ان شاء الله عاوز اشترى ساجا ... ساعدونى

**sleepyhammer** · 15-07-2010 03:01 PM

السلام عليكم يا اعضاء اجمل منتدى واكتر منتدى محترم باعضاءه

المهم انا بقالى فترة بفكر اشترى البروتون ساجا وكنت قرأت معظم تعليقات الاعضاء هنا عن العربية الجميلة والمحترمة دى

بس عاوز منكم الخلاصة عن العربية وعن كل ما يتعلق بيها من سعرها كام بضبط ولو فى مكان اقدر اجرب فيه العربية زى التوكيل مثلا او موزع او اي مكان.

لو فيه نصيب ان شاء الله وهشتريها هل فى حد ممكن يساعدنى فى الشراء والكشف عليها ساعة استلامها مع العلم انى من الاسكندرية

ولو فى خصم خاص بنايل موتورز اعمل ايه علشان استفيد بهذا الخصم وهل الخصم ده على سعر العربية ؟؟؟

وانا ان شاء الله هشتريها قسط

وايه احسن الاوتوماتيك ولا المانيول ؟؟ علشان انا اصلا عندى فيورا وخلاص بقى عاوز اغير

واسف على الاطالة وعلى بعدى عن المنتدى فترة طويلة نظرا لظروف شخصية و ضغط العمل.

والسلام ختام

**pedro732000** · 15-07-2010 03:22 PM

بالنسبة للخصم بيبقى 1000ج فمثلا المانيول فول اوبشن تعمل 65000 بعد الخصم 640000 "الخصم فى التوكيل بس فرع الصحراوى فقط "
بالنسبة للعربيات انا كنت هناك يوم 13 وسالت عليها وعرفت ان بعد اسبوع هاتبداء تتوفر
بالتوفيق
وانا فى الخدمة فى اى حاجة

**vsaga** · 15-07-2010 03:58 PM

نصيحة هاتها اتوماتيك لان السواقة فى مصر مانيوال بتجيب الشلل .. ومبروك عليك والعربية احسن عربية فى فئة من 65 ال 70 الف من حيت الشكل الخارجى والداخلى والاداء من وجه نظرى

**sleepyhammer** · 15-07-2010 05:05 PM

المشاركة الأصلية كتبت بواسطة pedro732000

بالنسبة للخصم بيبقى 1000ج فمثلا المانيول فول اوبشن تعمل 65000 بعد الخصم 640000 "الخصم فى التوكيل بس فرع الصحراوى فقط "
بالنسبة للعربيات انا كنت هناك يوم 13 وسالت عليها وعرفت ان بعد اسبوع هاتبداء تتوفر
بالتوفيق
وانا فى الخدمة فى اى حاجة

شكرا يا باشا

كنت عايز اسال على حاجة معلش ؟
هوه مفيش غير الوان الابيض والاسود والفضى والاحمر بس؟؟؟ مبينزلش السماوى مثلا؟؟
وفين فرع الصحراوى بضبط؟؟؟
وشكرا

**sleepyhammer** · 15-07-2010 05:13 PM

المشاركة الأصلية كتبت بواسطة vsaga

نصيحة هاتها اتوماتيك لان السواقة فى مصر مانيوال بتجيب الشلل .. ومبروك عليك والعربية احسن عربية فى فئة من 65 ال 70 الف من حيت الشكل الخارجى والداخلى والاداء من وجه نظرى

الله يبارك فيك وفعلا هيه عربية باين عليها كويسة ومناسبة فى الفئة السعرية دى
وهوه اكيد معاك حق الاتوماتيك احسن بس انا بحب المانيوال وعلى العموم حبقى اشوف بس كان نفسي اعرف هوه اى توكيل ممكن اروح اجرب العربية عنده ولا لازم اكون مأكد الشراء الاول ؟؟

ومتشكر ليك يا باشا

**sleepyhammer** · 15-07-2010 05:48 PM

طب ومفيش حل الخصم ده يبقى هنا فى اسكندرية؟:(((((

**sleepyhammer** · 15-07-2010 08:44 PM

ايه يا جماعة انا ضايقتكم ولا ايه ؟
محدش من اسكندرية طيب يقدر يساعدنى فى اختيارى

**vsaga** · 17-07-2010 04:00 PM

ياريس على فكرة لو دخلت وفصلت مع اى معرض وقولتله ان معاك واحد تانى هايشترى بس هايجيلك ادام شوية على مايستلم مثلا الفلوس من البنك هاينزلك ال 900 جنيه دول انا عملت كده مع المعرض اللى اشتريت منه ونزلى ال 900 مع انى كان نفسى اجبها من التوكيل مش عشان حاجة بس انا عامتا بحب اشترى الحاجة من توكيلها انما مش بتفرق وكمان مش بحب الانتظار لان التوكيل لازم تحجز وكده فلو تعرف معرض عندك فى اسكندرية انزل وفاصل معاه هاينزل ال 900 دول

**sleepyhammer** · 17-07-2010 07:03 PM

فكرة جامدة تسلم افكارك يا باشا

الموضوع: ان شاء الله عاوز اشترى ساجا ... ساعدونى

LinkBack

أدوات الموضوع

عرض

ان شاء الله عاوز اشترى ساجا ... ساعدونى - انشر الموضوع فى :

-

-

-

-

-

-

المواضيع المتشابهه

ساعدونى عاوز اشترى بريليانس v5 و متردد

عاوز اشترى موتوسيكل رايسس ساعدونى من فضلكم

رجاء المساعده عاوز اشترى ساجا اوتوماتيك

عاوز اشترى بروتون ساجا ومحتار !!!!!!!

عاوز اشترى تمبرا ساعدونى لو سمحتم

الكلمات الدلالية لهذا الموضوع

المفضلات

المفضلات

ضوابط المشاركة