الموضوع: هل تنتمى لجيل التمانينات

ههههههههههههههههههههههههه هههههههههههههههههههههه
اتلم المتعوس على خايب الرجا
جيل السبعينات كله هنا
هتضحكوا علينا جيل التمانينات والتسعينات

المشاركة الأصلية كتبت بواسطة aezzat

اخيرا حد افتكر الاسباتس ام دبانه و الثانوية العامة اللى بجد مش لعب العيال بتاع دلوقت
احنا على ايامنا وزير التعليم كان اسمه : احمق فقرى سقوط و كان نسبة النجاح 52% وواحد بس اللى عدى 95% فى مصر كلها

اكيد يا باشا ومين مشربهاش مننا كانت روعة

المشاركة الأصلية كتبت بواسطة aezzat

كان الكليب ده بيجيى يوم الجمعة مع ماما عفاف الهلاوى صح ولا الزهايمر شغال

صح يا باشا لما كانت ماما عفاف وماما نجوي بيتخانقوا مع بعض في التليفزيون وابلة فضيلة مستولية علي الراديو

المشاركة الأصلية كتبت بواسطة hany_mohamed

لا يا باشا دة كان سؤال فى امتحان اللغة الفرنسية بس اعتقد 87 او 88

ولا ليا فيه طول عمري بكره الفرنساوي وجبت فيه 23 على ما افتكر من 40 وجات بدعا الوالدين ومحدش يسئلني جبتها ازاي

المشاركة الأصلية كتبت بواسطة hany_mohamed

ايون فاكر كويس علشان كان قبل ماتشات كاس العالم 90 بسنتين تقريبا وامتحن فيه اخويا الاكبر منى
اما انا فكانت امتحاناتى فى نفس ايام كاس العالم
وطبعا علشان كنت متأكد من اننا مش هنعرف نروح كاس العالم تانى فكان صعب انى مشفش المتشات و تغور الثانوية العامة
و كده كده هنعيدها تانى وده فعلا اللى حصل

كدة انت صغير اوي يا هاني
ده كاس العالم ده كان وانا في تالتة كلية تقريبا

المشاركة الأصلية كتبت بواسطة mahmoud5777

انا يا جماعة مواليد 77 وعاصرت الفترة دى كانت جميلة جدا بس فى حجات اتنست زى
5 - التلفيزيون يبدأ بالقرآن الساعة 10 الصبح وبعدين يريح شوية وييجى تانى باليل ولو السهرة طولت لغاية واحدة بيبقى الواحد بيموت وهوقاعد وعاوز يلزق عنيه بسولتيب لفوق زى توم وجيرى
5- مسلل كوكو الخارق
ومسلسل ماك جايفر وكمان ايكواليزر ومسلسل ذا بولد اند ذا بيوتيفول وده لسه شغال على الدش بس تقريبا الحلقة السبعتلاف وحاجه وهتلاقى ريدج اتجوز امه وكل ماتقلب على القناه هتلاقيه باصص كده فى الهوا وفى ايده كاس الشماينيا اللى حاطط الخاتم فى قعره مستنى الحلوة تدخل علشان يدهولها هههههها ان شفت اللقطة ده لمده ست شهور وبعدين بطلت اشوف المسلسل

ايه ده انت صغير اوي يا محمود
اولا كان التليفزيون بيبدا القناة الخامسة اللى هي الاولي الساعة 11 والقناة التاسعة اللى هي التانية بتبدا الساعة 3 ما عدا يوم الاحد كانت بتبدا 11 بردو وكانت بتجيب فيلم عربي وكان فيه برنامج بتاع جمال الشاعر بتاع شباب واغاني تقريبا مش فاكر اسمه بالظبط وكان مفرقع جدا ساعتها
والمسلسل كان اسمه كوكي كاك كان بتاع ايمان الطوخي
اما الجرئ والجميلات ده فحكاية انا كرهته لله في لله من اول ما بدا يتذاع وكنت بفض عليه ساعتها فالكون كريست
شفت من فترة جدو ايدج وهو لسة بيحب مسخرة ضحكت بشكل مش طبيعي ده انا بيحب وانا لسة عيل وبيحب وانا مراهق وبيحب وانا متجوز وبيحب وانا وعيالي بنشوفه وحاسس انه هيفضل يحب علي روحه لغاية ما يموتني