حد يفتكر الف ليلة و ليلة بتاعة شريهان
و حكاية التلات اخوات حليمة و كريمة و التالتة مش فاكر اسمها بالظبط
او الحصان اللى اشتراة الملك و كان بيطير فوق مملكتة
عرض للطباعة
حد يفتكر الف ليلة و ليلة بتاعة شريهان
و حكاية التلات اخوات حليمة و كريمة و التالتة مش فاكر اسمها بالظبط
او الحصان اللى اشتراة الملك و كان بيطير فوق مملكتة
احنا جيل عاش تطورات رهيبة .........
عشنا بدايات 4 احاث كبرى كل واحده منهم كفيلة بتغيير العالم واحنا عشنا الاربعة مع بعض
عصر الكمبيوتر والانترنت والفضائيات والمحمول
وسياسيا عشنا عصر اكبر تحولات ايضا
حرب الخليج الاولى
الهجوم الارهابي على مركز التجارة العالمي وما رافقه من تحولات كبرى في خريطة المنطقة
حرب افغانستان
حرب العراق
بصراحة احنا جيل لازم يحس انه كبر وعجز من كثر اللي شافه
حد يفتكر حاجه تانية انا مذكرتهاش
فكرتنى بموضوع برجى التجارة العالمى ده
كنا يومها فى جنينة الحيوانات ورجعنا عقبال املتك كان عندنا دش ففتحت قناة الجزيرة على الساعة خمسة كدة وهالنى مارايت
كنا شايفينهم وهما بيقعوا لايف ومش مصدقين اللى بيحصل
وبعدين كلمت اللى اعرفهم اقولهم افتكرونى باهزر او عبيطة الله الم بالنفوس
وماصدقوش الا لما التلفزيون المصرى ذاع الخبر
ايام لاتنسى فى التاريخ.....
انا كنت في العريش وطول ما انا ماشي في الشارع شايف القهاوي والمحلات جايبة برج بيولع مباشر على الجزيرة من cnn
وفيه ايه يا جدعان بيقولوا طيارة خبطت في البرج وكنت مستغرب وايه يعني هو ده مستاهل كل اللي الناس عاملاه ومركزين اوي
لما رجعت الوحده الصحية (وكنت فيها دش كنت مركبه) فتحت على الجزيرة لقيت البرجين وقعوا
هوبا . ده الموضوع خطير وفضلت سهران طول الليل اتابع
ياه فين ايام الوحده الصحية كانت اجمل ايام ..... كنت بس بأقول للست بياعة السمك عايز اتغدى سمك تبعتلي السمك البوري المشوي مع ابنها لغاية عندي كانت بتحشية ثوم وبصل وطماطم وتخلي طعمه تحفه
طب فاكرين أحداث الزلزال؟؟
نسيت اغتيال السادات
و زلزال التسعينيات فى مصر
و الفترة الارهابية و التفجيرات فى الحسين و الهجوم على السياح فى الاقصر
و ازمات الطائرات المصرية الشهيرة بين المخطوفة واللى سقطت فى امريكا
و مباراة الطوبة الشهيرة اللى خرجتنا من كاس العالم
و العالم الجليل الشيخ الشعراوى وتألقة فى تلك الفترة
الزلزال الاول : 12 اكتوبر 1992 كنت فى الكلية و بادى السنة بلطجة و محضرتش ولا محاضرة من اول السنة و كنت قبلها مع واحد صاحبى بنشوف متش مصر و انجولا و قلتله حابتدى احضر من بكره و ساعتها مروحين لقينا ستات بقمصان نوم واقفين فى الشارع و طبعا ماحسناش بالزلزالل اننا كنا فى الشارع
الزلزال التانى : 23 نوفمبر 1995 : كنت فى معهد المهندسين فى الهرم وكنت يومها حالعق النجمة التانية و نازل الصبح حسيت انى عايز انام و مدروخ شويه لما وصلت التحرير من مصر الجديدة لقيت الناس فى الموقف بيتكلموا