السلام عليكم
رأي متواضع من واحد مجرب خد العربية المستعمل وخد اجراءات كافيه لفحصها و التأكد من حالتها وفي حالة ان العربية سليمة حتكون بأذن الله من عربيات كتيرة زيرو موجودة بالسوق المصري حاليا و يمكن اعلي من اللي انت ذكرتهم
حكاية ان الزيرو زيرو ده كان زمان لما كانت العربيات الزيرو بيتعمل فيها اجراءات كفيله بجعلها عربية سليمة لا يوجد بها عيوب صناعة لكن الآن ومع جشع التوكيلات و رغبتهم في زيادة مكاسبهم و مع ارتفاع الخامات و الاسعار بيتم التنازل عن الجودة في مقابل تعظيم الربح و اكبر دليل ممكن حضرتك تسأل واحد كان معاه الدايو لانوس القديم حتي 2004 و بين الشيفروليه لانوس الجديد وحتعرف اد ايه الخامات و جودة التقفيل اختلفت جذربا فالكماليات اصبحت صيني و الموتور اصبح فيتنامي و ليس كوري ومن هنا و بكل ثقة اقدر اقولك المستعمل افضل بكتير من اغلب الزيرو اللي موجود بالسوق حاليا
علي سبيل المثال انا كان امامي اوكتافيا a4 مو 2005 اوتو ب 85000 حالة ممتازة بنفس سعر الاوبترا زيرو 2010 مانيوال فضلت الزيرو و سمعت كلام الناس و انا حاليا بعض اصابع الندم اني مشتريتش الاوكتافيا برقبتها و لكن قدر الله وما شاء فعل
النصيحة اكشف علي المستعمل كويس وصلي الاستخارة و توكل علي الله