معروض عليا عربيه مالهاش رخص ولا أى حاجة تثبت إنها عربيه إلا مفاتيح أعمل أية !!؟
http://img534.imageshack.us/img534/7060/basmala1.gif من كام يوم يا جماعة بما أنى مش بدخل على المنتدى بقالى حوالى كذا يوم و دخولى متقطع جدا قابلت واحد صاحبى قالى أنا شوفتلك عربيه حلوة و مش منتشرة و شيك أوى و سعرها إلى هتدفعه هتاخده بيها قولتله دا مين صاحبها المجنون دة :44: قالى دا واحد قالى كدة و أنا حبيت أقولك المهم أقنعنى جدا و صاحبى برضة مغفل لسه مش فاهم حاجة المهم أتصلنا بيه أية يا عم أنت فين أنا فى الحته الفلانيه المهم أخدنا بعض وروحناله لقيناه قاعد فى كافيتريا مستنينا لوحده بقوله أنا جاى لحضرتك بخصوص العربية و هيا العربيه دى أية لقيته راح مدينى ورقه بأسمها دا أول منظر غريب حصل ادامى قالى أسمها Pontiac Fiero و موديل 80 قولتلة و دى عامله أزاى دى قالى هوريهالك يا باشمهندس مستعجل على أية بس المهم قومنا وقعدنا نلف و نروح و نيجى فى شوارع و مرة واحدة دخلنا شارع كدة و لقينا العربيه ملفوفة بغطى كأنه مخبيها من عيون الناس و أذا بالصدمه أننا أشوف العربية و أبص ألاقى مفيش نمر قولتله أية دة أنت خالع النمر عشان لسه راششها ولا أية راح قالى لأ هيا من غير نمر أصلها جايه من بره قولتله من بره فين قالى من بلدها قولت فى عقل بالى ياض ماتهرب من هنا لحسن تتقتل المهم قولت هوا انا جبان ولا أية ماتثبت ياض و خلى قلبك جامد قولتله طيب يا ريس و المخالفات بتاعتها قالى كل حاجة على بياااااااض قولتله طيب كويس مفيش مخالفات يعنى قالى ولا ورق حتى قولتلة بسم الله ماشاء الله ورق أية إلى حضرتك بتتكلم عنه قالى مانت هتشتريها كدة من غير ورق تدفع و تدخل تسوق و تمشى قولتله من غير ورق أزاى يعنى برضة مش فاهم قالى يعنى ولا عقد بيع ولا حاجة و كمان أنت مزودها ليه يا عم هوا حد بيدقق فى موضوع العقود و النمر ماتركب أى نمره تلاقيها مناسبه ليك فخوفت أقولة دى مسروقة لحسن يقتلنى فيها فبقولة يعنى هيا جايه من غير ورق قالى أة مستوردة من بلدها قولتله أة طيب أنت طالب فيها كام قالى إلى تدفعة حتى لو أربعه باكو (لاحظوا الكلمة حتى لو أربعة باكوا مش أربع بواكى) المهم قولتله طيب أزاى دى تستاهل أكتر من كدة بكتير أوى دا أنت بترميها مش بتبيعها بقى قالى يا عم أنا بضحى بيها أصل كمان فتره هيجيلى عربيه برضة من بره زيها قولتله أة ربنا يزيدك روحت قولتله طيب حضرتك خد رقم تليفونى و أنا معايا رقم تليفون حضرتك هبقى أتصل بيك المهم أديته رقمى غلط أساسا و قولتله فرصة سعيده إن شاء الله و أكيد هاخدها منك راح قالى تنور يا هندسه طبعا أحنا طالعين نجرى أنا و صاحبى من المنطقة دى و يومها أتعاركت مع صاحبى دة فأنا مش عارف يا أخوانا فى الوضع دة الواحد كان يعمل أية غير أنه يطلع منها حى لحسن لو كان كشف أمرى أننا عرفت أنه سارقها كان ممكن يموتنى مكانى ولا أنتوا شايفين أيه أصل ده مش تاجر دا باين أوى من طريقة كلامه أنه حرامى 100% و هل حد فيكم وقع فى موضوع زى دة أو أشترى عربيه كانت مسروقة قبل كدة أو حد حرامى كلمه بالطريقة دى قبل كدة ؟