كلامك كله صح يا باشا اذا كان عن زمان او دلوقتى
عرض للطباعة
أجمل تلاتة افتكرتهم يا دوللياقتباس:
5.إذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية - نادى السينما - أوسكار)
12.إذا كنت تمتلك مجموعة من روايات رجل المستحيل وملف المستقبل و المكتب رقم 19 و نوفا و أوسكار و فلاش و روايات الهلال للأولاد و البنات و الشياطين الـ 13 و الألغاز وتعتبرها قمة فى الأدب..وكنت تقوم باستبدالها من المكتبة بإعطائه العدد وربع جنيه لتحصل على عدد آخر.
16.إذا كان قمة الثقافة والعلم في رأيك أن تشاهد بانتظام حلقات برنامج د.مصطفى محمود (العلم والإيمان) و برنامج (عالم البحار) للدكتور على جوهر و برنامج تكنولوجيا و برنامج (نادى السينما ) لدرية شرف الدين و برنامج ليوسف شريف رزق الله .
ياااااااااااااااااااااااا ااااة
هوة انا لحقت اخر الكلام دة
لانى مواليد التمنينات
بجد كان زمان فى خير اوى اوى
فاكرين باكو الشيبسى اول ماظهر الاحمر وكان بطعم الملح بس
والجيلاتى ابو بريزة
وماما سامية ومسرح التليفيزيون والتليفيزين كان اخرة الساعة 11
وفيلم اسماعيل ياسين اللى قبل صلاة الجمعة
وبرنامج الشيخ الشعراوى
واجازة نص السنة واخر السنة اللى كنا بنستناها بفراغ الصبر
دلوقتى السنة كلها اجازة فرااااااااااااااااااااااا ااااااااااااااااااااااااا ااااااااااغ
فين البركة بتاعة زمان
لا.. كان بعد الصلاة بييجي برنامج مع النجوم يوم الجمعة
والعلم والايمان يوم الاتنين
واخترنا لك الاربع
وتاكسي السهرة الخميس
دنا فاكرة برنامج حياتي بتاع المشاكل دا..آه والله
والبيبسي لما كان بريال
ومجلة أين شلبي.. اللي كننا بنقعد ندور فيها علي شلبي
والشياطين ال 13
دا غير أدهم صبري وملف المستقبل.. اسكتوا بالحق مش محمود رجع؟؟؟.. اه والله وبقي رئيس المخابرات بعد مالريس كرمه
و فيه كمان :
1. شريط لولاكى لراعى الغنم على حميدة
2. كلام جرئ لمنى الحسينى
3. حميد الشاعرى و خروج عدد لا نهائى من المطربين من جلابابه
4. افلام الفيديو
5. البنطولات الباجى
6. البرنامج السمج الحل هو الحبل
7. زجاجات الاسباتس و بعدها السينالكو
8. سر شوبيس الذى لم يعرف حتى الان
9. علاء الحامولى و صرخته الشهيرة ... دى جون
و اخيرا ظهور الكينج منير
كانت ايام جميلة اوى مكنش الحال بايظ زى دلوقتى الحال بدا يهبط يهبط لحد ما بقينا تحت خالص وسبنا فوق كل حاجة حلوة من الضحك والاصحاب والاغانى الجميلة والذكريات الحلوة