معروض عليا عربيه مالهاش رخص ولا أى حاجة تثبت إنها عربيه إلا مفاتيح أعمل أية !!؟

**amr100** · 14-07-2010 11:25 PM

حرامي حرامي حرامي

**Mzeid** · 15-07-2010 04:18 AM

بلغ عنه على طول من غير تردد
علشان اكيد هيلبسها لحد بعدك

**Medo007** · 15-07-2010 04:46 AM

فلم هندي
طب مين في الدنيا
هيسمع كلامه ويشتريها ويحطلها اي نمر
كويس انك خدته على قد عقله وهربت منه

**Hegazio** · 15-07-2010 12:55 PM

لقطة العربية دي .. ممكن تمشي بيها في المناطق النائية لوز

**AMA** · 16-07-2010 02:24 AM

المشاركة الأصلية كتبت بواسطة د.محمود صلاح

في الموتوسيكلات الموضوع ده ماشي زي الحلاوة لأنهم بيبقوا في الغال مسروقين

أة ماهو الموتوسيكل سهل جدا يتسرق على عربيه نص نقل برضة

المشاركة الأصلية كتبت بواسطة newhansol

هههههههههههه
كويس انك نفدت بجلدك
دى اكيد مسروقة مية فى المية وبعدين حط نمر اية وامشى بيها هوة فاكرنا هنود ولا اية

دا انا كان قلبى فى الجزمة ساعتها والحمد لله أن البنطلون مبقاش مبلول من طريقة كلامه عايز أقول لحضرتك أننا حسيت أن الجو سخن و ساقعة فى وقت واحد من طريقة كلامه دا انا الحمد لله انى عرفت أرد عليه

المشاركة الأصلية كتبت بواسطة mr_sameh

اكيد مسروقه 100 %

دا من غير شك طبعا دا طريقة كلامه تدل أنه ممكن يسرق بنى أدمين مش عربيات بس

المشاركة الأصلية كتبت بواسطة eng.m mahran

الحل الوحيد ليها انها تتباع قطع غيار و كده ممكن تجيبله الاربعة باكو

ماهو فعلا فيه قطع غيار بتنزل تحت أسم مستورد و بتكون عربيات مسروقة برضة و أنا أستغربت لما قالى أربعه باكو هههههههههه قولت دا مجنون لأن شكل العربيه بيلمع و تحس إنها جديدة لانج رغم موديلها القديم

المشاركة الأصلية كتبت بواسطة seiffoz

بلغ عنه الشرطة

على فكرة أنا روحت أبلغ عنه أنا و واحد تانى من صحابى و فى بوابة القسم عسكرى قالى داخل فين قولتله داخل أبلغ عن حرامى عربيات راح قالى خش طوالى هتلاقى مكتب خبط و أدخل خبطت و دخلت لقيت أمين شرطة حلو كدة قاعد بيقولى ها خلصنا قول جاى فأية قولتله لأ أنا جاى أبلغ عن واحد شاكك فى أنه حرامى عربيات قالى و الأبتسامه ماليه شفايفة و بعدين قولتله كان عايز يبيعلى عربيه من غير نمر و بيقولى بأربعة باكو و طريقته باينه إنه حرامى و حكيتله على نص الحكايه كدة قالى طيب يا بابا لما تشوفة بيسرق أدامك عربيه خدنى معاك و خلينى أتفرج عليه بيسرقهم أزاى و أتفضل عشان مشغول و أقفل الباب وراك و طبعا طريقة كلامه كأنى جاى مقبوض عليا فى مخدرات أو قاتل واحد فصرفت نظر عن الموضوع دة لأنى كنت هتبهدل و أنا بعمل خير فى الناس

المشاركة الأصلية كتبت بواسطة mahmoudysf

ممكن تكون العربية جاية من لبيبا لان كان فية حلات زي كدة
او نازلة تربتك وصاحبها مرجعهاش تاني
الحرامية بيعرفو يصرفو الحاجات دى فين

دا بجد ولاد الحرام مخلوش لولاد الحلال حاجة نهائى و مستغرب لحد دلوقتى أزاى دا سرق عربيه الموديل دة و سرق عربيه من أصله أزاى يعنى هيشيلها أزاى طيب الموتوسيكل ممكن تلاتة ولا أتنين يرفعوه على عربيه نص نقل لكن دى عربيه يا جدعان عربيـــــــــــــــه

المشاركة الأصلية كتبت بواسطة mikology

http://billdetucci.com/images/pontiac_fiero_1.jpg

هى دى ؟؟

اكيد يبقى حرامى

هيا دى بالظبط و أكيد حرامى برضة

المشاركة الأصلية كتبت بواسطة mohamed.raafat

ابعد عن الحاجات دي احسن
الباب اللى يجيلك منه الريح سده و استريح

قال من غير نمر

دا مكانش ريح دا كان عاصفه

المشاركة الأصلية كتبت بواسطة cairo2005

طبعا حرامي
وبعدين سيفوز كل مشاركة ليك بتعرفني معلومة عنك
معلومة النهاردة انك خيالي
يبلغ مين ؟؟؟؟؟؟؟؟؟
الشرطة
ده انا بلغت النجدة عن حادثة بعد اكتر من ساعتين مجاتش لغاية ما اتصلت اخر مرة سبيت لهم وقفلت السكة في وشهم واستغنيت عنهم

أنا لما روحت عاملونى على أساس أننا مجرم أو جاى فى قضية دا لدرجة أن أمين الشرطة قاعد بيقولى ها جاى فأية و أتعاملت زى الزفت من أول الباب لحد ماطلعت دا أنا قولت الحمد لله أننا طلعت من القسم لحسن كانوا يلبسونى تهمه وفى الأخر خالص برضة محصلش حاجة

المشاركة الأصلية كتبت بواسطة amr100

حرامي حرامي حرامي

ماهو مفيش حاجة تانيه غير حرامى بصراحه و أمين الشرطة حسسنى أننا بحكيله على فيلم و كان مبتسم

المشاركة الأصلية كتبت بواسطة mzeid

بلغ عنه على طول من غير تردد
علشان اكيد هيلبسها لحد بعدك

مانا روحت أبلغ عنه يا باشمهندس عاملونى فى القسم على أساس أننا مجرم وحتى أمين الشرطة مكلفش خطرة و عمل محضر ولا أى حاجة و كأنى رايح أتسلى أو بحكيله فيلم و طلعت بحمد ربنا أننا طلعت من القسم

المشاركة الأصلية كتبت بواسطة medo007

فلم هندي
طب مين في الدنيا
هيسمع كلامه ويشتريها ويحطلها اي نمر
كويس انك خدته على قد عقله وهربت منه

دا أنا إلى كنت خايف منه لحسن يموتنا عشان مدنالوش فلوس أو يموتنا عشان منبلغش عنه و الحمد لله أننا قولتله إن شاء الله هجيلك و الكلام دة دا أنا لو كنت نطقت كلمة العربيه دى مسروقة كنا هندبح مكانا

المشاركة الأصلية كتبت بواسطة hegazio

لقطة العربية دي .. ممكن تمشي بيها في المناطق النائية لوز

بس مين يرضى على نفسه يركب عربية مسروقة مهما كان مفيش حتى مرور أو حكومة تعاقبك على المشى من غير نمر

المشاركة الأصلية كتبت بواسطة kisho55555

انا قبل كدا شوفت عربية مرسيدس s600 amg طبعا العربيية متبهدلة و متعفرة وفيها كل حاجة بس المشكلة فى اصالون فااااااااااااااااضى ..

المهم قولت اسال عليها لقيت انها ملهاش اى ورق ويوم ماتيجى ترخص تشوف حد بواسطة عشان يعرف يضرب لك رقم شاسيه ... المهم خلاصة الموضوع ابعد عن اى عربية من غير ورق لانك مهما عملت ممكن تتمسك بعد حتى 20 سنة ...

دى كانت ولا نمر ولا أرقام ولا أى حاجة فى الدنيا دى و كمان موديل مش موجود فى مصر أصلا يعنى أى ظابط مرور أو أمين شرطة لازم لازم لازم يشوف الرخص و طبعا الواحد برضة ميرضاش أنه يركب حاجة مسروقة أو متاكل فيها حق ناس تانيه و الحمد لله أننا بعدت عنه سليم

**kisho55555** · 16-07-2010 05:23 AM

ووفى موديلا تانية بشوفها واتعرضت عليا منهم m5 وكمان باسات 3200 و عينك طبعا تتهبدل عليها ...

يعنى المرسيدس دى كانت الكاوتش بتاعها لوحده يجنن 285/35/20 ... تخيل انت بقى الباقى ..

**Eng_Mostafa_89** · 16-07-2010 12:49 PM

المشاركة الأصلية كتبت بواسطة ama

على فكرة أنا روحت أبلغ عنه أنا و واحد تانى من صحابى و فى بوابة القسم عسكرى قالى داخل فين قولتله داخل أبلغ عن حرامى عربيات راح قالى خش طوالى هتلاقى مكتب خبط و أدخل خبطت و دخلت لقيت أمين شرطة حلو كدة قاعد بيقولى ها خلصنا قول جاى فأية قولتله لأ أنا جاى أبلغ عن واحد شاكك فى أنه حرامى عربيات قالى و الأبتسامه ماليه شفايفة و بعدين قولتله كان عايز يبيعلى عربيه من غير نمر و بيقولى بأربعة باكو و طريقته باينه إنه حرامى و حكيتله على نص الحكايه كدة قالى طيب يا بابا لما تشوفة بيسرق أدامك عربيه خدنى معاك و خلينى أتفرج عليه بيسرقهم أزاى و أتفضل عشان مشغول و أقفل الباب وراك و طبعا طريقة كلامه كأنى جاى مقبوض عليا فى مخدرات أو قاتل واحد فصرفت نظر عن الموضوع دة لأنى كنت هتبهدل و أنا بعمل خير فى الناس

طبعا العربية مسروقة 100%

وامين الشرطة دة ممكن تعمل فية شكوة فى وزارة الداخلية

**kisho55555** · 16-07-2010 02:01 PM

على فكرة أنا روحت أبلغ عنه أنا و واحد تانى من صحابى و فى بوابة القسم عسكرى قالى داخل فين قولتله داخل أبلغ عن حرامى عربيات راح قالى خش طوالى هتلاقى مكتب خبط و أدخل خبطت و دخلت لقيت أمين شرطة حلو كدة قاعد بيقولى ها خلصنا قول جاى فأية قولتله لأ أنا جاى أبلغ عن واحد شاكك فى أنه حرامى عربيات قالى و الأبتسامه ماليه شفايفة و بعدين قولتله كان عايز يبيعلى عربيه من غير نمر و بيقولى بأربعة باكو و طريقته باينه إنه حرامى و حكيتله على نص الحكايه كدة قالى طيب يا بابا لما تشوفة بيسرق أدامك عربيه خدنى معاك و خلينى أتفرج عليه بيسرقهم أزاى و أتفضل عشان مشغول و أقفل الباب وراك و طبعا طريقة كلامه كأنى جاى مقبوض عليا فى مخدرات أو قاتل واحد فصرفت نظر عن الموضوع دة لأنى كنت هتبهدل و أنا بعمل خير فى الناس

لا حول ولا قوة الا بالله ...

**AMA** · 16-07-2010 04:09 PM

المشاركة الأصلية كتبت بواسطة kisho55555

ووفى موديلا تانية بشوفها واتعرضت عليا منهم m5 وكمان باسات 3200 و عينك طبعا تتهبدل عليها ...

يعنى المرسيدس دى كانت الكاوتش بتاعها لوحده يجنن 285/35/20 ... تخيل انت بقى الباقى ..

أة و إلى يجن أن أكيد سعرها هيبقى بسعر فزبه ولا بتمن فرد الكاوتش بس أصلا بس مين يرضى على نفسه يركب عربيه مسروقة دا يبقى كدة بيشجع الحرامى أنه يسرق تانى و تالت و مليون مرة و كمان حرام جدا دا غير أن الواحد لما هيتأفش من ظابط مرور أو أمين شرطة هيتنفخ لحد مايبانله صحاب

المشاركة الأصلية كتبت بواسطة eng_mostafa_89

طبعا العربية مسروقة 100%

وامين الشرطة دة ممكن تعمل فية شكوة فى وزارة الداخلية

بقول لحضرتك دخلت القسم إلى كنت فاكر أن الظباط و أمناء الشرطة إلى فيه بيحمونا و مننا وفينا زى مابيقولوا عشان أعمل محضر بالى شوفته أمين الشرطة أتنطط عليا وبعد كدة بقى مبتسم و أنا بحكيله كأنى بحكيله على مسلسل الدالى و كان شوية شوية هيقوم يضربنى يبقى تقولى أقدم شكوى فى وزارة الخارجيه ؟؟ دا عشان يحصلى زى ماحصل لخالد محمد سعيد بقى ساعتها و يتقال عليا تاجر مخدرات و هربان من الجيش و يطلع فيا كل القطط الفطسانه

المشاركة الأصلية كتبت بواسطة kisho55555

لا حول ولا قوة الا بالله ...

للأسف دا موقف الحكومه من أى حاجة صح و دا كل مانساه يحصل موقف يقولى أصحى يا مغفل أنت فى مصر

-

الموضوع: معروض عليا عربيه مالهاش رخص ولا أى حاجة تثبت إنها عربيه إلا مفاتيح أعمل أية !!؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

معروض عليا عربيه تويوتا شبه اللامبرجينى كدة و بسعر قليل جدا أعمل أية ؟

معروض عليا عربيه سينا 2004

عربيه سيراتو مالهاش صاحب

طلب مساعده معروض عليا عربيه 127

معروض عليا عربيه سيقيك من سيارات تخليص الجمرك فى بورسعيد

الكلمات الدلالية لهذا الموضوع

المفضلات

المفضلات

ضوابط المشاركة