أسئلة عن البيجو 405 Roa لمالكيها أو لذوي الخبرة تنفع تكون عربية لبنت؟؟ ولا تقيلة أوي؟

**TAREK ZIAD** · 08-03-2008 07:57 PM

لا أنصحك بالروا .... أخى إشتراها بعد ما كان طالع بها السما .... و باعها فورا بعد شهرين.... لازم تجربى العربية الأول مهما كانت قبل الشراء و سواقتها لأن دة أهم من الشكل فقط .... وبكدة يكون عن إقتناع....
تحياتى
م/طارق زياد
سبرانزا A620

**fahd_628** · 08-03-2008 08:20 PM

شكرا جزيلا على الرد،،، ياريت بس تديني معلومات أكتر عن الجيتز،،،يعني مميزاتها وسعرها والاوتوماتيك بتاعها،،،

الجيتز 1600 سى سى عربية جميلة جدا بتشد بطريقة رهيبة لأن محركها كبير على حجمها و مميزاتها انها تقفيل كورى بالكامل و واخدة تقييمات حلوة فى المواقع و واخدة 4 نجوم فى اختبارات الأمان و لكن فى مصر مفيهاش ايرباج خالص :( و محبوبة فى الخارج و محركها هوة هوة محرك الفيرنا والماتريكس و الألنترا 2006 و الكوبية يعنى مفيش قلق منة خالص و العربية عالية عن الأرض و شكلها حلو و تنفع اوى لبنت و سهلة الركن و القيادة و على فكرة واسعة جدا جدا من الداخل

عيوبها ان سعر اعادة بيعها مش اوى و مش بتتباع بسرعة بس بتتباع طبعا و قطع الغيار مش متوفرة خارج التوكيل

اتمنى اكون افدتك و دية شوية صور ليها

سعرها اوتوماتيك 78 الف و تزيد 2000 او 3000 مش فاكر بالظبط لفتحة السقف