ياااه، فكرتني باللذي مضي
بيتهيألي دي كانت في امتحان ثانوية عامة 97 أو 98
عرض للطباعة
اهو وزير التعليم اللى مش عاجبك ده دلوقتى عقبال ماتشوف اولادك بيربى الشعب كله
هما تقريبا لما لقوه ناجح قوى فى التعليم قالوا يطلقوه على البلد كلها
ايون فاكر كويس علشان كان قبل ماتشات كاس العالم 90 بسنتين تقريبا وامتحن فيه اخويا الاكبر منى
اما انا فكانت امتحاناتى فى نفس ايام كاس العالم
وطبعا علشان كنت متأكد من اننا مش هنعرف نروح كاس العالم تانى فكان صعب انى مشفش المتشات و تغور الثانوية العامة
و كده كده هنعيدها تانى وده فعلا اللى حصل
احسنت بس عالم البحار تقديم دكتور حامد جوهر عليه رحمة الله و ليس على جوهر و بالمناسبه ده كان صديق شخصي لهيروهيتو امبراطور اليابان كانوا زملاء دراسه الاثنين 8 شعبان 1431
انا يا جماعة مواليد 77 وعاصرت الفترة دى كانت جميلة جدا بس فى حجات اتنست زى
1 - برنامج ديسكو رالى كان بييجى على القناة التانية
2- بنامج ديسكو انفرنوس
3- الدوللى دوتس واغنية ليلا كوين اوف شيبا
4 - اغنية ستيريو
5 - التلفيزيون يبدأ بالقرآن الساعة 10 الصبح وبعدين يريح شوية وييجى تانى باليل ولو السهرة طولت لغاية واحدة بيبقى الواحد بيموت وهوقاعد وعاوز يلزق عنيه بسولتيب لفوق زى توم وجيرى
5- مسلل كوكو الخارق
6- مسلسل طمطم اتى طمطم اتى
برنامج تكنولوجيا لما كان بيشرح تركيب الرومان بلى ونكتشف ان اسمه رولمان بلى وان احنا مدحوك علينا لينا سنين
7 - التلاجات والغسلات مفيش غير ايديال وبالحجز
8 - فرقعة شريط فى السكة لمحمد فؤاد
9 - شوقنا اكتر شوقنا لعمرو دياب
وحجات تانية كتير زى الفراولة اللى كانت صغيرة قوى بالنسبة لحجم بتاعة اليومين دول وطعمها تحفة دلوقتى بقت اربع اضعاف الحجم وملهاش طعم وحتى موش بتبقع فى الهدوم
شيكولاته جيرسى واكلة الجاو هاهاها
بمبم بمبم بيقدم جوايز
اغنية سوزانا (معلش انا بميل للاجنبى فهاتلقوه معلق معايا)
لانسبة لعشاق انريكو اجلاسيوس معلش ياجماعه انتو مسمعتوش ابوه خوليو تحفة
فريق البونى ام واغنية او ماما
بنتين كدة موش فاكر اسمهم ليهم اغنية مشهورة اسمها اى كان بوجى
اغنية راسبوتين كانت بتحكى قصة حياته ومش عارف كانو بيجبوها ليه على التلفزيون المصرى
مسلسل نايت درايفر
ومسلسل ماك جايفر وكمان ايكواليزر ومسلسل ذا بولد اند ذا بيوتيفول وده لسه شغال على الدش بس تقريبا الحلقة السبعتلاف وحاجه وهتلاقى ريدج اتجوز امه وكل ماتقلب على القناه هتلاقيه باصص كده فى الهوا وفى ايده كاس الشماينيا اللى حاطط الخاتم فى قعره مستنى الحلوة تدخل علشان يدهولها هههههها ان شفت اللقطة ده لمده ست شهور وبعدين بطلت اشوف المسلسل
البونى ام واير سبلاى وجورج مايكل والابا ومياكل جاكسون ايام ماكان بلونه الطبيعى وجيمس لاست فى اخترنا لك وعمهم كلهم ديميس روسوس قبل مايخسس نفسه والست ساندرا ومادونا ياه ده احنا كنا بنسمع الكاسيت كتير قوى !
ورائعة سيدة الغناء الدولى سميرة سعيد الجانى بعد يومين
والغنوة دى تفكرنا طبعا بتتر مسلسل الف ليلة وليلة للنجم حسين فهمى ونجلاء فتحى ياسلام لما كان المخرج يستعين بالكوروما فى تركيب الصور واحنا مبهورين بالتكنولوجيا والله احنا كنا سذج قوى
يا جماعة سنة الحنطور هى سنة 1989 و هى السنة الوسطى لاحمد فتحى سرور فى وزارة التعليم
كنت السادس عالمدرسة و جايب 80 % و التانى عالجمهورية كان جايب 94 % و دخل معانا هندسة اسكندرية و هندسة سنتها اخدت من 68 %
كل سنة وانت طيب يا هانى عقبال ما تشوفها عروسة