اقتباس المشاركة الأصلية كتبت بواسطة د.محمود صلاح مشاهدة المشاركة
في الموتوسيكلات الموضوع ده ماشي زي الحلاوة لأنهم بيبقوا في الغال مسروقين
أة ماهو الموتوسيكل سهل جدا يتسرق على عربيه نص نقل برضة
اقتباس المشاركة الأصلية كتبت بواسطة newhansol مشاهدة المشاركة
هههههههههههه
كويس انك نفدت بجلدك
دى اكيد مسروقة مية فى المية وبعدين حط نمر اية وامشى بيها هوة فاكرنا هنود ولا اية
دا انا كان قلبى فى الجزمة ساعتها والحمد لله أن البنطلون مبقاش مبلول من طريقة كلامه عايز أقول لحضرتك أننا حسيت أن الجو سخن و ساقعة فى وقت واحد من طريقة كلامه دا انا الحمد لله انى عرفت أرد عليه
اقتباس المشاركة الأصلية كتبت بواسطة mr_sameh مشاهدة المشاركة
اكيد مسروقه 100 %
دا من غير شك طبعا دا طريقة كلامه تدل أنه ممكن يسرق بنى أدمين مش عربيات بس
اقتباس المشاركة الأصلية كتبت بواسطة eng.m mahran مشاهدة المشاركة
الحل الوحيد ليها انها تتباع قطع غيار و كده ممكن تجيبله الاربعة باكو
ماهو فعلا فيه قطع غيار بتنزل تحت أسم مستورد و بتكون عربيات مسروقة برضة و أنا أستغربت لما قالى أربعه باكو هههههههههه قولت دا مجنون لأن شكل العربيه بيلمع و تحس إنها جديدة لانج رغم موديلها القديم
اقتباس المشاركة الأصلية كتبت بواسطة seiffoz مشاهدة المشاركة
بلغ عنه الشرطة
على فكرة أنا روحت أبلغ عنه أنا و واحد تانى من صحابى و فى بوابة القسم عسكرى قالى داخل فين قولتله داخل أبلغ عن حرامى عربيات راح قالى خش طوالى هتلاقى مكتب خبط و أدخل خبطت و دخلت لقيت أمين شرطة حلو كدة قاعد بيقولى ها خلصنا قول جاى فأية قولتله لأ أنا جاى أبلغ عن واحد شاكك فى أنه حرامى عربيات قالى و الأبتسامه ماليه شفايفة و بعدين قولتله كان عايز يبيعلى عربيه من غير نمر و بيقولى بأربعة باكو و طريقته باينه إنه حرامى و حكيتله على نص الحكايه كدة قالى طيب يا بابا لما تشوفة بيسرق أدامك عربيه خدنى معاك و خلينى أتفرج عليه بيسرقهم أزاى و أتفضل عشان مشغول و أقفل الباب وراك و طبعا طريقة كلامه كأنى جاى مقبوض عليا فى مخدرات أو قاتل واحد فصرفت نظر عن الموضوع دة لأنى كنت هتبهدل و أنا بعمل خير فى الناس
اقتباس المشاركة الأصلية كتبت بواسطة mahmoudysf مشاهدة المشاركة
ممكن تكون العربية جاية من لبيبا لان كان فية حلات زي كدة
او نازلة تربتك وصاحبها مرجعهاش تاني
الحرامية بيعرفو يصرفو الحاجات دى فين
دا بجد ولاد الحرام مخلوش لولاد الحلال حاجة نهائى و مستغرب لحد دلوقتى أزاى دا سرق عربيه الموديل دة و سرق عربيه من أصله أزاى يعنى هيشيلها أزاى طيب الموتوسيكل ممكن تلاتة ولا أتنين يرفعوه على عربيه نص نقل لكن دى عربيه يا جدعان عربيـــــــــــــــه
اقتباس المشاركة الأصلية كتبت بواسطة mikology مشاهدة المشاركة
http://billdetucci.com/images/pontiac_fiero_1.jpg

هى دى ؟؟

اكيد يبقى حرامى
هيا دى بالظبط و أكيد حرامى برضة
اقتباس المشاركة الأصلية كتبت بواسطة mohamed.raafat مشاهدة المشاركة
ابعد عن الحاجات دي احسن
الباب اللى يجيلك منه الريح سده و استريح

قال من غير نمر
دا مكانش ريح دا كان عاصفه
اقتباس المشاركة الأصلية كتبت بواسطة cairo2005 مشاهدة المشاركة
طبعا حرامي
وبعدين سيفوز كل مشاركة ليك بتعرفني معلومة عنك
معلومة النهاردة انك خيالي
يبلغ مين ؟؟؟؟؟؟؟؟؟
الشرطة
ده انا بلغت النجدة عن حادثة بعد اكتر من ساعتين مجاتش لغاية ما اتصلت اخر مرة سبيت لهم وقفلت السكة في وشهم واستغنيت عنهم
أنا لما روحت عاملونى على أساس أننا مجرم أو جاى فى قضية دا لدرجة أن أمين الشرطة قاعد بيقولى ها جاى فأية و أتعاملت زى الزفت من أول الباب لحد ماطلعت دا أنا قولت الحمد لله أننا طلعت من القسم لحسن كانوا يلبسونى تهمه وفى الأخر خالص برضة محصلش حاجة
اقتباس المشاركة الأصلية كتبت بواسطة amr100 مشاهدة المشاركة
حرامي حرامي حرامي
ماهو مفيش حاجة تانيه غير حرامى بصراحه و أمين الشرطة حسسنى أننا بحكيله على فيلم و كان مبتسم
اقتباس المشاركة الأصلية كتبت بواسطة mzeid مشاهدة المشاركة
بلغ عنه على طول من غير تردد
علشان اكيد هيلبسها لحد بعدك
مانا روحت أبلغ عنه يا باشمهندس عاملونى فى القسم على أساس أننا مجرم وحتى أمين الشرطة مكلفش خطرة و عمل محضر ولا أى حاجة و كأنى رايح أتسلى أو بحكيله فيلم و طلعت بحمد ربنا أننا طلعت من القسم
اقتباس المشاركة الأصلية كتبت بواسطة medo007 مشاهدة المشاركة
فلم هندي
طب مين في الدنيا
هيسمع كلامه ويشتريها ويحطلها اي نمر
كويس انك خدته على قد عقله وهربت منه
دا أنا إلى كنت خايف منه لحسن يموتنا عشان مدنالوش فلوس أو يموتنا عشان منبلغش عنه و الحمد لله أننا قولتله إن شاء الله هجيلك و الكلام دة دا أنا لو كنت نطقت كلمة العربيه دى مسروقة كنا هندبح مكانا
اقتباس المشاركة الأصلية كتبت بواسطة hegazio مشاهدة المشاركة
لقطة العربية دي .. ممكن تمشي بيها في المناطق النائية لوز
بس مين يرضى على نفسه يركب عربية مسروقة مهما كان مفيش حتى مرور أو حكومة تعاقبك على المشى من غير نمر
اقتباس المشاركة الأصلية كتبت بواسطة kisho55555 مشاهدة المشاركة
انا قبل كدا شوفت عربية مرسيدس s600 amg طبعا العربيية متبهدلة و متعفرة وفيها كل حاجة بس المشكلة فى اصالون فااااااااااااااااضى ..

المهم قولت اسال عليها لقيت انها ملهاش اى ورق ويوم ماتيجى ترخص تشوف حد بواسطة عشان يعرف يضرب لك رقم شاسيه ... المهم خلاصة الموضوع ابعد عن اى عربية من غير ورق لانك مهما عملت ممكن تتمسك بعد حتى 20 سنة ...

دى كانت ولا نمر ولا أرقام ولا أى حاجة فى الدنيا دى و كمان موديل مش موجود فى مصر أصلا يعنى أى ظابط مرور أو أمين شرطة لازم لازم لازم يشوف الرخص و طبعا الواحد برضة ميرضاش أنه يركب حاجة مسروقة أو متاكل فيها حق ناس تانيه و الحمد لله أننا بعدت عنه سليم