الموضوع: هي مش دي البريليانس جالينا يا جماعة!!!

المشاركة الأصلية كتبت بواسطة fineart607

معنى ان وكيل بى ام يختار انه يكون وكيل برليانس يبقى اكيد بيثق فى العربيات دى
وبعدين انتم مش ملاحظيين ان فعلا العربيات الصينى بدات تنتشر جامد واخذت نصيب كبير من الكورى

ده ايه دليلة ؟؟؟؟؟؟؟

ده بس علشان حضرتك مش رابط بس إن البافاريه شغالة في ماركات كل مبيعاتها اقل من 5000 عربية في السنة وهم عايزين نصيب أكبر من التورتة وفي مصنع ل bmw في الصين أصحاب الشركة بيعملوا ماركة باسمهم ..... وهنا مابنصدق أي تلزيق وخلاص وال ناس نفسها تعييش الوهم وماحدش بيدور وراهم ومفيش كبير .....إنت لو مكانهم حتعمل ايه ؟؟؟

أما بالنسبة لملاحظتك ..... فـأنا مش حارد عليها باجابة واضحة أنا حشاورلك عليها واسيبها لذكاءك ..... من 30 سنة كنا بنجيب اوروبي وامريكاني وبعدين بقينا نجيب ياباني ونزلنا للكوري وبعدها نزلنا للصيني ..... والإجابة مش طنطا ولا إن في شركات جديدة دخلت السوق لإن عدد البلاد اللي فيها صيني قليل قوي ...... ولو هو كده كان البلاد اللي نظريا أفقر منا اشتريت صيني هي كمان ..... وعلى فكرة مفيش توكيل bmw في الدنيا استجرا يقول إنها bmw ....فـيا ترى ليه مصر ؟؟؟

المشاركة الأصلية كتبت بواسطة goingonlovingu

سعر اعادة بيع الاوكتافيا a5 موديل 2008 لايتعدى 130.000 في حين ان اللي اشتراها اشتراها ب 177.000 السوق المصري ده غريب جدااااااااااااااااا

القاعدة في مصر إن أي عربية سعرها أعلى من 130 ألف بتخسر في اعادة البيع فـلو حضرتك حطيت الموضوع ده في دماغك اخرك الكوري متفكرش غير فيه إلى لو حضرتك معاك تويوتا اللي كانت ب 110 ألف أو ميتسوبيشي بومة...... غير كده كله بيخسر إلى المرسيدس وده اللي بيأكد القاعدة ............
طبعا في عربيات بتخسر أكتر من التانية زي الفرنساوي مثلا بس كله بينزل كتير ...وعلى فكرة ده المنطقي .... بس اللي مش منطقي إن الكوري بيحافظ على سعره ...... بس ده لإن اعلب الشعب اللي ربنا باليه بالفقر ده راكب كوري
عايز يا ابني عربية محترمة هاتلك عربية اوروبي مستعملة تكون موديل سنتين فاتوا وسيبك من العربيات النص كم اللي مالية السوق

خبر اسود
ربنا يستر علي الي راكبينها :(

الصينى لسه ادامه سنين على ما ينال الثقة ويقرب من الكورى حتى

المشاركة الأصلية كتبت بواسطة goingonlovingu

القاعدة في مصر إن أي عربية سعرها أعلى من 130 ألف بتخسر في اعادة البيع فـلو حضرتك حطيت الموضوع ده في دماغك اخرك الكوري متفكرش غير فيه إلى لو حضرتك معاك تويوتا اللي كانت ب 110 ألف أو ميتسوبيشي بومة...... غير كده كله بيخسر إلى المرسيدس وده اللي بيأكد القاعدة ............
طبعا في عربيات بتخسر أكتر من التانية زي الفرنساوي مثلا بس كله بينزل كتير ...وعلى فكرة ده المنطقي .... بس اللي مش منطقي إن الكوري بيحافظ على سعره ...... بس ده لإن اعلب الشعب اللي ربنا باليه بالفقر ده راكب كوري
عايز يا ابني عربية محترمة هاتلك عربية اوروبي مستعملة تكون موديل سنتين فاتوا وسيبك من العربيات النص كم اللي مالية السوق
ايه مميزات الاوروبي في السوق المصري تفتكر حضرتك؟؟

يا راجل كل حاجة وأي حاجة .... توازن , تكنولوجيا , رفاهية , استهلاك الوقود , جودة , أمان , مناورة , جودة قطع الغيار ...... كل حاجة ماعدا اعادة البيع ..... وده ظرف البلد , ولو إنت عايز عربية والسلام هات كوري إنما لو عايز عربية اللي الناس السواقين بيقولوا عليها ركوبة.... يبقى اوروبي أو ياباني .....وال عيب التاني بس ده مش عند كل الناس الناس اللي بتحب المثل بتاع احييني النهارده وموتني بكرة ...سعر قطع الغيار ..لو بسيط للكوري عمر ماقطعة الغيار بتبقى زي اللي جاية مع العربية , وعمرها اقصر بكتير ,, فـبعد كام سنة بتلاقي نفسك غيرت نفس الحتة كذا مرة .... ومشاوير وصداع ..... أما الاوروبي وال ياباني standard اللي بره زي اللي في العربية ... آه غالي بس بعد 10 سنين حتلاقيك دفع اقل بكتير ورايحت دماغك ... آخر حاجة إنت مش راكب 128 .... لازم تتصلح في حتة محترمة .....ماينفعش أي حد يمد ايده فيها ..... لازم واحد بيفهم ..أو التوكيل لو الحاجة حساسة في الأساسيات ..... أما الصيني فـلأ .... لا ده ولا ده ولا ده ... وحرام في الفلوس أصلا ....وربنا يجازي التوكيلات اللي بلت بيهم البلد , عالم معندهاش ضمير .