياء جدا وذوي المراكز المحترمة في دول اروبا وخاصة انجلترا
صدقني ياحمد برة عبارة عن حلم
بس مسكن بضم الميم
وهاينهي مفعولة وانت معاك عيل واتنين
وانت شخصيا هاتبقي نسخة من دكتور جيكل ومستر هايد