الاخوة الافاضل إسمحولي اشارك برأيي باعتباري مغترب حاليا إلى ما شاء الله
أصلا أنا مدرس في طب القاهرة و بقالي سنتين و نص في كندا ...... فيه مقولة لطيفة بيقولوها هنا عجباني جدا
One man's nightmare is another man's dream
بالعربي كابوس بني آدم هو حلم بني آدم أخر
يعني كلنا حنختلف في تقبلنا للتجربة....أي تجربة بما فيها الاغتراب .. فيه اللي حيقدر و فيه اللي مش حيقدر ....... علما بإن أسوأ من الاغتراب هو الغربة جوا بلدك
تعالوا نتفق على نقطة بديهية
" مافيش جنة في الارض كل مكان فيه مميزات و عيوب..... الشاطر اللي يستفيد من المميزات و يتجنب العيوب و ينجح في إختبار الحياة الدنيا سعيا للحياة الاعلى بإذن الله "
أنا لفيت دول كتير.... عربية زاي دبي و الاردن و ليبيا ......و اوروبية زاي فرنسا و ألمانيا و بلجيكا و تركيا .....و اسيوية زاي اليابان و هونج كونج و دلوقت كندا كل بلد أروحها أسأل نفسي ينفع أعيش هنا ولا لأ
من البلاد ديه دبي و كندا بس اللي ينفعولي لكن مش بالضرورة لأي حد تاني
و سواء ديه ولا ديه ما أقبلش اشتغل أي حاجة و السلام و عندي إستعداد أتعب شوية لأن مافيش نجاح بيجي من غير كد
المفضلات