أة ماهو الموتوسيكل سهل جدا يتسرق على عربيه نص نقل برضة
دا انا كان قلبى فى الجزمة ساعتها والحمد لله أن البنطلون مبقاش مبلول من طريقة كلامه عايز أقول لحضرتك أننا حسيت أن الجو سخن و ساقعة فى وقت واحد من طريقة كلامه دا انا الحمد لله انى عرفت أرد عليه
دا من غير شك طبعا دا طريقة كلامه تدل أنه ممكن يسرق بنى أدمين مش عربيات بس
ماهو فعلا فيه قطع غيار بتنزل تحت أسم مستورد و بتكون عربيات مسروقة برضة و أنا أستغربت لما قالى أربعه باكو هههههههههه قولت دا مجنون لأن شكل العربيه بيلمع و تحس إنها جديدة لانج رغم موديلها القديم
على فكرة أنا روحت أبلغ عنه أنا و واحد تانى من صحابى و فى بوابة القسم عسكرى قالى داخل فين قولتله داخل أبلغ عن حرامى عربيات راح قالى خش طوالى هتلاقى مكتب خبط و أدخل خبطت و دخلت لقيت أمين شرطة حلو كدة قاعد بيقولى ها خلصنا قول جاى فأية قولتله لأ أنا جاى أبلغ عن واحد شاكك فى أنه حرامى عربيات قالى و الأبتسامه ماليه شفايفة و بعدين قولتله كان عايز يبيعلى عربيه من غير نمر و بيقولى بأربعة باكو و طريقته باينه إنه حرامى و حكيتله على نص الحكايه كدة قالى طيب يا بابا لما تشوفة بيسرق أدامك عربيه خدنى معاك و خلينى أتفرج عليه بيسرقهم أزاى و أتفضل عشان مشغول و أقفل الباب وراك و طبعا طريقة كلامه كأنى جاى مقبوض عليا فى مخدرات أو قاتل واحد فصرفت نظر عن الموضوع دة لأنى كنت هتبهدل و أنا بعمل خير فى الناس
دا بجد ولاد الحرام مخلوش لولاد الحلال حاجة نهائى و مستغرب لحد دلوقتى أزاى دا سرق عربيه الموديل دة و سرق عربيه من أصله أزاى يعنى هيشيلها أزاى طيب الموتوسيكل ممكن تلاتة ولا أتنين يرفعوه على عربيه نص نقل لكن دى عربيه يا جدعان عربيـــــــــــــــه
هيا دى بالظبط و أكيد حرامى برضة
دا مكانش ريح دا كان عاصفه
أنا لما روحت عاملونى على أساس أننا مجرم أو جاى فى قضية دا لدرجة أن أمين الشرطة قاعد بيقولى ها جاى فأية و أتعاملت زى الزفت من أول الباب لحد ماطلعت دا أنا قولت الحمد لله أننا طلعت من القسم لحسن كانوا يلبسونى تهمه وفى الأخر خالص برضة محصلش حاجة
ماهو مفيش حاجة تانيه غير حرامى بصراحه و أمين الشرطة حسسنى أننا بحكيله على فيلم و كان مبتسم
مانا روحت أبلغ عنه يا باشمهندس عاملونى فى القسم على أساس أننا مجرم وحتى أمين الشرطة مكلفش خطرة و عمل محضر ولا أى حاجة و كأنى رايح أتسلى أو بحكيله فيلم و طلعت بحمد ربنا أننا طلعت من القسم
دا أنا إلى كنت خايف منه لحسن يموتنا عشان مدنالوش فلوس أو يموتنا عشان منبلغش عنه و الحمد لله أننا قولتله إن شاء الله هجيلك و الكلام دة دا أنا لو كنت نطقت كلمة العربيه دى مسروقة كنا هندبح مكانا
بس مين يرضى على نفسه يركب عربية مسروقة مهما كان مفيش حتى مرور أو حكومة تعاقبك على المشى من غير نمر
دى كانت ولا نمر ولا أرقام ولا أى حاجة فى الدنيا دى و كمان موديل مش موجود فى مصر أصلا يعنى أى ظابط مرور أو أمين شرطة لازم لازم لازم يشوف الرخص و طبعا الواحد برضة ميرضاش أنه يركب حاجة مسروقة أو متاكل فيها حق ناس تانيه و الحمد لله أننا بعدت عنه سليم
المفضلات